完整藏文原文 · 德格版页 当前仅加载第 13 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
བསམས་བཞིན་དུ་ཆོས་མ་ལགས་པའི་ཕྱོགས་ཀྱི་ནང་དུ་མཆིས་ན་དབྱར་ཆད་པ་ཞེས་བགྱིའམ། དབྱར་མ་ཆད་པ་ཞེས་བགྱི། ཨུ་པཱ་ལི་དེ་སྟེ་དེ་དག་གིས་ལྟ་བ་ལ་ཡང་དད་ལ་དེར་སོང་ནས། སྐྱ་རེངས་ཤར་ན་དབྱར་ཆད་པ་ཞེས་བྱའོ། །དེ་སྟེ་ལྟ་བ་ལ་ཡང་
D7a.013.0079b01.01མ་དད་ལ་དེར་སོང་ནས། སྐྱ་རེངས་མ་ཤར་ན་དེ་དབྱར་མ་ཆད་པ་ཞེས་བྱའོ། །བཙུན་པ་བཅོམ་ལྡན་འདས་ཀྱིས་དབྱར་ཚུལ་ན་གནས་པའི་ཚེ། དགེ་སློང་གིས་ཞག་བདུན་དུ་བྱིན་གྱིས་བརླབས་ཏེ། མཚམས་ཀྱི་སླད་རོལ་དུ་སོང་ཤིག་ཅེས་གསུངས་
D7a.013.0079b02.01ན། གང་དུ་བྱིན་གྱིས་བརླབ་པར་བགྱི། ཨུ་པཱ་ལི་མཚམས་ཀྱི་ནང་དུའོ། །ཇི་ལྟ་བུར་བགྱི། དགེ་སློང་གི་མདུན་དུ་འདུག་ནས་ཐལ་མོ་སྦྱར་བ་བྱ་སྟེ། ཚིག་འདི་སྐད་ཅེས་སྨྲོས་ཤིག །དགོངས་ཤིག་ཚེ་དང་ལྡན་པ་བདག་དགེ་སློང་མིང་འདི་ཞེས་བགྱི་
D7a.013.0079b03.01བ་མཚམས་ཀྱི་ནང་གནས་འདིར་དབྱར་དང་པོའམ་ཐ་མ་ཡང་རུང་སྟེ་ཚུལ་དུ་ཞུགས་པ་ལས། བདག་མིང་འདི་ཞེས་བགྱི་བ་དགེ་འདུན་གྱི་དོན་ལ་མཚམས་ཀྱི་སླད་རོལ་དུ་མཆི་བའི་སླད་དུ་ཞག་བདུན་བྱིན་གྱིས་བརླབས་ཏེ། བདག་དབྱར་འདིར་རོ། །
D7a.013.0079b04.01བདག་དབྱར་འདིར་གནས་སོ་ཞེས་ཀུན་རྒྱས་པར་བྱ་སྟེ་སྔ་མ་བཞིན་ནོ། །གླེང་གཞིའི་སྒོ་དང་པོའི་མདོའི་ཚིགས་སུ་བཅད་པ་དྲུག་གོ། །།མདོར་ན། སྡེ་ལྔ་རྣམས་ཏེ་བསམས་བཞིན་དུ། །ཀུན་རྒྱུ་གཉེན་ལའང་དེ་བཞིན་ཏེ། །ལུང་ལ་ཐེ་ཚོམ་
D7a.013.0079b05.01བྱུང་བ་དང་། །མ་ཐོབ་ཕྱིར་ཡང་འགྲོ་བའོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་
D7a.013.0079b06.01བཅོམ་ལྡན་འདས་ཀྱིས་དབྱར་ཚུལ་དུ་འཇུག་པར་གྱིས་ཤིག་ཅེས་གསུངས་ན། གང་དག་ཚུལ་དུ་འཇུག་པར་བགྱི། ཨུ་པཱ་ལི་དེ་ནི་ལྔ་སྟེ། དགེ་སློང་དང་། དགེ་སློང་མ་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མའོ། །ཇི་ལྟར་འཇུག་པར་
D7a.013.0079b07.01