完整藏文原文 · 德格版页 当前仅加载第 13 函德格 232b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པ་ཐ་མའོ། །ལས་སྔར་བསྒོ་ནས་ཕྱིས་གསོལ་བ་བགྱིས་ན་དགེ་སློང་སྤངས་པ་ཞེས་བགྱིའམ། མ་སྤངས་པ་ཞེས་བགྱི། མ་སྤངས་པ་ཞེས་བྱའོ། །ཆད་པ་བགྱིད་པ་ལ་ཅིར་འགྱུར། དེ་སྟེ་དགེ་འདུན་ཐམས་ཅད་མི་ཤེས་ན་དབྱེན་གྱི་འཁོར་དུ་གཏོགས་པས་ཉེས་པ་སྦོམ་
D7a.013.0232b01.01པོའོ། །དེ་སྟེ་དགེ་འདུན་ཐམས་ཅད་ཀྱིས་ཤེས་ན་དགེ་འདུན་ཐམས་ཅད་ལའང་འདས་པ་དང་བཅས་པར་འགྱུར་རོ། །ཆད་པ་བགྱིས་པས་དད་པ་བླངས་ཏེ་དགེ་སློང་ལ་སྤངས་ན་སྤངས་པ་ཞེས་བགྱིའམ། ཉེ་གཡོག་གི་སྡོམ་པ་མ་གཏོགས་ཏེ། ལས་ཐམས་ཅད་བྱས་པ་ཞེས་
D7a.013.0232b02.01བྱའོ། །བདག་ཉིད་ལ་ལས་བགྱིས་ན་བགྱིས་པ་ཞེས་བགྱིའམ། དེ་སྟེ་དོགས་པ་མེད་ན་བྱས་པ་ཞེས་བྱའོ། །དེ་སྟེ་དོགས་པ་ཡོད་ན་མ་བྱས་པ་ཞེས་བྱའོ། །བདག་ཉིད་ལ་སླར་ལས་བྱེད་པ་ནི་འདི་རྣམས་ཏེ། བདག་ཉིད་ལ་ཆད་པའི་ལས་བྱས་ནས་བདག་ཉིད་ལ་བདག་ཉིད་ཀྱིས་བཟོད་པ་
D7a.013.0232b03.01གསོལ་པའོ། །བཙུན་པ་གང་ལ་བསྡིགས་པའི་ལས་བགྱིད་པ་དང་། བསྐྲད་པར་བགྱིས་པ་དེ་དག་ལ་ཆོས་བཞིན་དུ་ཡི་དམ་འཆའ་སྩལ་བ་དེ་དག་ཀྱང་དགེ་འདུན་གྱི་ནང་དུ་ལན་གསུམ་གྱི་བར་དུ་ཁས་བླངས་ལ་བསླབ་པ་སྩལ་བའི་རིགས་པ་བཞི་ལ་བསྒྲགས་པ་གཅིག་གིས་བསླབ་པ་སྩལ་བར་
D7a.013.0232b04.01རུང་ངམ། བཅོམ་ལྡན་འདས་ཀྱིས་བཀའ་སྩལ་པ། ཨུ་པཱ་ལི་མི་རུང་ངོ་། །བསྒྲགས་པ་གཅིག་གིས་བཞི་བསྙེན་པར་རྫོགས་པར་རུང་ངམ། ཨུ་པཱ་ལི་མི་རུང་ངོ་། །ཚུལ་ཤིང་འབྲིམ་པ་དང་བཞིས་དགེ་སློང་ལ་སྤངས་ན་སྤངས་པ་ཞེས་བགྱིའམ། མ་སྤངས་པ་ཞེས་བྱའོ། །
D7a.013.0232b05.01མདོར་ན། བསྡིགས་པ་སྤངས་པའི་དགེ་སློང་དང་། །དབྱེན་བྱེད་གཅིག་པུ་མ་གཏོགས་ཏེ། །བསྡིགས་པ་ཞེས་བྱ་ཅི་ཡི་དོན། །ལྷག་པར་ཉེ་བར་བརྟག་པའོ། །བསྡིགས་པའི་ལས་བགྱིས་པ་ལ་སྨད་པའི་ལས་བགྱིས་ན་བགྱིས་པ་ཞེས་བགྱིའམ། བསྡིགས་པའི་ལས་ནི་མེད་
D7a.013.0232b06.01པར་འགྱུར་རོ། །བསྡིགས་པའི་ལས་བགྱིས་པ་ལ་བསྐྲད་པ་དང་། སླར་བསྡུ་བའི་ལས་བགྱིད་པ་ཞེས་བགྱིའམ་མ་བགྱིས་པ་ཞེས་བགྱི། གསུངས་པ། བྱས་པ་ནི་ཡིན་མོད་ཀྱི་བསྡིགས་པ་ནི་མེད་པར་འགྱུར་རོ། །ཇི་ལྟར་བསྡིགས་པའི་ལས་བྱས་པ་དེ་བཞིན་དུ་སྨད་པའི་
D7a.013.0232b07.01