完整藏文原文 · 德格版页 当前仅加载第 13 函德格 33b 版页；藏文 NFD、目录标记与异常页序保留在来源切片中，重复版页行以稳定序号区分。
ན་སེམས་འཁྲུགས་པར་འགྱུར་ཏེ། ལྔ་གང་ཞེ་ན། རླུང་བསྐྱོད་པ་དང་། མཁྲིས་པ་དང་། བད་ཀན་དང་། འདུས་པ་དང་། སྔོན་གྱི་ལས་ཀྱི་རྣམ་པར་སྨིན་པའོ། །གཞན་ཡང་རྒྱུ་ལྔས་ན་སེམས་འཁྲུགས་ཏེ། ལྔ་གང་ཞེ་ན། མི་མ་ཡིན་པས་བརྡེག་པ་དང་། མི་མ་ཡིན་
D7a.013.0033b01.01པས་སེམས་འཁྲུགས་པ་དང་། མི་མ་ཡིན་པས་མདངས་ཕྲོགས་པ་དང་། ཁམས་མ་མཉམ་པ་དང་། སྔོན་གྱི་ལས་ཀྱི་རྣམ་པར་སྨིན་པའོ། །རྒྱུ་ལྔས་འདོད་ཆགས་དང་མ་བྲལ་བའི་ཕོ་མཚན་ལས་སུ་རུང་བར་འགྱུར་ཏེ། བཤང་བ་འགགས་པར་གྱུར་པ་དང་། གཅི་བ་འགགས་
D7a.013.0033b02.01པར་གྱུར་པ་དང་། རླུང་འགགས་པར་གྱུར་པ་དང་། སྲོག་ཆགས་ཨུ་ཙ་ཏིང་ཀས་ཟིན་པར་གྱུར་པ་དང་། འདོད་པའི་འདོད་ཆགས་ཀྱིས་ཀུན་ཏུ་དཀྲིས་པར་གྱུར་པ་དང་ལྔའོ། །ཁུ་བ་རྣམ་པ་ལྔ་སྟེ། སྔོན་པོ་དང་། སེར་པོ་དང་། དམར་པོ་དང་། བསྐ་བ་དང་། སླ་བ་དང་
D7a.013.0033b03.01ལྔའོ། །གཎྜཱི་བརྡུང་བ་ལ་རྣམ་པ་ལྔ་སྟེ། དགེ་འདུན་ཐམས་ཅད་ཀྱི་གཎྜཱི་དང་། ལས་ཀྱི་གཎྜཱི་དང་། ཤི་བའི་གཎྜཱི་དང་། ཉེས་པའི་གཎྜཱི་དང་། སྤང་བའི་གཎྜཱི་དང་ལྔའོ། །དགེ་འདུན་ཐམས་ཅད་ཀྱི་གཎྜཱི་དེ་ནི་རྒྱུད་གསུམ་དང་དྲག་པོ་གསུམ་མོ། །ལས་ཀྱི་གཎྜཱི་ནི་རྒྱུད་
D7a.013.0033b04.01གཉིས་དང་དྲག་པོ་གཅིག་གོ། །ཤི་བའི་གཎྜཱི་ནི་རྒྱུད་གཅིག་པའོ། །ཉེས་པའི་གཎྜཱི་ནི་ནམ་ཞི་བར་གྱུར་གྱི་བར་དུའོ། །སྤང་བའི་གཎྜཱི་ནི་ཁར་གསིལ་ལོ། །ཆོས་རྣམ་པ་ལྔ་དང་ལྡན་པའི་དགེ་སློང་གིས་དགེ་སློང་མ་ལ་ལུང་བསྒོ་བར་བྱ་སྟེ། ལྔ་གང་ཞེ་ན། ཚུལ་ཁྲིམས་དང་ལྡན་
D7a.013.0033b05.01པར་གྱུར་པ་དང་། མང་དུ་ཐོས་པ་དང་། གནས་བརྟན་རྒྱལ་པོར་གྱུར་པ་དང་། གྲོང་ཁྱེར་གྱི་སྐད་དང་ལྡན་པར་གྱུར་པ་དང་། དེས་དགེ་སློང་མ་ལ་ལུས་ཀྱིས་བསྐྱོད་པས་སུན་མ་ཕྱུང་བར་གྱུར་པའོ། །ཇི་ལྟར་ན་ཚུལ་ཁྲིམས་དང་ལྡན་པ་ཡིན་ཞེ་ན། ཕས་ཕམ་པ་བཞི་ལས་གང་
D7a.013.0033b06.01ཡང་རུང་བ་འདས་པར་མ་གྱུར་པའོ། །ཇི་ལྟར་ན་མང་དུ་ཐོས་པ་ཡིན་ཞེ་ན། དེས་སོ་སོར་ཐར་པའི་མདོ་བཤད་པའམ་ཁ་ཏོན་དུ་བྱས་པར་གྱུར་པའོ། །ཇི་ལྟར་ན་གནས་བརྟན་རྒྱལ་པོ་ལྟ་བུར་གྱུར་པ་ཡིན་ཞེ་ན། བསྙེན་པར་རྫོགས་ནས་ལོ་ཉི་ཤུ་ལོན་པར་གྱུར་པའམ། ཡང་
D7a.013.0033b07.01