完整藏文原文 · 德格版页 当前仅加载第 13 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
གླེང་གཞི་ནི་མཉན་དུ་ཡོད་པ་ན་སྟེ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་མཚམས་ཀྱི་བར་དུ་དགེ་སློང་ཞིག་དུས་ལས་འདས་ན་གུམ་པ་དེའི་ཡོ་བྱད་རྣམས་སུ་དབང་བར་འགྱུར། ཨུ་པཱ་ལི་དེ་ནི་མགོ་གང་ལོགས་སུ་
D7a.013.0088a01.01བོར་བའོ། །བཙུན་པ་གཉིས་ཀར་མགོ་བོར་ན། གང་དབང་བར་འགྱུར། ཨུ་པཱ་ལི་དེ་ནི་གཉིས་ཀའོ། །གླེང་གཞིའི་སྒོ་གཉིས་པ་སྟེ་ཚིགས་སུ་བཅད་པ་དང་པོའོ།། །།མདོར་ན། བསྒྲག་པར་བྱ་དང་ཤིང་རྟ་དང་། །དེ་ནས་ཕྲེང་བ་གོས་རྣམས་དང་། །དགེ་
D7a.013.0088a02.01འདུན་གོས་ཀྱང་དེ་བཞིན་ཏེ། །ཐེ་ཚོམ་སོ་སོའི་སྐྱེ་བོའོ། །སངས་རྒྱས་བཅོམ་ལྡན་འདས་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་དུ་ཡོད་པ་ན་ཡ་མཚན་ཅན་དུ་མ་གནས་ཤིང་འཁོད་དོ། །གང་གི་ཚེ་བཅོམ་ལྡན་འདས་མཉན་དུ་ཡོད་པ་ན་
D7a.013.0088a03.01བཞུགས་པ་དེའི་ཚེ་ན་མུ་སྟེགས་ཅན་རྣམས་ཀྱི་མཐུ་ཉམས་ནས་རྙེད་པ་ཆུང་བར་གྱུར་ཏེ། དེ་དག་གིས་ཇི་ཙམ་འདོད་པ་བླངས་ནས་མུ་སྟེགས་སུ་བྱ་བ་བྱ་བར་བརྩམས་པ་དང་། ཁྱིམ་བདག་མགོན་མེད་ཟས་སྦྱིན་པ་ཆོས་ཀྱིས་ནང་པར་སྔར་ལངས་ནས་བཅོམ་ལྡན་འདས་ལ་བལྟ་བའི་
D7a.013.0088a04.01ཕྱིར་འགྲོའོ། །ཇི་ཙམ་དུས་ཕྱི་ཞིག་ན་ཁྱིམ་བདག་མགོན་མེད་པ་ལ་ཟས་སྦྱིན་པ་ནང་པར་སྔར་ལངས་ནས་ཛེ་ཏའི་ཚལ་དུ་སོང་བ་དང་། མུ་སྟེགས་ཅན་དག་ཅི་འདོད་པ་བླངས་ཏེ། དེ་དག་གིས་དེ་ཡང་དག་པར་བསྐུལ་ནས་དེས་བསམས་པ་འདི་དག་ནི་ངན་དུ་སྨྲ་བའི་ཆོས་དང་འདུལ་
D7a.013.0088a05.01བའི་མུ་སྟེགས་ཅན་དག་སྟེ། ཅི་འདོད་པ་དག་བསླངས་ཏེ་མུ་སྟེགས་ཅན་གྱི་བྱ་བ་བྱེད་དེ། བཅོམ་ལྡན་འདས་ཀྱིས་ཀྱང་མདོ་སྡེ་དེ་དང་དེ་དག་ལས་མ་དད་པ་དག་ནི་དད་པ་ཕུན་སུམ་ཚོགས་པར་ཡང་དག་པར་བསྐུལ་བར་བྱོས་ཤིག །གཞུག་པར་བྱོས་ཤིག །དགོད་པར་
D7a.013.0088a06.01བྱོས་ཤིག་ཅེས་གསུངས་ཏེ། བཅོམ་ལྡན་འདས་ཀྱིས་རྗེས་སུ་གནང་ན་ནི་བདག་གིས་སྐྱེ་བོ་མང་པོ་དག་ཀྱང་དགེ་འདུན་ལ་ཡོན་འབུལ་བ་ལ་རབ་ཏུ་དགོད་དོ་སྙམ་དུ་བསམས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་
D7a.013.0088a07.01