完整藏文原文 · 德格版页 当前仅加载第 13 函德格 153a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་བདག་མགོན་མེད་ཟས་སྦྱིན་དེ་རིང་དུ་ཐོགས་པར་གྱུར་ནས། དེ་དགེ་སློང་རྣམས་མ་མཐོང་བའི་ཕྱིར་སྐྱ་བོ་བསེང་བསེང་པོ་རིད་ཅིང་ལུས་མ་བརྟས་པར་གྱུར་ནས། རྒྱལ་པོས་མཐོང་སྟེ་དྲིས་པ། ཁྱིམ་བདག་ཁྱོད་བུ་དག་དྲན་ནམ་ཞེས་སྨྲས་པ་དང་།
D7a.013.0153a01.01དེས་ལྷ་བདག་བུ་དྲན་པ་ནི་མ་ལགས་ཀྱི། འཕགས་པ་རྣམས་བལྟ་བར་འཚལ་བའི་སླད་དུའོ་ཞེས་སྨྲས་པ་དང་། རྒྱལ་པོས་བློན་པོ་དག་ལ་ངས་བཀའ་སྩལ་པ་སྐད་དུ་མ་ཟེར་བར་ཅི་ནས་འཕགས་པ་རྣམས་འདིར་བྱོན་པའི་ཐབས་སུ་སྦྱོར་ཅིག་ཅེས་ཡི་གེ་སྤྲིང་བ་དང་། བློན་པོ་
D7a.013.0153a02.01དག་གིས་ཡི་གེ་བཀླགས་ནས་གྲོས་བྱེད་པ་ལ་ཞུགས་ཏེ། ཀྱེ་དེ་ལ་ཐབས་ཇི་ལྟར་བྱ་ཞེས་སྨྲས་པ་དང་། བློན་པོ་རྒན་པོ་གཞན་ཞིག་གིས་དེ་ལྟ་བླས་དེའི་ཐབས་ཤིག་བདག་གིས་སྦྱར་ལ་དགྱེ་བར་བྱའོ་ཞེས་སྨྲས་ནས། དེས་ཛེ་ཏའི་སྒོ་ན་ཨར་ཌ་ཚངས་སྦྱིན་གྱི་སྐྱེད་མོས་ཚལ་ཞིག་
D7a.013.0153a03.01ཡོད་པ་རྙིངས་ཏེ། མདའ་ལྟ་བུའི་ཚལ་དུ་གྱུར་པ་དེ་བཅོས་ལེགས་བྱས། མཆོད་རྟེན་གྱི་དག་ར་ནས་སྐྱེད་མོས་ཚལ་དེར་ཡུར་བ་དྲང་ངོ་ཞེས་སྲད་བུ་བྲེས་པ་དང་། དེ་དག་ཉིད་ལ་གནོད་པས་ན་ལྷ་ལྟ་ཞིང་འདོང་བར་འགྱུར་རོ་ཞེས་ཏེ། དེ་ནས་དེ་དག་གིས་སྐྱེད་མོས་ཚལ་
D7a.013.0153a04.01རྙིང་པ་དེ་འཆོས་པ་ལ་ཞུགས། དབུ་སྐྲ་དང་སེན་མོའི་མཆོད་རྟེན་གྱི་དབུས་སུ་སྲད་བུ་བྲེས་ན་སྲད་བུ་འདིའི་རྒྱུད་བཞིན་དུ་ཡུར་བ་བརྐོའོ་ཞེས་སྨྲས་པ་དང་། དགེ་སློང་གཙུག་ལག་ཁང་ན་གནས་པ་དང་། ཉིན་པར་སྤྱོད་དུ་དོང་བ་དེ་དག་འདུས་ཏེ་བློན་པོ་དེའི་གན་དུ་དོང་ནས་བཞིན་{བཟངས་,བཟང་}
D7a.013.0153a05.01འདི་ཅི་ཞིག་རྩོམ་ཞེས་སྨྲས་པ་དང་། འཕགས་པ་རྣམས་ལྷས་བདག་ཅག་ལ་ངའི་ཕའི་སྐྱེད་མོས་ཚལ་རྙིང་པ་ཆོས་ཤིག་དང་། ང་དེར་འོང་ངོ་ཞེས་ཡི་གེ་མཆིས་པས་ན་འདི་དག་བདག་ཅག་གིས་ཕྱི་བདར་བགྱིས་ཏེ་དེར་ཆུ་དྲང་བའི་ཡུར་བ་བརྐོའོ་ཞེས་སྨྲས་པ་དང་། ཅི་ཁྱེད་ཀྱིས་
D7a.013.0153a06.01བཅོམ་ལྡན་འདས་ཀྱི་དབུ་སྐྲ་དང་སེན་མོའི་མཆོད་རྟེན་གཞིག་གམ། དེ་ལྟར་མ་བྱེད་ཅིག་ཅེས་སྨྲས་པ་དང་། འཕགས་པ་དག་ལྷའི་བཀའ་བཞིན་ནི་བདག་ཅག་གིས་མི་བགྱིར་མི་རུང་སྟེ། བདག་ཅག་ལ་མགོ་གཉིས་སུ་མ་མཆིས་ཀྱིས་ལྷའི་བཀའ་བཅག་ཏུ་མི་རུང་ངོ་ཞེས་སྨྲས་
D7a.013.0153a07.01