完整藏文原文 · 德格版页 当前仅加载第 13 函德格 26a 版页；藏文 NFD、目录标记与异常页序保留在来源切片中，重复版页行以稳定序号区分。
འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བར་སྐྱེ་སྟེ། ངན་སོང་དུ་སྐྱེ། ངན་འགྲོར་སྐྱེ། ལོག་པར་ལྟུང་བར་སྐྱེ། ངན་སོང་དུ་འགྲོ། ངན་འགྲོར་འགྲོ། ལོག་པར་ལྟུང་བར་འགྲོ། ངན་སོང་དུ་སྐྱེ། ངན་འགྲོར་སྐྱེ། ལོག་པར་ལྟུང་བར་
D7a.013.0026a01.01སྐྱེ་བར་འགྱུར་ཏེ། ཡུན་རིང་པོར་འཕྱན་ཅིང་འཁོར་བར་འཕྱན་པས་ན་འཁོར་བ་ལས་སླར་མི་ལྡོག་གོ། །དགེ་འདུན་གྱི་ཞལ་ཏ་བ་གང་གིས་ཆོས་ལ་ཆོས་སུ་བརྗོད་ཅིང་། ཆོས་མ་ཡིན་པ་ལ་ནི་ཆོས་མ་ཡིན་པར་བརྗོད་པའི་ཆོས་དེ་གཉིས་དང་ལྡན་པ་ནི་མཁས་པ་གསལ་བ་ཡིད་
D7a.013.0026a02.01རྣོ་བ་ཤེས་པ་སྐྱེས་བུ་དམ་པ་ཡིན་པར་རིག་པར་བྱ་སྟེ། བདག་ཉིད་དྲེགས་པ་སྤངས་པས་ཁ་ན་མ་ཐོ་བ་དང་བཅས་པ་མ་ཡིན་པར་འགྱུར། ཉེ་བའི་ཁ་ན་མ་ཐོ་བ་དང་བཅས་པ་མ་ཡིན་པ་ཅུང་ཟད་ཙམ་ཡང་མཁས་པ་རྣམས་ཀྱིས་བསྔགས་པར་འགྱུར་ཏེ། བསོད་ནམས་མང་
D7a.013.0026a03.01པོ་བགྲང་དུ་མེད་ཅིང་གྲངས་མེད་ཚད་མེད་པར་འཕེལ་ནས་ཇི་ལྟར་མདའ་འཕངས་པ་བཞིན་འདི་ནས་ལུས་འགྱེལ་ན་ཡང་བདེ་བར་འགྲོ་བ་མཐོ་རིས་ཀྱི་ལྷའི་འཇིག་རྟེན་དུ་སྐྱེ་བར་འགྱུར་ཏེ། ངན་སོང་དུ་མི་སྐྱེ། ངན་འགྲོར་མི་སྐྱེ། ལོག་པར་ལྟུང་བར་མི་སྐྱེ། ངན་སོང་དུ་མི་འགྲོ།
D7a.013.0026a04.01ངན་འགྲོར་མི་འགྲོ། ལོག་པར་ལྟུང་བར་མི་འགྲོ། ངན་སོང་དུ་སྐྱེ་བར་མི་འགྱུར། ངན་འགྲོར་སྐྱེ་བར་མི་འགྱུར། ལོག་པར་ལྟུང་བར་མི་འགྱུར། ཡུན་རིང་པོར་འཁོར་བ་ན་མི་འཁྱམ་སྟེ་འཁོར་བ་ལས་ལྡོག་གོ། །ཇི་ལྟར་ཆོས་དང་ཆོས་མ་ཡིན་པ་ལ་ནག་པོ་དང་དཀར་
D7a.013.0026a05.01པོའི་ཕྱོགས་སུ་རྣམ་གྲངས་ལྔར་སྨྲས་པ་དེ་བཞིན་དུ་འདུལ་བ་དང་འདུལ་བ་མ་ཡིན་པ་ལ་ཡང་ནག་པོ་དང་དཀར་པོའི་ཕྱོགས་སུ་རྣམ་གྲངས་ལྔར་བརྗོད་པར་བྱའོ། །དེ་བཞིན་དུ་ལྷག་མ་དང་བཅས་པའི་ཉེས་པ་དང་། ལྷག་མ་མ་ལུས་པའི་ཉེས་པ་ཡང་ནག་པོ་དང་དཀར་པོའི་
D7a.013.0026a06.01ཕྱོགས་སུ་རྣམ་གྲངས་ལྔར་བརྗོད་པར་བྱའོ། །དེ་བཞིན་དུ་ཉེས་པ་ལྕི་བ་དང་ཉེས་པ་ཡང་བ་ཡང་ནག་པོ་དང་དཀར་པོའི་ཕྱོགས་སུ་རྣམ་གྲངས་ལྔར་བརྗོད་པར་བྱའོ། །དེ་བཞིན་དུ་སྨྲས་པ་དང་མ་སྨྲས་པར་བརྗོད་པར་ཡང་ནག་པོ་དང་དཀར་པོའི་ཕྱོགས་སུ་རྣམ་གྲངས་ལྔར་བརྗོད་
D7a.013.0026a07.01