完整藏文原文 · 德格版页 当前仅加载第 13 函德格 175b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །ཡོན་དང་སྣོད་དང་རོལ་མོ་དང་། །དགེ་བསྙེན་དག་ནི་བསྒྲགས་པའོ། །གླེང་གཞི་ནི་མཉན་དུ་ཡོད་པ་ན་སྟེ། བཅོམ་ལྡན་འདས་ཀྱིས་འཛམ་བུའི་གྲིབ་མ་ན་བཞུགས་པའི་སྐུ་གཟུགས་ལ་དུས་ཀྱི་མཆོད་རྟེན་ཆེན་པོ་དང་བཅས་པར་བྱོས་ལ། གྲོང་ཁྱེར་གྱི་ནང་དུ་བཀུར་བར་གྱིས་
D7a.013.0175b01.01ཤིག་ཅེས་བཀའ་སྩལ་པ་དང་། དགེ་སློང་དག་གིས་སུས་བཀུར་བར་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གཞོན་ནུ་དག་གིས་ཁྱེར་ཅིག །བཅོམ་ལྡན་འདས་ཀྱིས་དགེ་སློང་གཞོན་ནུ་དག་གིས་ཁྱེར་ཅིག་པར་བཀའ་སྩལ་པ་དང་། དེ་འཁོར་མེད་
D7a.013.0175b02.01པར་གྱུར་པས་ན་མི་མཛེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་དང་། དགེ་ཚུལ་མའི་འཁོར་ལྔ་དང་ཆོས་ཤིག །དད་པའི་བྲམ་ཟེ་དང་ཁྱིམ་བདག་གིས་ཡོན་ཕུལ་ན་སུས་ཀྱང་མ་བླངས་པ་དང་། བཅོམ་
D7a.013.0175b03.01ལྡན་འདས་ཀྱིས་བཀའ་སྩལ་པ། དགེ་སློང་དག་གིས་བླང་བར་བྱོས་ཤིག །གཞོན་ནུས་བླང་ངམ་རྒན་པོ་རྣམས་ཀྱིས་བླང་བ་དེ་དག་གིས་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། རྒན་པོ་རྣམས་ཀྱིས་ལོང་ཤིག །བཅོམ་ལྡན་འདས་ཀྱིས་བཀའ་སྩལ་པ། དགེ་
D7a.013.0175b04.01སློང་དེ་དག་གིས་བཀུར་བར་བྱོས་ཤིག་དང་། དགེ་སློང་གནས་བརྟན་དག་གིས་ཁྱེར་ཏེ་ངལ་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གནས་བརྟན་དག་གིས་བསྲུངས་ལ་གཞན་གྱིས་བཀུར་བར་གྱིས་ཤིག །དགེ་སློང་དག་གིས་རོལ་མོ་མེད་
D7a.013.0175b05.01པར་དོང་བ་དང་། ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཀྱིས་གནང་ན་ནི་སྐུ་གཟུགས་གཤེགས་པའི་ཚེ་བདག་གིས་རོལ་མོ་སྦྱར་རོ་ཞེས་སྨྲས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དེ་ལྟར་ན་གནང་གིས་སྦྱོར་ཅིག །སངས་རྒྱས་
D7a.013.0175b06.01བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་སློང་རོལ་མོ་བགྱིར་རུང་ངམ། ཨུ་པཱ་ལི་མི་རུང་ངོ་། །ནམ་མཆོད་པའི་དུས་ན་འདི་སྐད་དུ་བཞིན་{བཟངས་,བཟང་}སྟོན་པ་ལ་མཆོད་པར་བྱོས་ཤིག་ཅེས་སྒོ་ཤིག །རྐྱང་པའི་སྒོ་གཉིས་པའི་མདོའི་ཚིགས་སུ་བཅད་པ་
D7a.013.0175b07.01