完整藏文原文 · 德格版页 当前仅加载第 13 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་ན་དྲུག་སྡེ་དག་གིས་དེ་མཐོང་ནས་དེ་དག་གིས་བསམས་པ། བདག་ཅག་གིས་ཕྱག་དར་ཁྲོད་ཀྱི་གོས་རྙེད་དོ་སྙམ་བསམས་ནས། དེས་བཤུ་བར་བརྩམས་པ་དང་། དེའི་གཉེན་དག་གནས་དེར་འོངས་ནས་དེ་དག་གིས་དེ་མཐོང་སྟེ་ངུ་བ་ལ་
D7a.013.0112a01.01ཞུགས་ནས་ཁྱེད་ཅག་གིས་བསད་དོ་ཞེས་སྨྲས་པ་དང་། དེ་དག་གིས་ངེད་ཀྱིས་ནི་མ་བསད་ཀྱི་གདོན་མི་ཟ་བར་དགྲས་བསད་དོ་ཞེས་སྨྲས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།
D7a.013.0112a02.01དགེ་སློང་དག་དེའི་གཉེན་རྣམས་དོགས་པ་སྐྱེས་པ་ནི་ཡུས་ཏེ། དེ་བས་ན་དགེ་སློང་དག་གིས་དེ་འདྲ་བའི་ཕྱག་དར་ཁྲོད་ནི་མ་ལེན་ཅིག །གང་གི་ཚེ་ན་སྐྱེ་བོ་མང་པོ་དག་གིས་རྟོགས་པར་གྱུར་པ་དེའི་ཚེ་ན་བླང་བར་བྱ་སྟེ། དེ་ལྟར་མ་བྱས་ན་འདས་པ་དང་བཅས་པར་འགྱུར་
D7a.013.0112a03.01རོ། །གླེང་གཞིའི་སྒོ་གསུམ་པའི་མདོའི་ཚིགས་སུ་བཅད་པ་ལྔ་པའོ།། །།འདུལ་བ་གཞུང་དམ་པ། བམ་པོ་སུམ་བཅུ་རྩ་ལྔ་པ། མདོར་ན། ལྕགས་ཀྱི་གོང་བུ་གཟར་བུ་དང་། །རྒྱབ་ཁུར་རྐེད་པ་མགོ་བོ་དང་། །ཕ་དང་མ་ལ་གོས་དང་
D7a.013.0112a04.01ཟས། །སྤུ་ཅན་ཆོས་གོས་གསུམ་པའོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་
D7a.013.0112a05.01འདས་ཀྱིས་ལྕགས་ཀྱི་གོང་བུ་ལྕགས་ཐག་གིས་ཐོགས་ཤིག་ཅེས་གསུངས་ན། ལྕགས་ཐག་ཇི་ལྟ་བུར་གདགས་པར་བགྱི། ཨུ་པཱ་ལི་དེ་ནི་རིན་པོ་ཆེ་ལས་བྱས་པ་མ་གཏོགས་པའོ། །བཙུན་པ་བཅོམ་ལྡན་འདས་ཀྱིས་སྨན་གྱི་གཟར་བུ་ཆོངས་ཤིག་ཅེས་གསུངས་ན།
D7a.013.0112a06.01ཇི་ལྟ་བུ་བཅང་བར་བགྱི། ཨུ་པཱ་ལི་དེ་ནི་རིན་པོ་ཆེ་ལས་བྱས་པ་མ་གཏོགས་པའོ། །བཙུན་པ་བཅོམ་ལྡན་འདས་ཀྱིས་དགེ་སློང་དག་རྒྱབ་དང་རྐེད་པ་དང་མགོ་ལ་ཁུར་མ་ཁྱེར་ཅིག་ཅེས་གསུངས་ན། བཙུན་པ་དགེ་སློང་མ་དག་གིས་ཀྱང་རྒྱབ་དང་རྐེད་པ་དང་མགོ་ལ་ཁུར་མི་བཀུར་བར་
D7a.013.0112a07.01