完整藏文原文 · 德格版页 当前仅加载第 13 函德格 188a 版页；藏文 NFD、目录标记与异常页序保留在来源切片中，重复版页行以稳定序号区分。
པོར་བོར་ཅིག །འབྲུ་མར་གྱི་བུམ་པ་དང་། མར་གྱི་བུམ་པ་ནི་མེའི་ནང་དུ་བསྲེགས་ལ་དེ་ནས་ལྕི་བའི་རིལ་བུའམ། བ་ལང་གི་ལྕི་བས་རུང་བར་གྱིས་ལ་ཆུ་ཆུས་ཏེ། དེ་སྔ་དྲོ་དང་ཕྱི་དྲོ་ཡང་སྤྱོད་ཅིག །དེ་ལ་ཐེ་ཚོམ་དུ་མ་བྱེད་ཅིག །གླེང་གཞི་ནི་མཉན་དུ་ཡོད་
D7a.013.0188a01.01པ་ན་སྟེ། དགེ་སློང་གཞན་ཞིག་གིས་བུམ་པའི་ནང་ནས་ཆུ་འཐུངས་པ་དང་། བུང་བས་ཟོས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བུམ་བུའི་ནང་ནས་ཆུ་མ་འཐུང་ཤིག །འཐུང་
D7a.013.0188a02.01ན་འདས་པ་དང་བཅས་པར་འགྱུར་རོ། །སྔར་ལག་པ་སྙོལ་ལ་ཁ་ཁྲུས་ཏེ། གདོད་ཆུ་འཐུང་ཤིག །བུམ་བུའི་ཁ་གབ་མེད་པར་མ་བཞག་ཤིག །དེ་བས་ན་ངས་གནང་གིས་བུམ་པའི་ཁ་གབ་ཆོངས་ཤིག་བཅོམ་ལྡན་འདས་ཀྱིས་བུམ་བུའི་ཁ་གབ་ཆོངས་ཤིག་ཅེས་བཀའ་སྩལ་ན།
D7a.013.0188a03.01དགེ་སློང་དག་གིས་ཁ་གབ་ཇི་ལྟ་བུ་བཅང་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཤིང་ལས་བྱས་པའམ། རྡོ་ལས་བྱས་པའམ། ས་ལས་བྱས་པའོ། །བཅོམ་ལྡན་འདས་ཀྱིས་ལག་པ་སྙོལ་ལ་ཆུ་འཐུང་ཤིག་ཅེས་བཀའ་སྩལ་ན། ལམ་དུ་ཞུགས་པ་དག་
D7a.013.0188a04.01གཅིག་ལ་ཆུ་ཉུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། འདབ་མ་རང་ལྷགས་པ་ཚོལ་ལ་དེའི་ནང་ནས་འཐུང་ཤིག །དེ་ཡང་མེད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བག་ཡོད་བཞིན་དུ་ཤིང་ལ་ཆགས་པ་ལས་འཐུང་ཤིག །དེ་ཡང་
D7a.013.0188a05.01མེད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དབེན་པར་འདུག་ལ་བུམ་བུ་ཉིད་ནས་འཐུང་ཤིག །གཞན་གྱིས་མ་མཐོང་བ་དང་མཛེས་པར་གྱིས་ཤིག །དགེ་སློང་དག་ངས་ཕོངས་པ་ན་གནང་བ་དེ་མ་ཕོངས་པའི་ཚེ་ན་མ་སྤྱོད་ཅིག །སྤྱད་ན་འདས་པ་དང་
D7a.013.0188a06.01བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་དག་ལྗོངས་རྒྱུ་བ་སྤྱོད་ཅིང་དོང་བ་ལས་དེ་དག་གིས་རྒྱགས་དགེ་ཚུལ་ཕ་དག་ལ་བསྐུར་བ་དེ་དག་མ་ཐེག་ནས་དེ་དག་གིས་ཐེག་ལ་བསྐུར་ཅིག་ཅེས་སྨྲས་པ་དང་། དགེ་སློང་དག་ཐེ་ཚོམ་སྐྱེས་ནས་མ་བཏེག་
D7a.013.0188a07.01