完整藏文原文 · 德格版页 当前仅加载第 13 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་མཉན་དུ་
D7a.013.0152a01.01ཡོད་པ་ན་དགེ་སློང་ཇི་སྙེད་གནས་ཤིང་མཆིས་པ་དེ་ཐམས་ཅད་འདུན་ཁང་དུ་འདུས་ཏེ་མཆིས་ལགས་ན། བཅོམ་ལྡན་འདས་ཀྱིས་ད་དུས་ལ་བབ་པར་དགོངས་ཤིག །དེ་ནས་བཅོམ་ལྡན་འདས་འདུན་ཁང་གང་ན་བ་དེར་བཞུད་དེ་བྱོན་ནས་དགེ་སློང་གི་དགེ་འདུན་གྱི་མདུན་ན་
D7a.013.0152a02.01གདན་བཏིང་བ་ལ་བཞུགས་ཏེ་བཞུགས་ནས་བཅོམ་ལྡན་འདས་ཀྱིས་དགེ་སློང་དག་ལ་བཀའ་སྩལ་པ། དགེ་སློང་དག་དེང་ཀོ་ས་ལའི་རྒྱལ་པོ་གསལ་རྒྱལ་ངའི་དྲུང་དུ་འོངས་ཏེ། ཨེ་མའོ་བཅོམ་ལྡན་འདས་གཞག་པའི་རིགས་པ་རྣམས་ནི་ཞོག་ལ། ལས་ཀྱི་རེས་ལ་བཀའ་སྩལ་པའི་
D7a.013.0152a03.01མི་རིགས་སོ་ཞེས་ཟེར་གྱིས་ཁྱེད་ཅག་གིས་དེང་ཕན་ཆད་གཞག་པའི་རིགས་པ་རྣམས་ལས་ལ་མ་བསྐོ་བར་ཞོག་ཅིག །བཅོམ་ལྡན་འདས་ཀྱིས་གཞག་པའི་རིགས་པ་རྣམས་ལས་ལ་མ་བསྐོ་ཤིག་ཅེས་གསུངས་པ་དང་། དགེ་སློང་དག་གིས་གང་གཞག་པར་རིགས་པ་མ་
D7a.013.0152a04.01ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། མདོ་སྡེ་འཛིན་པ་དང་། འདུལ་བ་འཛིན་པ་དང་། མ་ལྟ་བུ་འཛིན་པ་དང་། མང་པོ་འཆད་པ་དང་། དགེ་འདུན་གྱི་གནས་བརྟན་དག་ནི་གཞག་པར་རིགས་པའོ། །དེ་ལ་མདོ་སྡེ་འཛིན་པ་ནི་དེ་ཉིད་ལས་སོ། །དེ་
D7a.013.0152a05.01བཞིན་དུ་འདུལ་བ་འཛིན་པ་དང་། མ་ལྟ་བུ་འཛིན་པ་དང་། མང་པོ་ལ་འཆད་པ་དང་། དགེ་འདུན་གྱི་གནས་བརྟན་དག་ཀྱང་དེ་ཉིད་ལས་ཡིན་ནོ། །བཅོམ་ལྡན་འདས་ཀྱིས་མདོ་སྡེ་འཛིན་པ་དང་། འདུལ་བ་འཛིན་པ་དང་། མ་ལྟ་བུ་འཛིན་པ་དེ་ནི་དེ་ཉིད་ལས་ཡིན་ནོ་
D7a.013.0152a06.01ཞེས་གསུངས་པ་དང་། དྲུག་སྡེ་དག་གིས་མདོ་སྡེའི་ལེའུ་གཅིག་གཉིས་བཀླགས་ནས་ངེད་ཅག་ནི་མདོ་སྡེ་འཛིན་པ་ཡིན་པས་ན་ངེད་ལ་ལས་ཀྱི་རེས་མ་དབབ་ཅིག་ཅེས་སྨྲས་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་
D7a.013.0152a07.01