完整藏文原文 · 德格版页 当前仅加载第 13 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་པ་དེའི་དྲུང་དུ་བསོད་སྙོམས་པ་གཞན་ཞིག་དེར་སོང་ནས་སྐྱབས་སུ་འགྲོ་བ་དང་། བསླབ་པའི་གནས་ལ་བཞག་གོ། །དུས་ཕྱི་ཞིག་ན་ཡང་ནོར་ལས་བསོད་ནམས་སུ་བྱ་བའི་དངོས་པོ་བདུན་པོའི་ཡོན་ཏན་བརྗོད་པ་དང་། ཁྱིམ་བདག་དེ་རབ་ཏུ་དད་པར་གྱུར་ནས། འཕགས་པ་བདག་
D7a.013.0123b01.01གིས་ཀྱང་ནོར་ལས་བྱས་པའི་བསོད་ནམས་ཀྱི་དངོས་པོ་ཅུང་ཟད་ཅིག་བགྱིའོ་ཞེས་སྨྲས་པ་དང་། བསོད་སྙོམས་པ་དེས། ཁྱིམ་བདག་དེ་བཞིན་དུ་བྱོས་ཤིག་ཅེས་སྨྲས་པ་དང་། འཕགས་པ་ཅི་ཞིག་བགྱི། དགེ་འདུན་གྱི་གཙུག་ལག་ཁང་བྱོས་ཤིག །འཕགས་པ་བདག་ལ་ཀཱར་ཥཱ་པ་
D7a.013.0123b02.01ཎ་ནི་མཆིས་ན། བསོད་ནམས་བྱ་བའི་གྲོགས་དག་མ་མཆིས་སོ། །ཁྱིམ་བདག་ཀཱར་ཥཱ་པ་ཎ་ཁྱེར་ཏེ་ཤོག་ཤིག །ངས་ཁྱོད་ཀྱི་བསོད་ནམས་ཀྱི་གྲོགས་བྱའོ་ཞེས་སྨྲས་པ་དང་། དེས་ཀཱར་ཥཱ་པ་ཎ་རྣམས་བྱིན་ནས་ལས་སར་པ་བྱེད་པ་ཡང་བསྐོས་སོ། །དེས་ཀཱར་ཥཱ་པ་ཎ་རྣམས་
D7a.013.0123b03.01གནས་ཁང་གི་ནང་དུ་བཅུག་སྟེ་བཞག་ནས་ལས་ཅུང་ཟད་ཙམ་ཡང་མ་བརྩམས་སོ། །ཁྱིམ་བདག་དེས་འདི་སྙམ་དུ་བདག་གི་གཙུག་ལག་ཁང་ཅི་ཙམ་ཞིག་བྱས་པ་ལྟར་འགྲོའོ་ཞེས་བསམས་ནས་དེ་དེར་འོངས་ན། ཅུང་ཟད་ཙམ་ཡང་མ་བྱས་པར་མཐོང་ངོ་། །དེས་བསོད་སྙོམས་པ་ལ་
D7a.013.0123b04.01འཕགས་པ་ཅིའི་ཕྱིར་ལས་དག་མ་བརྩམས་ཞེས་དྲིས་པ་དང་། ལས་སར་པ་བྱེད་པས་འདིར་ཡོ་བྱད་དག་དགོས་སོ་ཞེས་སྨྲས་པ་དང་། ཁྱིམ་བདག་གིས་བདག་གིས་ཀཱར་ཥཱ་པ་ཎ་ཕུལ་བ་དེ་ལ་ལས་སར་པ་བྱ་བའི་ཡོ་བྱད་དག་ཅིའི་ཕྱིར་མི་སྦྱར། དེས་སྨྲས་པ། ཁྱིམ་བདག་ངས་ཕྱོགས་
D7a.013.0123b05.01བཞིའི་དགེ་འདུན་གྱི་རྫས་མ་རུང་བར་ཇི་ལྟར་བྱ་ཞེས་སྨྲས་པ་དང་། འཕགས་པ་དེ་ལ་ནོངས་པ་མ་མཆིས་ཀྱིས་གྱིས་ཤིག །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་ཁྱིམ་བདག་གིས་བསྒོ་ན་ལས་
D7a.013.0123b06.01སར་པའི་ཡོ་བྱད་དེ་དག་ལས་སྦྱོར་ཅིག །དེ་ལ་ཐེ་ཚོམ་དུ་མ་བྱེད་ཅིག །དེས་དེ་ལས་སར་པའི་ཡོ་བྱད་སྦྱར་ཏེ། བསོད་སྙོམས་པ་དེས་ལས་སར་པ་ཡང་བྱས་ནས་བསོད་སྙོམས་སློང་དུ་སོང་བ་དང་། ཁྱིམ་བདག་དེས་མཐོང་ནས་འཕགས་པ་ཁྱོད་ནི་བསོད་སྙོམས་སྤྱོད་ན་བདག་གི་གཙུག་
D7a.013.0123b07.01