完整藏文原文 · 德格版页 当前仅加载第 13 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་མཉན་དུ་ཡོད་པའི་ཛེ་ཏའི་ཚལ་མགོན་མེད་པ་ལ་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་ཚུལ་ཤིང་བྲིམས་པ་རྐུན་གནས་ཀྱིས་ཚུལ་ཤིང་བྲིམས་ན་དགེ་འདུན་གྱི་དབྱེན་དུ་འགྱུར་རམ།
D7a.013.0193b01.01ཨུ་པཱ་ལི་མི་འགྱུར་རོ། །བཙུན་པ་མ་ནིང་དང་ཟ་མ་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་
D7a.013.0193b02.01བ་དང་། ཐ་དད་དུ་གནས་པ་དང་། མི་གནས་པ་དག་གིས་ཚུལ་ཤིང་བྲིམས་ན་དགེ་འདུན་གྱི་དབྱེན་དུ་འགྱུར་རམ། ཨུ་པཱ་ལི་མི་འགྱུར་རོ། །བཙུན་པ་སྔར་འཁྲུགས་པ་བཞིས་ཚུལ་ཤིང་བྲིམས་ན་དགེ་འདུན་གྱི་དབྱེན་དུ་འགྱུར་རམ། ཨུ་པཱ་ལི་མི་འགྱུར་རོ། །བཙུན་པ་བསླབ་
D7a.013.0193b03.01པ་བྱིན་པས་ཚུལ་ཤིང་བྲིམས་ན་དགེ་འདུན་གྱི་དབྱེན་དུ་འགྱུར་རམ། ཨུ་པཱ་ལི་མི་འགྱུར་རོ། །རྐྱང་པའི་སྒོ་བཞི་པའི་མདོའི་ཚིགས་སུ་བཅད་པ་གཉིས་པའོ།། །།མདོར་ན། ལུས་ལ་རེག་དང་རྔུལ་ཟན་དང་། །ཆར་པ་འབབ་པར་བཅད་མི་བྱ། །ཚང་མང་དང་ནི་བཤང་གཅི་ས། །
D7a.013.0193b04.01མ་རུང་ནས་ནི་མི་དོར་བའོ། །སངས་རྒྱས་བཅོམ་ལྡན་འདས་མཉན་དུ་ཡོད་པའི་ཛེ་ཏའི་ཚལ་མགོན་མེད་པ་ལ་ཟས་སྦྱིན་པའི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གིས་དགེ་འདུན་གྱི་མལ་སྟན་དག་ཀྱང་ལུས་ལ་རེག་པར་བགོས། རྐང་པ་ནས་མགོའི་བར་དུ་ཐང་ཆད་
D7a.013.0193b05.01པར་བགོས་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་ཞུས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་དགེ་འདུན་གྱི་མལ་སྟན་ལུས་ལ་རེག་པར་མ་བགོ་ཤིག །བགོས་ན་འདས་པ་དང་བཅས་པར་འགྱུར་རོ། །བཅོམ་ལྡན་
D7a.013.0193b06.01འདས་ཀྱིས་དགེ་སློང་དག་དགེ་འདུན་གྱི་མལ་སྟན་ལུས་ལ་རེག་པར་མ་བགོ་ཤིག་ཅེས་བཀའ་སྩལ་པ་ན། དགེ་སློང་དག་གིས་ཇི་ལྟར་བགོ་བ་མི་ཤེས་ནས། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།
D7a.013.0193b07.01