完整藏文原文 · 德格版页 当前仅加载第 13 函德格 101b 版页；藏文 NFD、目录标记与异常页序保留在来源切片中，重复版页行以稳定序号区分。
སྒོ་གསུམ་པའི་མདོའི་ཚིགས་སུ་བཅད་པ་གཉིས་པའོ།། །།མདོར་ན། གཅིག་ལ་གཅིག་དང་དུགས་ཁང་དང་། །ཁྱིམ་པ་གསུམ་པ་དེ་བཞིན་ཏེ། །གདིང་བ་དང་ནི་དེ་བཞིན་སྐྲ། །ལྕི་བས་བྱས་པ་ཀུན་ཐོས་པའོ། །སངས་རྒྱས་བཅོམ་ལྡན་འདས་མཉན་དུ་ཡོད་
D7a.013.0101b01.01པའི་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་དུ་ཡོད་པ་ན་ཁྱིམ་བདག་གཞན་ཞིག་གིས་དགེ་འདུན་གྱི་ཕྱིར་དུགས་ཁང་ཞིག་བྱས་སོ། །དེ་ནས་དྲུག་སྡེ་དག་གིས་གོས་གཅིག་པུས་སྨད་གཡོགས་བྱས་ཏེ། གཅིག་ལ་གཅིག་ལས་
D7a.013.0101b02.01བྱེད་ཅིང་འཁོད་པ་དང་། བྲམ་ཟེ་དང་། ཁྱིམ་བདག་དག་ཕྱོགས་དེར་ལྷགས་པ་དང་། དེ་དག་གིས་དེ་མཐོང་ནས། ཀྱེ་འདི་ལྟ་བུ་དག་ཏུ་བྱེད་པ་སུ་ཞིག་ཅེས་སྨྲས་པ་དང་། དེ་ན་ཁ་ཅིག་གིས་ནི་མུ་སྟེགས་ཅན་དག་ཡིན་ནོ་ཞེས་སྨྲས། ཡང་ཁ་ཅིག་གིས་འདི་དག་ནི་
D7a.013.0101b03.01མུ་སྟེགས་ཅན་མ་ཡིན་གྱི། དགེ་སྦྱོང་ཤཱཀྱའི་བུའོ་ཞེས་སྨྲས་པ་དང་། དེ་དག་འཕྱ་བ་ལ་ཞུགས་ཏེ། ཀྱེ་སྟོན་པ་ནི་ངོ་ཚ་བ་དང་ལྡན་ན། ཅིའི་ཕྱིར་འདི་དག་ངོ་ཚ་བ་དང་ཁྲེལ་མེད་ཅེས་སྨྲས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་།
D7a.013.0101b04.01བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྲམ་ཟེ་དང་ཁྱིམ་བདག་རྣམས་འཕྱ་བ་ནི་ཡུས་ཀྱིས། དེ་ལྟ་བས་ན་དགེ་སློང་དག་དུགས་ཁང་དུ་གོས་གཅིག་པུ་གོན་ཏེ་གཅིག་ལ་གཅིག་ལས་མ་བྱེད་ཅིག །དགེ་སློང་དག་གིས་གོས་གཅིག་པུ་གོན་ཏེ་དུགས་ཁང་དུ་
D7a.013.0101b05.01ལས་བྱས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། མཉན་དུ་ཡོད་པ་ན་ཁྱིམ་བདག་གཞན་ཞིག་གིས་དགེ་འདུན་གྱི་ཕྱིར་དུགས་ཁང་ཞིག་བྱས་པ་དང་། དེར་དགེ་སློང་དག་གིས་འབྲུ་མར་གྱིས་བྱུགས་ཏེ། རྐང་པ་ལ་རེག་ནས་
D7a.013.0101b06.01མགོ་བོ་ལ་རེག །མགོ་བོ་ལ་རེག་ནས་ཁ་ལ་རེག །ཁ་ལ་རེག་ནས་ལག་པ་དང་རྐང་པ་ལ་རེག །ལག་པ་དང་རྐང་པ་ལ་རེག་ནས་སླར་ཡང་ཁ་ལ་རེག་ཅིང་གོས་ངན་པ་ཞིག་གིས་སྨད་གཡོགས་ཏེ་འདུག་པ་དང་། ཇི་ཙམ་ཞིག་ན་ཁྱིམ་པ་མ་དད་པ་ཞིག་ཕྱོགས་དེར་
D7a.013.0101b07.01