完整藏文原文 · 德格版页 当前仅加载第 13 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོད་ན་བྱིན་ཅིག །བཅོམ་ལྡན་འདས་ཀྱིས་གཏན་ཚིགས་ཡོད་ན་བྱིན་ཅིག་ཅེས་བཀའ་སྩལ་པ་དང་། གཏན་ཚིགས་ཀུན་གྱིས་ཤེས་ཤིང་གྲགས་པར་སྤྲིངས་ཏེ་གཞན་གྱིས་ཐོས་ནས་བརྐུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། གསང་སྟེ་གཏན་ཚིགས་སྨྲོས་ཤིག །
D7a.013.0200b01.01དེ་ཡང་གཏན་ཚིགས་འདི་འདྲ་བར་ཤེས་པ་ཞིག་འོངས་ན་དེ་ལ་བྱིན་ཅིག་ཅེས་བསྒོ་ཤིག །དགེ་སློང་དག་ཅིག་ལམ་དུ་ཞུགས་ནས་ཀླུང་གི་འགྲམ་དུ་ཕྱིན་ཏེ་དེ་གྲུའི་ནང་དུ་ཞུགས་པ་དང་། དེ་ན་དགེ་སློང་གཞན་ཞིག་འདུག་པ་ལ་གྲུའི་ནང་དུ་ཞུགས་པས་སྨྲས་པ། བདག་གི་ཚང་ཐུར་འོ་ནི་
D7a.013.0200b02.01ཚུར་སྩོལ་ཅེས་སྨྲས་པ་དང་། དེས་ཚང་ཐུར་བྱིན་པ་ལ་ཞུགས་པ་ལས་ལྷུང་སྟེ་ཆུས་ཁྱེར་བ་དང་། དེས་སྨྲས་པ། ཁོ་བོའི་ཚང་ཐུར་ཁྱོད་ཀྱིས་བོར་གྱིས། ཁྱོད་ཀྱིས་སྐྱིན་པ་བྱིན་ཅིག །དེ་གཉིས་རྩོད་པར་གྱུར་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་པ་དང་།
D7a.013.0200b03.01བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱི་ལག་ཏུ་འོངས་སམ་ཞེས་སྨྲོས་ལ་འོངས་སོ་ཞེས་ཟེར་ན་གདོད་བྱིན་ཅིག །དེ་ལས་གཞན་དུ་ན་རིན་ཐང་བཞིན་དུ་ཆོད་ལ་ཕོབ་ཤིག །ཡོ་བྱད་གཞན་དག་ཀྱང་དེ་བཞིན་དུ་སྦྱོར་ཅིག །ཇི་ལྟར་ཀླུང་བཞིན་དུ་རི་ལ་འཛེགས་པ་དང་།
D7a.013.0200b04.01འོབས་ལ་སོགས་པ་ལ་ཡང་དེ་བཞིན་དུ་སྦྱར་ཏེ། ལག་ཏུ་འོངས་ཀྱིས་ཐོང་ཞེས་ཟེར་ཏེ་བཏང་བ་ལས་སྟོར་ན་ནི་སྟོར་དུ་ཟད་དོ། །གླེང་གཞི་ནི་མཉན་དུ་ཡོད་པ་ན་སྟེ། གཙུག་ལག་ཁང་ཞིག་ན་གཙུག་ལག་ཁང་སྐྱོང་གིས་སྒོ་རབ་ཏུ་མ་བསྡམས་ནས་རབ་ཏུ་མ་བརྟགས་པས་རྐུན་པོ་དག་གིས་
D7a.013.0200b05.01གླགས་རྙེད་དེ་བརྐུས་སོ། །དགེ་སློང་དག་ཞིང་དེའི་སྐྱིན་པ་ནི་གཙུག་ལག་ཁང་སྐྱོང་ལ་དབབ་བོ་ཞེས་འཕྱའོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྒོ་བསྡམ་པ་ནི་རྣམ་པ་ལྔ་སྟེ། ལྔ་
D7a.013.0200b06.01གང་ཞེ་ན། རྒྱ་གཏན་དང་། སྒོ་གཏན་དང་། འཁོར་ལོ་དང་། སྒོ་ལྕགས་དང་། ལྡེ་མིག་ཀྱོག་པོ་དག་གོ། །གལ་ཏེ་དེ་ཐམས་ཅད་གཙུག་ལག་ཁང་ན་ཡོད་ལ་གཙུག་ལག་ཁང་སྐྱོང་གིས་བཞི་ནི་བཅུག་ལ་གཅིག་མ་བཅུག་ན་ཆ་གཅིག་དེ་ལ་ཕོབ་ཤིག །གསུམ་བཅུག་ལ་
D7a.013.0200b07.01