完整藏文原文 · 德格版页 当前仅加载第 13 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བསྒོའམ། གཎྜཱི་བརྡུངས་སམ། སྔར་མྱུར་དུ་འགྲོ་བར་བྱ། སྔར་འདུག་པར་བྱ། བཀུར་སྟིར་བཅས། སྤྱི་དམའ་བར་བཅས། འཇིགས་པའི་དབང་དུ་བཅས། སེམས་དམན་པ་དང་། རྡུལ་འཕྱག་པའི་སེམས་ལྟ་བུར་བྱས་ལ་དགེ་འདུན་གྱི་མདུན་དུ་འགྲོ་བར་
D7a.013.0281b01.01བྱའོ། །སོང་ནས་ཀྱང་རྒན་རིམས་ཀྱི་མཐར་ཕྱག་བྱས་ལ་རང་གི་སྟན་ག་ལ་བ་དེར་འདུག་པར་བྱའོ། །གནས་བརྟན་དང་། བར་མ་དང་། གསར་བུ་ལ་བྱམས་པའི་སེམས་དང་། ཕན་པའི་སེམས་དང་། རྗེས་སུ་བརྩེ་བའི་སེམས་དང་། ཕ་དང་མ་དང་ཕུ་ནུ་བོར་འདུ་ཤེས་
D7a.013.0281b02.01བསྐྱེད་དེ། འཁོར་ཐམས་ཅད་ལ་བརྟག་པར་བྱ་སྟེ། ལེགས་པ་བཟང་པོར་བཅས་སམ། སུ་ལེགས་པར་བགོས། སུ་ལེགས་པར་མ་བགོས་བརྟགས་ཏེ། གང་བཟང་ཞིང་ལེགས་པར་ཆས་པ་དེ་དག་ལ་ནི་གཡེལ་བར་གཞག །གང་ལེགས་པར་མ་ཆས་ཤིང་མི་སྡུག་པ་དེ་
D7a.013.0281b03.01དག་ནི་བསྒོ་ཞིང་བཅོས་པར་བྱ། ལེགས་པར་བགོས་པ་ནི་དེས་གཡེལ་བར་གཞག །ལེགས་པར་མ་བགོས་པ་དེ་ལ་ནི་བརྡ་དང་མཚན་མ་བྱ། དེས་མཚན་མ་མ་ཚོར་ན་ཡང་དྲུང་ན་འདུག་པ་ལ་མཚན་མ་བྱ། དྲུང་ན་འདུག་པས་ཀྱང་མ་ཚོར་ན་དེར་དགེ་སློང་གནས་བརྟན་ཉིད་
D7a.013.0281b04.01ཀྱིས་ཇི་ནས་ལེགས་པར་གྱོན་པ་དང་། སྒྲ་མ་ཆེ་བར་སྒོ་ཤིག །དགེ་སློང་གནས་བརྟན་གྱིས་རྒན་རིམས་སུ་གཟར་བུ་ཐོགས་ནས་ཁ་ཟས་འབྲིམ་པར་ཤོམ་པའི་ཚེ་རུང་བར་བྱས་སམ། མ་བྱས་ཞེས་སྨྲོས་ཤིག་འབྱོར་ཚོགས་ཤེས་མ་བྱུང་གི་བར་དུ་སྐད་ཅིག་སྡོད་ལ་ཐམས་ཅད་
D7a.013.0281b05.01ལ་སྙོམས་པར་བྲིམས་ཤིག་ཅེས་སྨྲ་བར་བྱའོ། །དགེ་སློང་གནས་བརྟན་གྱིས་གནས་བརྟན་དང་བར་མ་དང་གསར་བུ་དག་གི་རྗེས་སུ་མཐུན་པར་བྱ། གནས་བརྟན་དང་བར་མ་དང་གསར་བུས་ཀྱང་དེའི་རྗེས་སུ་མཐུན་པར་གྱིས་ཤིག །དེ་སྟེ་དད་པའི་བྲམ་ཟེ་དང་ཁྱིམ་བདག་རྣམས་
D7a.013.0281b06.01ལྷགས་ན་དེ་དག་ལ་ཡང་མཚུངས་པར་བགོ་ཞིང་སྦྱིན་པར་བྱའོ། །དེ་སྟེ་དེ་བགོར་མ་དད་དམ། དད་པའི་བྲམ་ཟེ་དང་ཁྱིམ་བདག་མ་འདོད་ན་ཡང་དགེ་སློང་གནས་བརྟན་གྱིས་ཆོས་ཀྱི་གཏམ་ཡང་དག་པར་བསྟན་པར་བྱ། བསྟབ་པར་བྱ། ཡང་དག་པར་གཟེངས་བསྟོད་པར་བྱ།
D7a.013.0281b07.01