完整藏文原文 · 德格版页 当前仅加载第 13 函德格 195a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དེ་དག་གིས་རྒྱས་པར་སྨྲས་ནས། དེས་འཕགས་པ་བདག་གིས་ནི་དེ་ན་བཞུགས་པ་རྣམས་ཀྱི་ཕྱིར་ཕུལ་ན། དེ་དག་གཞན་ན་གནས་ལ་ཅིའི་ཕྱིར་གཞན་དུ་སྤྱོད་ཅེས་ཉེས་པ་ངོར་བརྗོད་དོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་
D7a.013.0195a01.01ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་ཡོན་བདག་དེ་འཕྱ་བ་ནི་ཡུས་ཏེ། དེ་བས་ན་དགེ་སློང་དག་གིས་གཞན་དུ་གནས་ཤིང་གཞན་གྱི་ཁྱེར་བ་མ་སྤྱོད་ཅིག །དགེ་སློང་དག་གཞན་དུ་གནས་ལ་གཞན་གྱི་སྤྱད་དང་། དེ་དག་ཇི་ཙམ་
D7a.013.0195a02.01སྤྱད་པ་ཐམས་ཅད་རིན་ཐང་བཞིན་དུ་ཕོབ་ཤིག །རྐྱང་པའི་སྒོ་བཞི་པའི་མདོའི་ཚིགས་སུ་བཅད་པ་བཞི་པའོ།། །།མདོར་ན། མཚན་མ་དང་ཡང་མངོན་མཚན་དང་། །པར་ཏང་དག་དང་རི་མོ་ཅན། །ཁྲིའུ་རྐང་པ་རི་མོ་ཅན། །རལ་ཚེམས་བྱ་བ་དབྱར་མོ་ཁང་། །སངས་
D7a.013.0195a03.01རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་དུ་ཡོད་པ་ན་མི་སྤུན་གཉིས་ཤིག་རབ་ཏུ་བྱུང་སྟེ། དེ་ལས་གཅིག་ནི་ཞལ་ཏའི་གནས་ཁང་ན་འདུག་གོ། །གཅིག་ནི་ཛེ་ཏའི་ཚལ་ནའོ། །ཇི་ཙམ་ན་ཞལ་ཏ་བ་དེ་དོན་
D7a.013.0195a04.01ཞིག་གི་ཕྱིར་རི་བྲགས་ཀྱི་གྲོང་དུ་སོང་ངོ་། །དགེ་སློང་དེ་ཕུ་ནུ་བོ་བལྟ་བའི་ཕྱིར་བགོ་བ་དེ་བགོས་ནས་དེའི་ཐད་དུ་སོང་ངོ་། །དེས་དགེ་འདུན་གྱི་བགོ་བའི་ནང་དུ་གང་ཟག་གི་བགོ་བ་དེ་བཞག་ནས་གཏམ་འཛེར་ཅིང་འཁོད་དོ། །དེ་ནས་ནོར་ཏེ་དགེ་འདུན་གྱི་བགོ་བ་ཞིག་གྱོན་ཏེ་སོང་ངོ་། །
D7a.013.0195a05.01དེ་ནས་ཞལ་ཏ་བ་དེ་སླར་འོངས་ནས་དེ་ན་བགོ་བ་ཆུང་ངུ་ཞིག་མཐོང་སྟེ། དེས་ཚེ་དང་ལྡན་པ་ཅི་དགེ་འདུན་གྱིས་རྙེད་པ་གྲུབ་པའམ་ཞེས་སྨྲས་པ་དང་། དེས་སྨྲས་པ། དགེ་འདུན་གྱི་རྙེད་པ་ཅང་མེད་དོ། །བགོ་བ་འདི་སུའི་འདི་དག་དགེ་འདུན་གྱིའོ། །དེས་སྨྲས་པ། ངེད་ཅག་ནི་
D7a.013.0195a06.01ཆེ། འདི་ཆུང་ན། འདིར་སུ་ཡང་བགོ་བ་གྱོན་ཏེ་མ་འོངས་སམ། འདིར་བདག་གི་ཕུ་ནུ་བོ་ཞིག་འོངས་སོ། །སོང་ལ་དྲིས་ཤིག་དེ་སོང་ནས་དྲིས་ཏེ་དེས་བལྟས་ན་དགེ་འདུན་གྱི་ཡིན་ནས། དེས་སྨྲས་པ། བདག་གིས་ནོར་ཏེ་དགེ་འདུན་གྱི་ནི་བདག་གིས་ཁྱེར། བདག་གི་
D7a.013.0195a07.01