完整藏文原文 · 德格版页 当前仅加载第 13 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲེལ་བ་འབྱུང་བར་གྱུར་པ་དེ་ལ་གནས་བརྟན་པར་བྱའོ། །མདོར་ན། ཞར་བ་མ་ཡིན་ཞར་ཞེས་སྨྲ། །དགེ་སློང་གནོད་པ་ལྟུང་བ་དང་། །ནང་ངམ་དེ་སྟེ་ཕྱི་ཡང་རུང་། །བར་ཆད་དག་ཏུ་གྱུར་པའོ། །ཞར་བ་མ་ཡིན་པ་ལ་ཞར་བ་ཞེས་སྨྲས་ན་ཅིར་འགྱུར།
D7a.013.0233b01.01ཤེས་བཞིན་པའི་{བརྫུན་,རྫུན་}སྨྲས་པས་ལྟུང་བའོ། །ཞར་བ་ལ་ཞར་ཞེས་སྨྲས་ན་མིའི་སྐྱོན་སྨྲས་པས་ལྟུང་བར་འགྱུར་རོ། །དགེ་སློང་ལ་གནོད་པ་ནི་ནང་ངམ་ཕྱིའོ་ཞེས་གསུངས་ན་ནང་ནི་གང་། ཕྱི་ནི་གང་། མཚམས་ཀྱི་ནང་ནི་ནང་ངོ་། །མཚམས་ཀྱི་ཕྱི་རོལ་ནི་ཕྱི་རོལ་
D7a.013.0233b02.01ལོ། །གཅིག་ཏུ་ན་ཡང་གཙུག་ལག་ཁང་གི་ནང་ནི་ནང་ངོ་། །བླ་གབ་མེད་པ་ནི་ཕྱི་རོལ་ལོ། །རྣམ་གྲངས་དུ་མར་བར་དུ་གཅོད་པའོ་ཞེས་བཅོམ་ལྡན་འདས་ཀྱིས་གསུངས་པ་བར་དུ་གཅོད་པའི་ཆོས་དེ་གང་ལགས། འདོད་པ་ནི་བར་དུ་གཅོད་པའི་ཆོས་ཏེ། ཨུ་
D7a.013.0233b03.01པཱ་ལི་འདོད་པ་ནི་བར་དུ་གཅོད་པའི་ཆོས་སུ་ངས་གསུངས་སོ། །འདུལ་བ་གཞུང་དམ་པ་མ་ན་པི་ཀ་ཞེས་བྱ་བའི་འདུལ་བའི་རིམ་པ་རྫོགས་སོ།། །།སངས་རྒྱས་བཅོམ་ལྡན་འདས་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་
D7a.013.0233b04.01ལྡན་པ་ཨུ་པཱ་ལི་སངས་རྒྱས་བཅོམ་ལྡན་འདས་གང་ན་བ་དེར་སོང་སྟེ་དྲུང་དུ་ཕྱིན་པ་དང་། ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་འདི་སྐད་ཅེས་གསོལ་
D7a.013.0233b05.01ཏོ། །བཙུན་པ་འདུལ་བའི་ཕུང་པོ་དུ་མཆིས། ཨུ་པཱ་ལི་གསུམ་སྟེ། བསྙེན་པར་རྫོགས་པའི་ཕུང་པོ་དང་། རབ་ཏུ་ལྡན་པའི་ཕུང་པོ་དང་། འཚོ་བའི་ཕུང་པོའོ། །བསྙེན་པར་རྫོགས་པའི་ཕུང་པོ་གང་ཞེ་ན། བསྙེན་པར་རྫོགས་པར་འོས་པ་དང་། བསྙེན་པར་
D7a.013.0233b06.01རྫོགས་པར་མི་འོས་པ་དང་། བསྙེན་པར་རྫོགས་པར་བྱ་བ་དང་། བསྙེན་པར་རྫོགས་པར་མི་བྱ་བ་དང་། བསྙེན་པར་རྫོགས་པ་དང་། བསྙེན་པར་མ་རྫོགས་པ་དང་། ལས་དང་ལས་ཀྱི་དངོས་པོ་དང་། གཞག་པར་འོས་པའི་ལས་དང་། མི་གཞག་པར་འོས་པའི་
D7a.013.0233b07.01