完整藏文原文 · 德格版页 当前仅加载第 13 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
བགྱིའམ། ཨུ་པཱ་ལི་ཕྱུང་བའོ། །ཅི་ཐམས་ཅད་ཀྱིས་ཕྱུང་བ་ཞེས་བགྱིའམ། ཨུ་པཱ་ལི་མ་ཡིན་ཏེ། གང་གིས་གཏན་པ་ཕྱུང་བ་དེ་དག་ལ་ནི་ཕྱུང་བ་ཞེས་བྱ། གང་གིས་མ་ཕྱུང་བ་དེ་དག་ལ་ནི་གཏན་པ་ཕྱུང་བ་ཞེས་མི་བྱའོ། །དགེ་འདུན་ཕྱོགས་དང་། ཕྱོགས་མ་ཡིན་པར་བྱེ་སྟེ་མཆིས་ན་
D7a.013.0226b01.01གང་གིས་གཏན་པ་གདིང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཆོས་བཞིན་སྨྲ་བ་རྣམས་ཀྱིས་སོ། །བཙུན་པ་གོས་མ་ལགས་པར་དགེ་འདུན་གྱི་གཏན་པར་བཏིང་ན་གཏན་པར་བཏིང་བ་ཞེས་བགྱིའམ། གཏན་པར་མ་བཏིང་བ་ཞེས་བགྱི། ཨུ་པཱ་ལི་མ་བཏིང་བ་ཞེས་བྱའོ། །
D7a.013.0226b02.01བཙུན་པ་གོས་ཟིན་ནས་གཏན་པར་བཏིང་ན་གཏན་པ་བཏིང་བ་ཞེས་བགྱིའམ། ཨུ་པཱ་ལི་བཏིང་བ་ཞེས་བྱའོ། །མདོར་ན། སེམས་གསུམ་བསྐྱེད་དང་བག་ཡངས་དང་། །རྐྱེན་དང་གཏན་པ་དེ་ཡི་དོན། །ཨུ་པཱ་ལི་གནས་བྲེལ་བའོ། །གཏན་པ་བཏིང་བའི་དགེ་སློང་གིས་མཇུག་ཏུ་ཁབ་སོ་འདྲུབ་
D7a.013.0226b03.01པའི་ཚེ་སེམས་གསུམ་བསྐྱེད་པར་གྱིས་ཤིག་ཅེས་གསུངས་ན། དེ་གང་ལགས། གོས་འདི་དགེ་འདུན་གྱི་གཏན་པར་གདིང་བར་བྱའོ། །གོས་འདི་ནི་གདིང་ངོ་། །གོས་འདི་ནི་བཏིང་ངོ་ཞེས་བརྗོད་དོ། །གཏན་པ་གདིང་བ་དེ་ལྟར་སེམས་གསུམ་བསྐྱེད་ན་གཏན་པ་བཏིང་བ་ཞེས་བགྱིའམ།
D7a.013.0226b04.01མ་བཏིང་བ་ཞེས་བགྱིའམ། བཏིང་བ་ཞེས་བྱའོ། །འོན་ཀྱང་སེམས་བསྐྱེད་པ་རྣམ་པ་གཉིས་ནི་སྔ་མ་བཞིན་དུ་གྱིས་ཤིག །སེམས་དེ་གཉིས་མ་བསྐྱེད་ན་ཅིར་འགྱུར། གཏན་པ་བཏིང་བ་ཞེས་ནི་བྱ་སྟེ། གཏན་པ་གདིང་བ་ནི་ཉེས་བྱས་སུ་འགྱུར་རོ། །གཏན་པ་བཏིང་བའི་གནས་སུ་
D7a.013.0226b05.01རྐྱེན་དུས་བག་ཡངས་སུ་འགྱུར། ལྔ་སྟེ། གོས་ཅི་རྙེད་འཆང་ཡང་རུང་བ་དང་། སྦྱར་མ་མེད་བཞིན་དུ་གྲོང་དུ་འཇུག་པ་དང་། འདུས་ཤིང་ཟ་བ་དང་། ཡང་ཡང་ཟ་བ་དང་། མ་བསྒོ་བར་སྤྱོད་པ་དང་། སྟེང་གོས་དང་། མཐང་གོས་ཀྱིས་ལྗོངས་སྤྱོད་དུ་འགྲོ་བའོ། །བཙུན་པ་རྒྱུ་
D7a.013.0226b06.01དུ་རྐྱེན་དུས་ན་སྦྱར་མ་བཞག་ཀྱང་འབྲལ་བར་མི་འགྱུར། ལྔ་སྟེ། ཇི་ལྟར་འདུལ་བ་ལས་འདུས་པར་འབྱུང་བ་བཞིན་དུ་དབྱར་གྱི་རས་ཆེན་གཞག་པའང་དེ་བཞིན་ནོ། །གཏན་པ་ཞེས་བགྱི་བའི་དོན་ཇི་ལྟ་བུ་ལགས། གཏན་པ་ཞེས་བྱ་བ་ནི་གོས་ལ་བྱ་སྟེ། གོས་གང་དགེ་འདུན་གྱི་གཏན་
D7a.013.0226b07.01