完整藏文原文 · 德格版页 当前仅加载第 13 函德格 145a 版页；藏文 NFD、目录标记与异常页序保留在来源切片中，重复版页行以稳定序号区分。
སོ་ཞེས་སྒྲ་དེ་ལྟ་བུ་མཉན་དུ་ཡོད་པར་ཀུན་དུ་གྲགས་པ་དང་། ཀོ་ས་ལའི་རྒྱལ་པོ་གསལ་རྒྱལ་ནང་གི་བཙུན་མོ་དང་། གཞོན་ནུ་དང་། བློན་པོ་དང་། གྲོང་མི་དང་། གཞོངས་སུ་བཅས་པས་གང་སྒྲ་དེ་ཐོས་པ་དང་ལྟད་མོ་ལྟ་འདོད་པས་དེའི་ཡིད་བསྐྱོད་
D7a.013.0145a01.01ནས་ཛེ་ཏའི་ཚལ་དུ་དོང་ངོ་། །དེ་ནས་བཅོམ་ལྡན་འདས་ཀྱང་ཉན་ཐོས་ཆེན་པོ་ཀུན་ཤེས་ཀཽཎྜི་ནྱ་དང་། རླངས་པ་དང་། མིང་ཆེན་དང་། མ་འགགས་པ་དང་། ཤཱ་རིའི་བུ་དང་། མཽད་གལ་གྱི་བུ་ཆེན་པོ་དང་། འོད་སྣང་དང་། ཀུན་དགའ་བོ་དང་། ནམ་གྲུ་ལ་སོགས་པས་བསྐོར་ཏེ་
D7a.013.0145a02.01རྒྱལ་པོ་གསལ་རྒྱལ་དང་དེའི་གནས་ཁང་དུ་བཞུད་ནས་བཅོམ་ལྡན་འདས་ཀྱིས་དེ་ཉིད་ཀྱི་སྐད་དུ་གསུངས་པ་དང་། དེ་རྟབས་བཞིན་དུ་གནས་ཁང་ནས་ཕྱིར་བྱུང་ངོ་། །དེ་ནས་བཅོམ་ལྡན་འདས་ཀྱིས་དེ་ཁྲིད་ནས་གཙུག་ལག་ཁང་ནས་ཕྱིར་ཕྱུང་སྟེ་ཛེ་ཏའི་ཚལ་གྱི་སྒོར་འཁོར་བརྒྱ་ཕྲག་
D7a.013.0145a03.01དུ་མ་དང་། དགེ་སློང་གི་དགེ་འདུན་གྱི་མདུན་ན་གདན་བཏིང་བ་དེ་ལ་བཞུགས་པ་དང་། དེ་ནས་སྦྲུལ་གདུག་པ་དེ་ཕན་ཚུན་ཀུན་དུ་སྐྱེ་བོ་མང་པོ་ལ་བལྟས་ཏེ་སྐྲག་ནས་བཅོམ་ལྡན་འདས་ཀྱི་གདན་ལོགས་སུ་རྒན་རིམས་ཀྱི་མཐར་བཅོམ་ལྡན་འདས་ལ་ལྟ་བཞིན་དུ་འཁྱིལ་ཏེ་
D7a.013.0145a04.01འདུག་གོ། །བཅོམ་ལྡན་འདས་ཀྱིས་དེ་ལ་བཀའ་སྩལ་པ། བཞིན་{བཟངས་,བཟང་}འདི་ལྟར་ཁྱོད་ངའི་བསྟན་པ་ལ་རབ་ཏུ་བྱུང་ནས་དགེ་སྦྱོང་གི་འབྲས་བུ་བཞི་ལས་གང་ཡང་རུང་དགེ་སྦྱོང་གི་འབྲས་བུ་རྟོགས་པར་འགྱུར་བ་ལས་ད་ཁྱོད་འདིར་ཤིན་ཏུ་ཁྲོ་བས་ཀུན་ཏུ་ཁེབས་ནས་ལན་མང་དུ་
D7a.013.0145a05.01བསྒོམས་ལ་དགེ་སློང་ལ་ཡང་སེམས་གདུག་པ་བསྐྱེད་པས་ད་ལྟར་སྦྲུལ་གདུག་པར་སྐྱེས་ཏེ། འཚེ་བ་དང་གསོད་པ་ལ་ཆགས་ཤིང་གཞན་གྱི་སྲོག་འཕྲོག་ཅིང་གཞན་འཚོ་བ་དང་ཕྲལ་ནས་འཚོ་བར་བྱེད་དེ་འདི་ནས་ཤི་འཕོས་ན་རྒྱུད་གང་དུ་སྐྱེ། གང་དུ་སྐྱེ་བར་འགྱུར། གང་དུ་
D7a.013.0145a06.01མངོན་པར་སྐྱེ་བར་འགྱུར། བཅོམ་ལྡན་འདས་ཀྱིས་གང་གི་ཚེ་དེའི་རིགས་དྲན་པར་བྱས་པ་དེའི་ཚེ་ངུ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་གསུངས་པ། ཁྱོད་ནི་བྱོལ་སོང་སྐྱེ་གནས་གྱུར། །མི་དལ་བར་ཡང་སྐྱེས་གྱུར་ན། །དོན་མེད་པར་
D7a.013.0145a07.01