完整藏文原文 · 德格版页 当前仅加载第 13 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་པ་དང་། གཞན་གྱི་ཚིག་མཐར་མི་འབྱིན་པ་དང་། མི་ཉན་པ་དང་། གྲགས་པར་མི་བྱེད་པ་ཡིན་ཏེ། དཀར་པོའི་ཕྱོགས་སུ་ཡང་བཟློག་པ་རྣམ་པ་ལྔར་བརྗོད་པར་བྱའོ། །གཞན་ཡང་ཆོས་རྣམ་པ་ལྔ་དང་ལྡན་པའི་འདུལ་བ་འཛིན་པ་ནི་རྩོད་པ་ཤིན་ཏུ་ཞི་བར་བྱེད་མི་
D7a.013.0031b01.01ནུས་པ་ཡིན་ཏེ། མ་བསྒོ་བ་བསྒོ་བར་མི་བྱེད་པ་ཡིན། ཡང་དག་པར་མ་བསྒོ་བ་ཡང་དག་པར་བསྒོ་བར་མི་བྱེད་པ་ཡིན། མི་སེམས་པ་སེམས་པར་མི་བྱེད་པ་ཡིན། རྒོལ་བ་དང་། སླར་རྒོལ་བའི་དགེ་སློང་རྣམས་འཐབ་པ་དང་། མཚང་འདྲུ་བ་དང་། འཁོན་པ་དང་།
D7a.013.0031b02.01རྩོད་པ་རྣམས་སུ་སྐུལ་བ་ཡིན། རྒོལ་བ་དང་སླར་རྒོལ་བའི་དགེ་སློང་རྣམས་ཆོས་མ་ཡིན་པའི་ཕྱོགས་ལ་སྟེན་པ་ཡིན་ཏེ། རྣམ་པ་ལྔ་ལས་དཀར་པོའི་ཕྱོགས་སུ་བཟློག་པར་ཡང་བརྗོད་པར་བྱའོ། །མདོར་ན། རྗེས་སུ་བསྟན་དང་རྩོད་པ་དང་། །ལས་དང་རྒོལ་བ་འཛིན་
D7a.013.0031b03.01པ་དང་། །ཆོས་མ་ཡིན་པ་མདོ་སྡེ་འདུལ། །མ་བསྐོས་བྱུང་དང་ཉེས་དེ་བཞིན། །ཆོས་རྣམ་པ་ལྔ་དང་ལྡན་པའི་འདུལ་བ་འཛིན་པ་ནི་རྗེས་སུ་སྟོན་པར་བྱེད་མི་ནུས་ཏེ། ལྔ་གང་ཞེ་ན། རྗེས་སུ་བསྟན་པའི་ངག་ལྔ་མི་ཤེས་པ་དང་། སླར་རྒོལ་བ་མི་ཤེས་པ་དང་། ཆོས་སུ་
D7a.013.0031b04.01རྗེས་སུ་སྦྱོར་བ་མི་ཤེས་པ་དང་། ཆོས་མ་ཡིན་པའི་རྗེས་སུ་སྦྱོར་བ་མི་ཤེས་པ་དང་། ཡི་དམ་མ་བཅས་པ་ཡིན་ཏེ། སླར་དཀར་པོའི་ཕྱོགས་སུ་བཟློག་པའང་རྣམ་པ་ལྔར་བརྗོད་པར་བྱའོ། །ཆོས་རྣམ་པ་ལྔ་དང་ལྡན་པའི་འདུལ་བ་འཛིན་པ་ནི་རྩོད་པ་ཞི་བར་བྱེད་མི་ནུས་པ་ཡིན་ཏེ།
D7a.013.0031b05.01ལྔ་གང་ཞེ་ན། རྩོད་པ་མི་ཤེས་པ་དང་། རྩོད་པ་ཅི་ལས་བྱུང་བ་མི་ཤེས་པ་དང་། རྩོད་པ་བསྡུ་བ་མི་ཤེས་པ་དང་། རྩོད་པ་ཞི་བར་བྱ་བ་མི་ཤེས་པ་དང་། རྩོད་པ་ཞི་བར་བྱས་ཀྱང་ཉེས་པ་ཕྱིས་མི་འབྱུང་བ་ལ་མི་མཁས་པ་ཡིན་ཏེ། སླར་དཀར་པོའི་ཕྱོགས་སུ་བཟློག་པའང་
D7a.013.0031b06.01རྣམ་པ་ལྔར་བརྗོད་པར་བྱའོ། །ཆོས་རྣམ་པ་ལྔ་དང་ལྡན་པའི་འདུལ་བ་འཛིན་པ་ནི་ལས་བྱེད་མི་ནུས་པ་ཡིན་ཏེ། ལྔ་གང་ཞེ་ན། དེས་དོན་སྦྱིན་པ་ལ་ཤིན་ཏུ་རྣམ་པར་མ་དག་ཅིང་གཅིག་ནས་གཅིག་ཏུ་བསྒོ་བ་ཡིན་ཏེ། ཀུན་དགའ་བོ་དགེ་ཚུལ་གྱི་ཚིག་གིས་བསྒོ་ཞིང་
D7a.013.0031b07.01