完整藏文原文 · 德格版页 当前仅加载第 13 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཕྱུང་ནས་ཆོས་བཞིན་བྱའོ། །ཆོས་བཞིན་བྱའོ་སྙམ་དུ་ནུས་པ་དང་། དེས་དགེ་འདུན་རྣམས་ལ་ཀྱེ་འདི་ནི་ཆོས་བཞིན་དུ་བྱ་བར་བཅས་པ་མ་ཡིན་གྱིས་འདི་ཕྱུང་ལ་ཆོས་བཞིན་པ་གཞན་བྱའོ་ཞེས་གོ་བར་སྒོ་ཤིག །དེ་སྟེ་བདག་ཅག་གི་ཕྱོགས་མཐུ་ཆུང་ངམ།
D7a.013.0281a01.01འགྲོན་པ་མེད་དམ་འཁོར་མེད་པར་གྱུར་པ་དེའི་ཕྱིར་དགེ་འདུན་ཀྱང་འབྱེད། དགེ་འདུན་ཀྱང་འཁྲུགས་དགེ་འདུན་སོ་སོར་ཡང་འགྱུར་ཞིང་། བདག་གིས་ཆོས་མ་ཡིན་པར་བཅའ་བ་འདི་ཕྱུང་ལ་ཆོས་བཞིན་དུ་བྱ་བར་མི་ནུས་པར་ཤེས་པ་དེ་ཅང་མ་ཟེར་བར་འདུག་ཤིག །ཡང་ན་གུད་དུ་སོང་
D7a.013.0281a02.01ཤིག །དེ་ལྟ་བུའི་རྐྱེན་གྱིས་རྣམ་པར་འཛིན་ཅིང་མ་འདུག་ཤིག །ཀུན་དགའ་ར་བ་ཞེས་བྱ་བ་ནི་འདི་རྣམས་ཀྱང་ཡིན་ཏེ། ཀུན་དགའ་ར་བའི་ནང་ན་ཁང་ཕྲན་དང་། ཁང་པ་དང་། ཁང་བུ་བརྩེགས་པ་དང་། ཁང་པ་འཁོར་དུ་བཅས་པ་དང་། སྤྱིལ་པོ་དང་། སྤྱིལ་བུའི་དངོས་
D7a.013.0281a03.01པོ་དང་། འཆག་ས་དང་། སྐྱེད་ཤིང་དང་། གསིང་མ་རྣམས་ཐམས་ཅད་ཀྱང་ཇི་ལྟར་རྒན་རིམས་བཞིན་དུ་བསྒོ་བར་བྱའོ། །ཕྱི་བདར་བྱ་བ་དེ་ནི་ཀུན་དགའ་ར་བའི་བྱ་བ་ཞེས་བྱའོ། །ཀུན་དགའ་ར་བའི་གནས་བརྟན་གྱི་བྱ་བ་གང་ཞེ་ན། ཀུན་དགའ་ར་བའི་དགེ་སློང་གནས་
D7a.013.0281a04.01བརྟན་གྱིས་བྱ་བ་དེ་ལྟ་བུ་ལ་འཇུག་པར་བྱ། ཀུན་དགའ་ར་བའི་དགེ་སློང་གི་གནས་བརྟན་གྱིས་བཞིན་མདོག་གསལ་བར་བྱ། ཁྲོ་གཉེར་མེད་པར་བྱ། སྔར་འཛུམ་པར་བྱ། སྔར་སྨྲ་བར་བྱའོ། །སྙན་པར་སྨྲ་བར་བྱ། ཚུར་ཤོག་བདེ་བར་འོངས་སམ་ཞེས་སྙན་ཚིག་སྨྲ་བར་བྱ། ཚིག་
D7a.013.0281a05.01སྙན་ཅིང་མི་རྩུབ་པ་མགུ་ཞིང་རངས་པར་སྨྲ་བར་བྱ། གང་དེ་ན་དགེ་སློང་གཞོན་ནུ་གསར་བུ་འཁོད་པར་གྱུར་པ་དེ་དག་ནི་ཤེས་པར་བྱ་བ་ནས་སྔ་མ་བཞིན་ཏེ། ཐམས་ཅད་དུའང་དགེ་སློང་གནས་བརྟན་གྱིས་ཐོག་མར་འཇུག་པར་བྱ། རྒྱུད་མི་གཏང་བར་བྱ་བའི་བར་དུ་སྟེ། འཐབ་པ་དང་།
D7a.013.0281a06.01མཚང་འདྲུ་བ་དང་། འཁྲུག་པ་དང་། རྩོད་པའི་རྣམས་བྱུང་བར་གྱུར་ན་གདུལ་བའི་ཕྱིར་རིག་པར་བྱ། ཞི་བའི་ཕྱིར་རྣམ་པར་ཞི་བར་རིག་པར་བྱ། འདི་ལྟར་ཡང་དགེ་སློང་ཀུན་དགའ་ར་བའི་གནས་བརྟན་གྱིས་ཐོག་མར་བཟའ་བའམ། བཅའ་བའམ། སྐྱོ་མའམ། ཐུག་པའམ། ནང་
D7a.013.0281a07.01