完整藏文原文 · 德格版页 当前仅加载第 13 函德格 298a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་སྨྲ་ཞིང་གཞན་ལ་བརྗོད་པར་མི་འདོད་པ་དེ་དག་གིས་ཇི་ལྟ་བུར་ཡིད་ལ་བྱ་བ་གྲུབ་པ་དེ་བཞིན་དུ་བསྒོམ་པར་བྱ། སྤྱོད་ལམ་བཞི་ལ་འཇུག་པར་བྱ། ཕན་ཚུན་དུ་མི་སྨྲ་བར་འཇུག་པ་ལ་རྒྱས་པར་བྱ་བ་ནི་འདི་ལྟ་སྟེ། ཀླུང་དགའ་ལྡན་གྱི་དགེ་སློང་རྣམས་
D7a.013.0298a01.01ཇི་ལྟ་བ་བཞིན་དུ་བྱ་སྟེ། འདི་ནི་མི་སྨྲ་བའི་བྱ་བ་ཞེས་བྱའོ། །དབྱར་ཚུལ་དུ་འཇུག་པའི་བྱ་བ་གང་ཞེ་ན། དབྱར་ཚུལ་དུ་འཇུག་པར་འདོད་པའི་དགེ་སློང་གིས་བསམ་པ་ཤིན་ཏུ་བསམས། བརྟག་པ་ཤིན་ཏུ་བརྟགས། ཤིན་ཏུ་དཔྱད་པ་བཞིན་དཔྱད་དེ། ཚུལ་དུ་
D7a.013.0298a02.01འཇུག་པར་བྱ་སྟེ། བདག་གནས་དེ་ན་དགེ་སློང་ཇི་ལྟར་ཚུལ་ཁྲིམས་དང་ལྡན། ཡོན་ཏན་དང་ལྡན། མཁས་པ་དང་ལྡན། དགེ་བའི་ཆོས་དང་ལྡན། ལྟ་བ་མཚུངས། གནས་པ་མཚུངས། གྲོགས་སུ་མཚུངས། ཡིད་གཅུགས་པ་དག་དང་ལྷན་ཅིག་གང་བདེ་
D7a.013.0298a03.01བར་འགྱུར་བ་ནི་འདི་ལྟ་སྟེ། འགྲོ་ན་ཡང་རུང་། སྨྲ་ཡང་རུང་བ་དག་གནས་དེ་ན་དགེ་སློང་མདོ་སྡེ་འཛིན་པ། འདུལ་བ་འཛིན་པ། མ་ལྟ་བུ་འཛིན་པ་གང་བདག་ཐེ་ཚོམ་མ་སྐྱེས་པ་ལས་ནི་མི་སྐྱེད། སྐྱེས་པ་ནི་དུལ་བར་བྱེད། སྡིག་པ་ལྟ་བུ་མ་སྐྱེས་པ་ལས་ནི་མི་སྐྱེད།
D7a.013.0298a04.01སྐྱེས་པ་ལས་ནི་དུལ་བར་བྱེད་པ་ཡོད་དམ། གནས་དེ་ན་བདག་ན་བ་དང་རྗེས་སུ་མཐུན་པའི་སྨན་དང་། ཟས་དང་། ཡོ་བྱད་དང་། བསྙེན་བཀུར་བྱེད་པར་འབྱོར་པར་འགྱུར་རམ། གནས་དེ་ན་བདག་གི་ལུས་ཀྱང་རུང་། སེམས་ཀྱང་རུང་བདེ་བར་འགྱུར་རམ། གནས་
D7a.013.0298a05.01དེ་ན་དགེ་སློང་དག་ཐབ་མོ་བྱེད་པ། མཚང་འདྲུ་བར་བྱེད། འཁྲུག་པར་བྱེད། རྩོད་པ་གླེང་བར་བྱེད་པ་ལྟ་མི་གནས་གྲང་། དེས་བདག་ལ་མ་ཐོབ་པ་ལས་ཐོབ་པ་དང་། མ་ཆུད་པ་ལས་ཆུད་པར་བྱ་བ་དང་། མངོན་དུ་མ་བྱས་པ་ལས་མངོན་དུ་བྱེད་པའི་བར་ཆད་དུ་མི་
D7a.013.0298a06.01འགྱུར། གནས་དེ་ན་དབྱར་གྱི་ནང་དུ་དགེ་འདུན་འབྱེ་བར་མི་འགྱུར་གྲང་ཞེས་དེ་བཞིན་དུ་བསམ་པ་ཤིན་ཏུ་བསམས། བརྟག་པ་ཤིན་ཏུ་བརྟགས། དཔྱད་པ་ཤིན་ཏུ་དཔྱད་དེ། ན་བའི་བསྙེན་བཀུར་བའི་གྲོགས་མཐུན་པ་དང་འགྲོ་བར་བྱ་སྟེ། འདི་ནི་དབྱར་ཚུལ་དུ་འཇུག་པའི་
D7a.013.0298a07.01