完整藏文原文 · 德格版页 当前仅加载第 13 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ངས་ཟས་ཟོས་པ་ལ་རབ་ཏུ་སྨད་ནས་དེས་སྐྱུགས་སོ། །ད་འདིར་ཡང་ངས་ཟོས་པ་ལ་རབ་ཏུ་སྨད་ནས་འདིར་ཡང་སྐྱུགས་པར་གྱུར་ཏོ། །གླེང་གཞི་ནི་རྒྱལ་པོའི་ཁབ་ན་སྟེ། དེའི་ཚེ་ན་རྒྱལ་པོའི་ཁབ་ཀྱི་གྲོང་ཁྱེར་ན་ཁྱིམ་བདག་མེ་སྐྱེས་ཀྱི་སྲིང་མོའི་ཁྱོ་གཅེར་བུ་པའི་དགེ་
D7a.013.0168b01.01བསྙེན་དཔལ་སྦེད་ཅེས་བྱ་བ་ཞིག་འདུག་སྟེ། ཁྱིམ་བདག་མེ་སྐྱེས་དད་པ་དེས་འདི་སྙམ་དུ་དཔལ་སྦེད་འདི་དགེ་འདུན་དག་ལ་ཡོན་འབུལ་དུ་བསྐུལ་ལོ་སྙམ་བསམས་ནས། དེས་དེ་ལ་དཔལ་སྦེད་དགེ་འདུན་དག་ལ་མཆོད་པ་དང་། ཡོན་ཕུལ་ཅིག་དང་ཁྱོད་ཀྱི་བསོད་ནམས་སུ་
D7a.013.0168b02.01འགྱུར་རོ་ཞེས་སྨྲས་སོ། །དཔལ་སྦེད་ཀྱིས་སྨྲས་པ། ངས་ཀྱང་དགེ་འདུན་དག་ལ་མཆོད་ཅིང་ཡོན་དབུལ་བར་བྱ། ཁྱོད་ཀྱིས་ཀྱང་གང་པོ་ལ་སོགས་ཏེ་རབ་ཏུ་བྱུང་བའི་དགེ་འདུན་དག་ལ་མཆོད་ཅིང་བཤོས་གསོལ་ཅིག །མེ་སྐྱེས་ཀྱིས་འདི་སྙམ་དུ་བསམས་པ། དེ་སྟེ་ཁས་
D7a.013.0168b03.01མ་བླངས་ན་དཔལ་སྦེད་ཀྱིས་ཀྱང་དགེ་འདུན་ལ་མཆོད་པའི་བར་ཆད་དུ་འགྱུར་ན། སེམས་ཅན་ཐམས་ཅད་ལ་སྦྱིན་པ་ལྟ་ཉེས་པ་མེད་ཀྱིས་གཅེར་བུ་པའི་དགེ་འདུན་དག་ཟས་བྱིན་ཏེ་བདག་གིས་དེས་དགེ་འདུན་ལ་མཆོད་ཅིང་ཡོན་འབུལ་བའི་བར་ཆད་མི་བྱའོ་སྙམ་དུ་བསམས་ནས་
D7a.013.0168b04.01དེས་ཟས་སྦྱིན་ནོ་ཞེས་ཁས་བླངས་ནས་དཔལ་སྦེད་ཀྱིས་འདི་སྙམ་དུ་བདག་གིས་དང་པོར་སངས་རྒྱས་ལ་སོགས་ཏེ་དགེ་སློང་གི་དགེ་འདུན་དག་སྔར་བཤོས་གསོལ་ན་ནི་མེ་སྐྱེས་ཀྱིས་ཕྱིས་ཟན་མི་སྦྱིན་གྱིས་གང་པོ་ལ་སོགས་ཏེ་རབ་ཏུ་བྱུང་བའི་དགེ་འདུན་དག་བཤོས་སྔར་གསོལ་པ་
D7a.013.0168b05.01དང་། ངས་ཕྱིས་ཟས་སྦྱིན་ནོ་སྙམ་བསམས་ནས། མེ་སྐྱེས་ལ་འདི་སྐད་ཅེས་སྨྲས་སོ། །མེ་སྐྱེས་ཁྱོད་ཀྱིས་དང་པོ་ཟན་བྱིན་ཅིག་དང་། ངས་ཀྱང་ཕྱིས་དགེ་སྦྱོང་གཽ་ཏ་མ་དང་ཉན་ཐོས་ཀྱི་དགེ་འདུན་དག་ལ་ཟན་སྦྱིན་ནོ། །དེས་ཀྱང་ཁས་བླངས་ནས་དེ་ནས་ཁྱིམ་བདག་
D7a.013.0168b06.01མེ་སྐྱེས་ཀྱིས་གང་པོ་དག་གང་ན་འདུག་པ་དེར་ཕྱིན་ནས་གང་པོ་དང་ལྷན་ཅིག་རབ་ཏུ་དགའ་ཞིང་མགུ་བའི་གཏམ་སྣ་ཚོགས་དག་བྱས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཁྱིམ་བདག་མེ་སྐྱེས་ཀྱིས་གང་པོ་ལ་འདི་སྐད་ཅེས་སྨྲས་སོ། །གང་པོ་
D7a.013.0168b07.01