完整藏文原文 · 德格版页 当前仅加载第 13 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
བསླབ་པ་སྩལ་བས། ཚུལ་ཤིང་བྲིམ་ཞིང་ལས་བགྱིར་རུང་ངམ། ཨུ་པཱ་ལི་མི་རུང་ངོ་། །མ་ནིང་དང་ཟ་མ་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་
D7a.013.0092b01.01སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སོ་སོར་གནས་པ་དང་། མི་གནས་པས་ཚུལ་ཤིང་བྲིམ་ཞིང་ལས་བགྱིར་རུང་ངམ། ཨུ་པཱ་ལི་མི་རུང་ངོ་། །བཙུན་པ་བཅོམ་ལྡན་འདས་ཀྱིས་
D7a.013.0092b02.01གང་ལ་ལས་བྱ་བ་དེ་སླར་འཁྱལ་ཡང་མི་བརྩན་ནོ་ཞེས་གསུངས་ན། བཙུན་པ་གང་ལ་ཆོས་བཞིན་མ་ལགས་པར་ལས་བགྱིས་པ་དེ་ལྟར་འཁྱལ་ན་ཡང་མི་བརྩན་པར་འགྱུར་རམ། ཨུ་པཱ་ལི་དེ་ནི་བརྩན་ནོ། །བཙུན་པ་གང་ཟག་གིས་ལས་བཅུ་གཉིས་བསྐོས་པའི་
D7a.013.0092b03.01ཚེ་དེ་དག་འདི་སྐད་དུ་ངེད་ཅག་ལ་མ་བསྐོ་ཤིག་ཅེས་མཆི་ན། ཅི་དེ་དག་དེ་ལྟར་འཁྱལ་བ་ཡང་མི་བརྩན་ནམ། ཨུ་པཱ་ལི་བརྩན་ནོ། །དེ་ནི་ངས་ཆད་པས་གནས་པ་རྣམས་ཀྱི་ཕྱིར་བསམས་ཏེ་གསུངས་སོ། །བཙུན་པ་བཅོམ་ལྡན་འདས་ཀྱིས་མི་གཙང་བ་རྣམས་
D7a.013.0092b04.01སླར་འཁྱལ་ན་མི་བརྩན་ནོ་ཞེས་གསུངས་ན། བཙུན་པ་ཇི་ཙམ་གྱིས་ན་མི་གཙང་བ་ཞེས་བགྱི། ཨུ་པཱ་ལི་དེ་ནི་གང་ལ་ཕས་ཕམ་པ་བཞིའི་ནང་ནས་གང་ཡང་རུང་བ་ཞིག་བྱུང་བར་གྱུར་པ་སྟེ། དེ་ཙམ་གྱིས་ན་མི་གཙང་བར་འགྱུར་རོ། །གླེང་གཞིའི་སྒོ་གཉིས་པའི་
D7a.013.0092b05.01མདོའི་ཚིགས་སུ་བཅད་པ་བཞི་པའོ།། །།མདོར་ན། བསླབ་པ་བྱིན་དང་ལས་བྱེད་དང་། །རྐུན་གནས་ཀྱང་ནི་དེ་བཞིན་ཏེ། །བསྙེན་རྫོགས་མཚམས་ཀྱི་ཕྱི་རོལ་དང་། །མངགས་ཏེ་གཏང་བར་མི་བྱ་བའོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་
D7a.013.0092b06.01ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་ལས་བགྱིད་པ་བསླབ་པ་སྩལ་བས་ལས་བགྱིས་ན། བགྱིས་པ་ཞེས་བགྱིའམ། འོན་ཏེ་མ་བགྱིས་པ་ཞེས་བགྱི།
D7a.013.0092b07.01