完整藏文原文 · 德格版页 当前仅加载第 13 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
ཟོས་ན་དེ་དག་གིས་བྱིན་པའི་ཚེ་ནི་ཉེས་པ་མེད། ཟོས་ན་ལྟུང་བའོ། །རེ་བ་མེད་བཞིན་དུ་བྱིན་ལ་རེ་བ་མེད་བཞིན་དུ་ཟོས་ན་དེ་དག་གིས་བྱིན་པའི་ཚེ་ཡང་ཉེས་པ་མེད་ལ་ཟ་བའི་ཚེ་ཡང་ཉེས་པ་མེད་དོ། །གླེང་གཞིའི་སྒོ་དང་པོའི་མདོའི་ཚིགས་སུ་བཅད་པ་བཅུ་
D7a.013.0085a01.01པ་རྫོགས་ཏེ། སྒོ་དང་པོ་རྫོགས་{སྷོ,སོ}།། །།མདོར་བསྡུས་པ་སྟེ། བསྒོ་བ་དང་ཡང་བསྒྲགས་པ་དང་། །མ་བཏིང་བ་ཡང་དེ་བཞིན་ཏེ། །བསླབ་པ་བྱིན་དང་ལས་བྱེད་དང་། །བཟོད་པར་བྱ་དང་བསྐྲད་པ་དང་། །ཆོས་དང་མཉམ་པའི་ཚུལ་བཞིན་ཏེ། །
D7a.013.0085a02.01རྩིག་པ་ཆད་པས་གཅད་པ་དང་། །མདོ་རྣམས་བསྡུས་པའི་གཉིས་པའོ། །མདོར་ན། བསྒོ་བ་དྲིས་ལ་ལན་གློན་པའི། །དགེ་སློང་དུས་ལས་འདས་པ་སྟེ། །མཉན་དུ་ཡོད་ན་རྩོད་པ་དང་། །དགེ་འདུན་གཉིས་དང་ཆོས་གོས་སོ། །སངས་རྒྱས་བཅོམ་ལྡན་
D7a.013.0085a03.01འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་དུ་ཡོད་པ་ན་ཁྱིམ་བདག་གཞན་ཞིག་འདུག་པ་དེས་རིགས་མཉམ་པ་ལས་ཆུང་མ་ཞིག་བླངས་ནས་དེ་དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་རྩེ་དགའ་
D7a.013.0085a04.01ཞིང་ཡོངས་སུ་སྤྱད་པ་ལས་དེའི་ཆུང་མ་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ་དགུ་ལོན་པ་དང་བུ་ཕོ་ཞིག་བཙས་ཏེ། དེ་ཞག་བདུན་གསུམ་ཉི་ཤུ་རྩ་གཅིག་གི་བར་དུ་བཙས་པའི་བཙས་སྟོན་ཆེན་པོ་རྒྱ་ཆེར་བྱས་ནས་རིགས་དང་མཐུན་པར་མིང་བཏགས་
D7a.013.0085a05.01སོ། །དེ་དུས་ཕྱི་ཞིག་ན། བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ནས། དེ་ཡང་དུས་ཕྱི་ཞིག་ན་ནད་ཀྱིས་བཏབ་སྟེ། དུས་ལས་འདས་པ་དང་། དགེ་སློང་དག་གིས་དེ་ལྷུང་བཟེད་དང་། ཆོས་གོས་དང་བཅས་ཏེ་དུར་ཁྲོད་དུ་བོར་བ་བྲམ་ཟེ་དང་ཁྱིམ་བདག་
D7a.013.0085a06.01ལམ་དེར་བྱུང་བ་དོང་བ་དེ་དག་གིས་མཐོང་ནས། དེ་དག་གཅིག་ལ་གཅིག་གཏམ་དུ་འཛེར་ཅིང་འདོང་སྟེ། ཀྱེ་བདག་ཅག་ཁྱིམ་པ་ཁྱིམ་ན་གནས་པས་ཐབས་རྣམ་པ་དུ་མས་ནོར་རྫས་དག་བསྒྲུབས་ཀྱང་སྣོད་སྤྱད་དང་གོས་དག་ནི་མི་འདོར་ན་དགེ་སྦྱོང་ཤཱཀྱའི་བུ་འདི་
D7a.013.0085a07.01