完整藏文原文 · 德格版页 当前仅加载第 13 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཉུང་བར་གྱུར་པས་དགེ་སློང་དེ་དག་རྨྱ་བར་གྱུར་ཏོ། །དེ་ལྟ་བུར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། གཙུག་ལག་ཁང་གི་ནང་དུ་བརྟགས་པའི་ས་བསྐོས་ཏེ། དེར་
D7a.013.0247a01.01གཡོས་བྱོས་ལ་བྲིམ་པར་བྱོས་ཤིག །བཅོམ་ལྡན་འདས་ཀྱིས་གཙུག་ལག་ཁང་གི་ནང་དུ་བརྟགས་པའི་ས་བསྐོས་ལ་དེར་གཡོས་བྱོས་ལ་བྲིམས་ཤིག་ཅེས་གསུངས་ནས། དགེ་སློང་དེ་དག་གིས་དེ་བཞིན་དུ་བྱས་པ་དང་། དེར་གཙུག་ལག་ཁང་གི་མི་དང་། དགེ་ཚུལ་
D7a.013.0247a02.01ཕ་རྣམས་ཀྱིས་སྔར་རང་གི་དོན་དུ་དེ་བླངས་ནས་དེའི་འོག་ཏུ་གཡོས་བྱ་བའི་དགེ་སློང་རྣམས་ལ་ཅི་ཐོབ་ཐོབ་ཏུ་བྱིན་པ་དང་། དགེ་སློང་དེ་དག་གི་ཉུང་བར་གྱུར་ནས་དགེ་སློང་དེ་དག་རྨྱ་བར་གྱུར་ཏེ། དེ་ལྟ་བུར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས།
D7a.013.0247a03.01བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བུའི་ལོ་ཉེས་པ་ལ་དཀོན་ཞིང་རྙེད་དཀའ་བའི་ཚེ་རང་གི་གཡོས་བྱ་ཞིང་བཟའ་བར་རྗེས་སུ་གནང་ངོ་། །དེ་ཡང་བརྟགས་པའི་སར་བསྐོས་ན་དེར་ནི་ནང་དུ་འཇོག་པ་དང་། ནང་དུ་འཚོ་བའི་གནས་གཉིས་སུ་བདེ་བར་འགྱུར་རོ། །དེ་ལྟ་
D7a.013.0247a04.01བུའི་ལོ་ཉེས་པས་དཀོན་པའི་རྙེད་དཀའ་བར་གྱུར་པ་མ་གཏོགས་པར་གང་རུང་བའི་སར་བསྐོས་པ་དང་མ་བསྐོས་པར་ཡང་རུང་སྟེ། རང་གིས་བཙོས་པ་ནི་བཟའ་མི་རུང་སྟེ། དེ་ནི་རང་གིས་བཙོས་པ་ཞེས་བྱའོ། །དགེ་སློང་གིས་འཚེད་པ་གང་ཞེ་ན། དགེ་སློང་ལ་ལ་ནི་མང་དུ་ཟ་བར་གྱུར།
D7a.013.0247a05.01ལ་ལ་ནི་ཉུང་ངུ་ཟ་བ་སྟེ། དེ་ལ་གང་མང་དུ་ཟ་བ་དེ་དག་ལ་ནི་མི་འགྲངས་གང་ཉུང་ངུ་ཟ་བ་དེ་དག་ནི་ལྷག་ནས་དེ་གཞན་དག་ལ་བྱིན་ན། དེ་དག་བཅོམ་ལྡན་འདས་ཀྱིས་ཟར་མ་གནང་བས་ན་མི་ཟའོ། །དེ་ལྟ་བུར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་
D7a.013.0247a06.01ལྡན་འདས་ཀྱིས་བཀའ་སྩལ་པ། དེ་ལྟ་བུའི་ལོ་ཉེས་ཤིང་དཀོན་ལ་དཀའ་ན་ནི་དགེ་སློང་གིས་བཙོས་པ་ཟར་གནང་ངོ་། །དེ་ཡང་གང་ཞེ་ན། གང་བསྙེན་པར་རྫོགས་པའི་དགེ་སློང་གིས་བཙོས་པ་སྟེ། འདི་ནི་དགེ་སློང་གིས་བཙོས་པ་ཞེས་བྱའོ། །བླངས་པ་གང་ཞེ་ན། གང་ངོ་
D7a.013.0247a07.01