完整藏文原文 · 德格版页 当前仅加载第 13 函德格 168a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གིས་ཟན་ཟོས་པ་སྟོན་པས་སྨད་ན་འདི་ལྟར་འདུག་པའི་མི་རིགས་སོ་ཞེས་བསམས་ནས་དེས་སྐྱུགས་ཏེ་བཏང་ངོ་། །དགེ་སློང་དག་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་
D7a.013.0168a01.01འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་ཟན་ཟོས་པ་སྨད་པ་དང་། དེས་སླར་སྐྱུགས་པ་ལ་གཟིགས་སུ་གསོལ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདི་འབའ་ཞིག་མ་ཡིན་གྱི་སྔོན་འདས་པའི་དུས་ན་ཡང་ངས་དེ་ལ་ཟན་ཟོས་པ་སྨད་པ་དང་། དེའི་ཕྱིར་
D7a.013.0168a02.01སྐྱུགས་སོ། །དགེ་སློང་དག་ཉོན་ཅིག །སྔོན་བྱུང་བ་ནི་གྲོང་ཁྱེར་གཞན་ཞིག་ན་མང་པོ་འཆད་པའི་བྲམ་ཟེ་ཞིག་གནས་ཏེ། དེ་བྲམ་ཟེའི་བུ་དང་ལྷན་ཅིག་ཏུ་ལྗོངས་རྒྱུ་ཞིང་སྤྱོད་པ་ན་རི་བྲགས་ཀྱི་གྲོང་ཞིག་ཏུ་ཕྱིན་ནས་དེ་རྫིང་ཞིག་གི་འགྲམ་དུ་བྲམ་ཟེ་དེས་བྲམ་ཟེའི་བུ་དེར་བཞག་ནས་ཅུང་
D7a.013.0168a03.01ཟད་ཅིག་སྡོད། ང་གྲོང་དུ་ཕྱེ་ལ་སོགས་པ་བསླངས་ཏེ་སླར་འོང་ངོ་། །དེ་དེ་ན་འདུག་པ་དང་། ཁྱི་ཤ་ཅན་ཞིག་རྫིང་དུ་ཆུ་གྲོག་འཐུང་དུ་འོངས་སོ། །དེ་ལ་བྲམ་ཟེའི་བུས་ཀྱེ་སྐྱེས་བུ་བདག་ཀྱང་ཆུ་གྲོག་ཅིག་གསོལ་ཅིག་ཅེས་སྨྲས་སོ། །དེས་ཀྱང་ལོ་མ་ལ་སྣོད་དྲུབས་ཤིག་ཅེས་སྨྲས་
D7a.013.0168a04.01པ་དང་། དེས་སྣོད་དྲུབས་སོ། །དེས་དེ་ལ་ཁྱིའི་པགས་པ་ལས་བྱས་པའི་སྒྱེའུའི་ནང་ནས་བྱུང་བའི་ཕྱེ་བྱིན་ནོ། །དེ་སྣུམ་པ་དང་བྲམ་ཟེའི་བུས་ཕྱེ་འདི་སྣུམ་ན་ཅི་ཞིག་ཅེས་དྲིས་པ་དང་། འདི་ནི་པགས་པ་ལས་སྒྱེའུ་བྱས་པའི་མཐུ་སྟེ། དེས་སྒྱེའུ་དག་ཅི་ལས་བྱས་པ་ཞིབ་མོར་བྱས་ན།
D7a.013.0168a05.01བྲམ་ཟེའི་བུ་དེས་མ་གོའོ། །བྲམ་ཟེ་དེ་སླར་འོངས་ནས་དེས་བྲམ་ཟེའི་བུ་ཁྱོད་སོང་ལ་ཆུ་གྲོག་རྒྱུ་སློངས་ཤིག་ཅེས་སྨྲས་པ་དང་། དེས་ཆུ་གྲོག་འཚལ་ལགས་སོ་ཞེས་སྨྲས་སོ། །སུས་བྱིན་མི་ཕ་བིས་བྱིན་ནོ། །དེས་ཕ་བི་ནི་ཁྱི་ཤ་ཅན་ཏེ། དེས་ཁྱོད་ལ་ཕྱེ་བྱིན་ན་དེ་ཁྱོད་ཀྱིས་སྡིག་
D7a.013.0168a06.01པར་གྱུར་ཏོ་ཞེས་སྨྲས་ནས། དེས་དེ་ལ་རབ་ཏུ་སྨད་པ་དང་། དེས་ཟོས་པ་སླར་སྐྱུགས་སོ། །དགེ་སློང་དག་མི་ཤེས་སམ། གང་མང་པོ་འཆད་པའི་བྲམ་ཟེ་དེ་ནི་ད་ལྟར་གྱི་ང་ཉིད་ཡིན་ནོ། །དེའི་ཚེ་དེའི་དུས་ན་བྲམ་ཟེའི་བུ་དེ་ནི་ད་ལྟར་གྱི་དགེ་སློང་ཤཱ་རིའི་བུ་སྟེ། དེའི་ཚེ་ན་
D7a.013.0168a07.01