完整藏文原文 · 德格版页 当前仅加载第 13 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
ཐང་མ་སྐས་ལ་མང་དུ་འཛེགས་ལ་ཐུང་དུ་འཛེག་དགོས་ན་སྟེང་དུ་འཛེགས་ལ་གནས་བདེ་བར་མ་འགྱེལ་བར་ཞོག་ཤིག །དགེ་སློང་དག་ཐེ་ཚོམ་སྐྱེས་ནས་མ་ཟོས་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ།
D7a.013.0192b01.01དེ་ལ་ཐེ་ཚོམ་མ་བྱེད་པར་ཟོ་ཤིག །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཞག་པ་རྣམ་པ་དུ་འཚལ་དུ་རུང་། ཨུ་པཱ་ལི་རྣམ་པ་གཉིས་ཀྱིས་ཏེ། ངོ་ཚ་བ་མེད་ཅིང་བསླབ་པ་ལ་མི་མོས་པ་དང་། གང་ལ་ངོ་ཚ་ཡོད་ཀྱང་དྲན་པ་ཉམས་པ་སྟེ།
D7a.013.0192b02.01དེ་གཉིས་ཀྱིས་བཞག་པ་རུང་གིས་གཉི་ག་ཟོ་ཤིག །བཅོམ་ལྡན་འདས་ཀྱིས་བཀའ་སྩལ་པ། བྱོལ་སོང་གི་སྐྱེ་གནས་སུ་གྱུར་པའི་སེམས་ཅན་ལ་སྦྱིན་པ་བྱིན་ན་ནི་རྣམ་པར་སྨིན་པ་བརྒྱར་རེ་བར་བྱའོ། །ཚུལ་ཁྲིམས་ངན་པས་ཟིན་པའི་མི་ལ་སྦྱིན་པ་བྱིན་ན་ནི་རྣམ་པར་སྨིན་པ་སྟོང་དུ་རེ་
D7a.013.0192b03.01བར་བྱའོ། །ཚུལ་ཁྲིམས་དང་ལྡན་པའི་སྐྱེས་བུ་གང་ཟག་ལ་སྦྱིན་པ་བྱིན་ན་ནི་རྣམ་པར་སྨིན་པ་བརྒྱ་ཕྲག་སྟོང་དུ་རེ་བར་བྱའོ། །ཕྱི་རོལ་གྱི་དྲང་སྲོང་འདོད་པའི་འདོད་ཆགས་དང་བྲལ་བ་དག་ལ་སྦྱིན་པ་བྱིན་ན་ནི་རྣམ་པར་སྨིན་པ་ས་ཡ་བརྒྱ་སྟོང་དུ་རེ་བར་བྱའོ། །རྒྱུན་དུ་ཞུགས་པའི་འབྲས་
D7a.013.0192b04.01བུ་མངོན་དུ་བྱེད་པར་ཞུགས་པ་ལ་ནི་ཚད་མེད་དོ། །རྒྱུན་དུ་ཞུགས་པ་ལ་དེ་བས་ཀྱང་ཚད་མེད་དོ། །ལན་གཅིག་ཕྱིར་འོང་བའི་འབྲས་བུ་མངོན་དུ་བྱེད་པར་ཞུགས་པ་ལ་དེ་བས་ཀྱང་ཚད་མེད་དོ། །ལན་གཅིག་ཕྱིར་ལྡོག་པར་རྒྱུན་དུ་ཞུགས་པ་ལ་དེ་བས་ཀྱང་ཚད་མེད་དོ། །ཕྱིར་
D7a.013.0192b05.01མི་འོང་བའི་འབྲས་བུ་མངོན་དུ་བྱེད་པར་ཞུགས་པ་ལ་དེ་བས་ཀྱང་ཚད་མེད་དོ། །ཕྱིར་མི་འོང་བའི་རྒྱུན་དུ་ཞུགས་པ་ལ་དེ་བས་ཀྱང་ཚད་མེད་དོ། །དགྲ་བཅོམ་པའི་འབྲས་བུ་མངོན་དུ་བྱེད་པར་ཞུགས་པ་ལ་དེ་བས་ཀྱང་ཚད་མེད་དོ། །དགྲ་བཅོམ་པ་ལ་དེ་བས་ཀྱང་ཚད་མེད་ན་རང་སངས་རྒྱས་
D7a.013.0192b06.01དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ལྟ་སྨོས་ཀྱང་ཅི་དགོས་བྲམ་ཟེ་དང་ཁྱིམ་བདག་དད་པ་དག་གིས་དགེ་སློང་དག་མཆོད་རྟེན་ལ་ཕྱག་འཚལ་དུ་དོང་བ་ལ་གདུགས་དང་། རྒྱལ་མཚན་དང་། བ་དན་དག་བསྐུར་བ་དང་། དགེ་སློང་དག་
D7a.013.0192b07.01