完整藏文原文 · 德格版页 当前仅加载第 13 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
གང་བ་ཆུར་བྱིང་སྟེ། དེ་ནས་ཁོ་བོ་བྲེལ་བ་དང་། རིན་པོ་ཆེའི་སྒྲོམ་བུ་འདི་ཆུས་ཁྱེར་ཏེ། རིན་པོ་ཆེའི་སྒྲོམ་འདི་ནི་བདག་གི་ལགས་སོ་ཞེས་སྨྲས་པ་དང་། དེ་སྟེ་ཁྱོད་ཀྱི་ཡིན་ན་ཁྱེར་ཅིག །དགེ་སློང་དེ་དག་འགྱོད་པ་སྐྱེས་ནས། བཅོམ་ལྡན་འདས་ཀྱིས་
D7a.013.0004a01.01བཀའ་སྩལ་པ། ཉེས་པ་མེད་དོ། །དགེ་སློང་གཞི་བ་ཞིག་གིས་ཕྱོགས་བཞིའི་དགེ་འདུན་གྱི་ཡོ་བྱད་རྐུ་སེམས་ཀྱིས་གནས་ནས་གནས་སུ་སྤོས་པ་དང་། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། ཉེས་
D7a.013.0004a02.01པ་སྦོམ་པོར་འགྱུར་རོ། །རྐུན་པོ་དག་ཅིག་གིས་བ་ཞིག་ཁྲིད་དེ་དགོན་པའི་གནས་སུ་འཛེགས་ནས་དེ་དག་གིས་དེར་བཏགས་ཏེ་དོང་བ་དང་། གནས་དེར་དགེ་སློང་དག་ཉིན་པར་སྤྱོད་པའི་ཕྱིར་དོང་བ་དང་། དེ་དག་གིས་བ་དེ་མཐོང་ནས་དེ་དག་གིས་སྙིང་རྗེ་སྟེ་བཏང་བ་དང་། དེ་
D7a.013.0004a03.01དག་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། ཉེས་བྱས་སུ་འགྱུར་རོ། །མདོར་ན། རོ་དང་གསེར་གྱི་ཕྲེང་བ་དང་། །བྱན་ལག་བྱི་བ་རྣམ་པ་གཉིས། །{རི་དགས་,རི་དྭགས་}གསུམ་དང་ཀོག་ཚེ་གཉིས། །རྙི་དང་བྱ་
D7a.013.0004a04.01རྒྱ་བྱ་ཚང་ངོ་། །མཉན་དུ་ཡོད་པ་ན་གཞན་དག་རོ་ལ་གསོལ་བ་འདེབས་ཏེ། ཁྱིམ་བདག་དེས་ཀྱང་དགོས་པ་ཞིག་གསོལ་ནས། དེའི་དགོས་པ་དེ་གྲུབ་པ་དང་། དེས་དེ་ལ་རས་དཀར་པོ་ཞིག་གིས་གཡོགས་ཏེ་བཞག་པ་ལ་དགེ་སློང་ནག་པོ་དགའ་བོ་ཞེས་བྱ་བ་དེ་དེར་སོང་ནས་
D7a.013.0004a05.01རས་དེ་བླངས་པ་དང་། དེ་ལ་དགེ་སློང་རྣམས་ཀྱིས་ཁྱོད་ལ་ཕས་ཕམ་པའི་ཉེས་པ་བྱུང་ངོ་། །དངོས་པོ་གང་གི་ཕྱིར། ཁྱོད་ཀྱིས་རོའི་རས་མ་བྱིན་པར་བླངས་པའི་ཕྱིར་རོ་ཞེས་སྨྲས་པ་དང་། དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་
D7a.013.0004a06.01ཉེས་པ་མེད་དེ། ཉེས་པ་སྦོམ་པོར་འགྱུར་རོ། །གྲོང་ཁྱེར་ཡངས་པ་ཅན་ན་རོ་གསེར་གྱི་ཕྲེང་བ་བཏགས་པ་ཞིག་རང་ལ་བསྲུང་ཞིང་འདུག་གོ་ཞེས་དགེ་སློང་ནག་པོ་དགའ་བོ་ཞེས་བྱ་བ་དེས་ཐོས་ཏེ་དེ་དེར་སོང་ནས། རོ་དེ་ལ་འཐོག་པ་ལས་རོ་དེ་སྨྲ་བ་དང་། དེ་དཔའ་བ་ལ་ནུས་
D7a.013.0004a07.01