完整藏文原文 · 德格版页 当前仅加载第 13 函德格 170b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བཅོམ་ལྡན་འདས་དང་ལྷན་ཅིག་ཏུ་དགའ་བའི་གཏམ་སྣ་ཚོགས་བྱས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཁྱིམ་བདག་དཔལ་སྦེད་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གཽ་ཏ་མ་སང་བདག་གི་ཁྱིམ་དུ་དགེ་སློང་གི་
D7a.013.0170b01.01དགེ་འདུན་དང་ལྷན་ཅིག་བཤོས་ལ་གཤེགས་པར་ཞལ་གྱིས་བཞེས་ཤིག་ཅེས་སྤྱན་དྲངས་པ་དང་། བཅོམ་ལྡན་འདས་ཀྱིས་དགོངས་པ། གང་གིས་ང་ལས་བདེན་པ་མཐོང་བར་འགྱུར་བ་དེ་འདི་ལྟར་བྱེད་དོ། །དེ་སྟེ་ངས་ཁས་མ་བླངས་ན་ནི་བདེན་པའི་བར་ཆད་དག་ཏུ་འགྱུར་ཏེ།
D7a.013.0170b02.01ཇི་ནས་ཁས་བླང་ངོ་སྙམ་ནས་གཤེགས་པར་ཞལ་གྱིས་བཞེས་སོ། །དཔལ་སྦེད་ཀྱིས་བསམས་པ། འདི་ནི་ཐམས་ཅད་མཁྱེན་པ་མ་ཡིན་ཏེ། དེ་སྟེ་ཐམས་ཅད་མཁྱེན་པ་ཡིན་ན་ནི་འདི་ལྟར་ཁས་མི་ལེན་པའི་རིགས་ན། ཇི་ནས་འདི་ཐམས་ཅད་མཁྱེན་དུ་མི་འགྱུར་བར་དགྲའི་ལན་
D7a.013.0170b03.01གླན་ནོ་སྙམ་ནས་དེ་ནས་དེ་ཁྱིམ་དུ་སོང་སྟེ། དེའི་ཁྱིམ་གྱི་སྒོ་ཀར་དོང་ཆེན་པོ་བརྐོས་ནས་ནང་དུ་ཤིང་ཀ་དི་དའི་མེ་མདག་དུད་པ་མེད་པས་བཀང་ནས་དེའི་སྟེང་དུ་རྩྭས་གཡོགས་ནས་སས་བཀབ་སྟེ་བཞག་གོ། །དུག་རྣོན་པོས་བཟའ་བ་དང་བཏུང་བ་སྦྱར་ཏོ། །དེ་ནས་མེ་སྐྱེས་ཀྱི་
D7a.013.0170b04.01སྲིང་མོས་དཔལ་སྦེད་ལ་ཇོ་བོ་ཅི་ཞིག་མཛད་ཅེས་དྲིས་པ་དང་། དེས་སྨྲས་པ། དགྲ་གསད་པར་བྱའོ། །ཇོ་བོ་ལ་དགྲ་སུ་མཆིས། དགེ་སྦྱོང་གཽ་ཏ་མའོ། །ཇི་སྟེ་ཇོ་བོ་ཁྱོད་ཀྱི་དགྲ་བཅོམ་ལྡན་འདས་ཡིན་ན་མཛའ་བོ་སུ་ཞིག་མཆིས་ཀྱིས་ཇོ་བོ་འདི་ལྟ་བུ་འཕགས་པས་ཆོས་
D7a.013.0170b05.01མ་ཡིན་པའི་ལས་བྱ་བར་མི་རིགས་པར་སོམས་ཤིག་ཅེས་སྨྲས་པ་དང་། དེ་ནས་དཔལ་སྦེད་ཀྱིས་བསམས་པ། འདི་ཡང་མེ་སྐྱེས་ཀྱི་གཉེན་དུ་འོང་སྟེ་དགེ་སྦྱོང་གཽ་ཏ་མ་ལ་དད་པས་ན་གསང་ཤོར་བར་འགྱུར་རོ་སྙམ་ནས་དེས་མོ་མཛོད་ཀྱི་ནང་དུ་བཅུག་སྟེ་སྒོ་ལྕགས་བཅུག་ནས་
D7a.013.0170b06.01བཞག་གོ། །གང་པོ་ལ་སོགས་པ་གཅེར་བུ་པ་ཐམས་ཅད་བོས་ནས་ངས་དགྲ་བསད་པ་ལ་ལྟར་ཤོག་ཤིག །དགེ་སྦྱོང་གཽ་ཏ་མ་གསད་པའི་ཕྱིར་སྒོར་དོང་ཆེན་པོ་བརྐོས་ནས་ནང་དུ་སེང་ལྡེང་གི་མེ་མདག་གིས་བཀང་སྟེ་བཞག །ཁ་ཟས་དང་སྐོམ་གྱི་ནང་དུའང་དུག་རྣོན་པོས་
D7a.013.0170b07.01