完整藏文原文 · 德格版页 当前仅加载第 13 函德格 295b 版页；藏文 NFD、目录标记与异常页序保留在来源切片中，重复版页行以稳定序号区分。
བརྟན་གྱིས་རྒན་རིམས་སུ་ཕྱག་བྱས་ནས་བདག་གི་སྟན་གང་ན་བར་འདུག་པར་བྱ། གནས་བརྟན་གཉིས་པོས་ཀྱང་དགེ་འདུན་གྱི་གནས་བརྟན་ལ་ཕྱག་བྱས་ནས་རང་གི་སྟན་གང་ན་བར་འདུག་པར་བྱ། དེ་བཞིན་དུ་གནས་བརྟན་གསུམ་པོ་དང་། བཞི་པོ་ནས་དགེ་སློང་གསར་བུའི་
D7a.013.0295b01.01བར་དུ་སྟེ། རྒན་རིམས་སུ་ཕྱག་བྱས་ནས་རང་གི་སྟན་གང་ན་བར་འཁོད་པར་བྱའོ། །དེར་དགེ་སློང་གནས་བརྟན་དང་། བར་མ་དང་། གསར་བུ་རྣམས་ཀྱིས་ཇི་ལྟར་ཆོས་བཞིན། ཇི་ལྟར་འདུལ་བ་བཞིན། ཇི་ལྟར་སྟོན་པས་བསྟན་པ་བཞིན་དུ་དེ་ལྟ་བུར་དགེ་འདུན་གྱི་ལས་བྱ།
D7a.013.0295b02.01དགེ་སློང་གནས་བརྟན་གྱིས་དགེ་སློང་རྣམས་ལ་སྤྱོ་བར་མི་བྱ། སྨད་པར་མི་བྱ། མ་གུས་པར་མི་བྱ་སྟེ། འདི་ནི་དུས་མ་ཡིན་པར་དགེ་འདུན་འདུ་བའི་བྱ་བའོ། །དུས་མ་ཡིན་པར་དགེ་འདུན་འདུ་བའི་གནས་བརྟན་གྱི་བྱ་བ་གང་ཞེ་ན། དུས་མ་ཡིན་པར་དགེ་འདུན་འདུ་བའི་
D7a.013.0295b03.01དགེ་སློང་གནས་བརྟན་གྱིས་དུས་མ་ཡིན་པར་འདུ་བ་ན་སྔར་བསྒོའམ། གཎྜཱི་བརྡུངས་ཀྱང་རུང་སྟེ། ཐོག་མར་འགྲོ་བར་བྱ། ཐོག་མར་འགྲེང་བར་བྱ། ཐོག་མར་འདུག་པར་བྱ་སྟེ། བཀུར་སྟིར་བཅས། ཡིད་དམའ་བར་བཅས། འཇིགས་ཤིང་དབང་དུ་འགྱུར་བར་བཅས།
D7a.013.0295b04.01ཡིད་ཕབ་ལ་ཕྱགས་མ་ལྟ་བུའི་སེམས་སུ་བཅས་ལ་དགེ་འདུན་གྱི་ནང་དུ་འགྲོ་བར་བྱ། རྒན་རིམས་སུ་ཕྱག་བྱས་ནས་རང་གི་སྟན་ལ་རབ་ཏུ་འཇུག་པར་བྱ། གནས་བརྟན་དང་། བར་མ་དང་། གསར་བུའི་རྣམས་ལ་ཡང་བྱམས་པའི་སེམས་སུ་བྱ། ཕན་པའི་སེམས་སུ་བྱ། རྗེས་སུ་
D7a.013.0295b05.01བརྩེ་བའི་སེམས་སུ་བྱ། ཕ་དང་། ཕུ་ནུ་བོ་དང་། བུར་འདུ་ཤེས་མངོན་དུ་བཞག །འཁོར་རྣམས་ལ་ཡང་བལྟ་བར་བྱས་ཏེ། གང་ཆས་སྡུག །གང་ཆས་མི་སྡུག །གང་མཛེས་པར་གྱུར། གང་མི་མཛེས་པར་གྱུར། གང་གིས་ལེགས་པར་བགོས། གང་གིས་མི་སྡུག་
D7a.013.0295b06.01པར་བགོས། གང་གིས་མཛེས་པར་ཆས་པ་དེ་དག་ལ་ནི་གཡེལ་བར་གཞག །གང་གིས་མི་མཛེས་པར་ཆས་པ་དེ་དག་ལ་ནི་སྦྲན་པར་བྱ། བསྒོ་བར་བྱ། གང་གིས་ལེགས་པར་བསྒོས་པ་དེ་དག་ལ་ཡལ་བར་གཞག །གང་གིས་མི་སྡུག་པར་བགོས་པ་དེ་དག་ལ་ནི་བརྡ་བྱ། དེས་
D7a.013.0295b07.01