完整藏文原文 · 德格版页 当前仅加载第 13 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས། རྟོགས་ལ་འཐུང་ཤིག །རིལ་བ་དང་བུམ་པ་དག་ཏུ་མི་ལྡུགས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེར་ཡང་ལུགས་ཤིག །ཕྱི་དྲོ་མི་འཐུང་བ་དང་། བཅོམ་ལྡན་འདས་ཀྱིས་བཀའ་སྩལ་པ། འཐུང་ཤིག །དེ་ལ་ཐེ་ཚོམ་དུ་མ་བྱེད་ཅིག །དེ་
D7a.013.0187b01.01བཞིན་དུ་ཤིང་སྒྲོམ་དང་རྐྱལ་པའི་ནང་ན་འདུག་པ་ཡང་རྟོགས་ལ་འཐུང་ཤིག །ཕྱི་དྲོ་དང་། རིལ་བ་དང་། བུམ་པའི་ནང་དུ་ཡང་ལུགས་ཤིག །དེ་ལ་ཐེ་ཚོམ་དུ་མ་བྱེད་ཅིག །དགེ་སློང་དག་གིས་དགེ་འདུན་ལ་ཆུ་བྲིམས་པ་དང་། དེ་ན་དགེ་སློང་དག་གིས་ཚེ་དང་ལྡན་པ་ཆུ་རྒྱུན་ལྷུང་
D7a.013.0187b02.01བཟེད་ཀྱི་ནང་ནས་མ་ཆད་པས་ན་བཞག་པར་གྱུར་ཏོ་ཞེས་སྨྲས་ཏེ། དེ་དག་གིས་མ་བླངས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁུ་བ་ཐམས་ཅད་ཀྱི་རྒྱུད་ནི་ཐུར་དུ་འབབ་ཀྱི་སྟེང་དུ་མི་འགྱུར་
D7a.013.0187b03.01གྱིས་འཐུང་ལ་དེ་ལ་ཐེ་ཚོམ་མ་བྱེད་ཅིག །དེ་བཞིན་དུ་འོ་མ་དང་། ཞོ་དང་། ཞོའི་ཆུ་དང་། དར་བ་དང་། རྩབ་མོ་དང་། ཚྭ་ལ་སོགས་པ་ལ་རྒྱས་པར་བརྗོད་དོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་དག་ལྗོངས་རྒྱུ་ཞིང་སྤྱོད་པ་ལས་བ་ལང་གི་ལྷས་སུ་ཕྱིན་པ་དང་། དེ་དག་ལ་
D7a.013.0187b04.01དེ་ན་ཆུ་མེད་དེ། དེ་དག་གིས་ཞོའི་ཆུ་བྱིན་པ་དང་། དགེ་སློང་དེ་དག་ཐེ་ཚོམ་སྐྱེས་ནས་མི་འཁྲུའོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གང་ན་ཆུ་མེད་པ་ཞོའི་ཆུ་དང་། དར་བ་དང་བས་ཁྲུས་ཤིག །དེ་
D7a.013.0187b05.01ལ་ཐེ་ཚོམ་དུ་མ་བྱེད་ཅིག །དགེ་སློང་དག་གིས་བ་ལང་རྫི་ལ་བུམ་པ་བརྙས་པ་དང་། དེ་དག་གིས་མར་གྱི་བུམ་པ་དང་། འོ་མའི་བུམ་པ་དག་རྙེད་ན་དེ་དག་ཐེ་ཚོམ་སྐྱེས་ནས་མ་བླངས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་
D7a.013.0187b06.01ཀྱིས་བཀའ་སྩལ་པ། དགེ་སློང་དག་བུམ་པ་ལ་རྣམ་པ་ལྔ་སྟེ། བཤང་བའི་བུམ་པ་དང་། གཅི་བའི་བུམ་པ་དང་། ཆང་གི་བུམ་པ་དང་། འབྲུ་མར་གྱི་བུམ་པ་དང་། མར་གྱི་བུམ་པའོ། །དེ་ལ་སྔ་མ་གསུམ་ནི་མ་བཞག་པ་ཡང་མ་བཞག་ཤིག །གཞག་ན་ནི་རྒྱང་རིང་
D7a.013.0187b07.01