完整藏文原文 · 德格版页 当前仅加载第 13 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
བྱོས་ཤིག་ཅེས་གསུངས་ན། དེ་སྟེ་བཙུན་པ་དེ་ལ་བསྐྲད་པའི་ལས་བགྱིད་པའི་ཚེ་དེ་མ་རངས་པར་གྱུར་ན་དེ་ལ་ཇི་ལྟར་བགྱི། ཨུ་པཱ་ལི་དེ་ལ་ཡོ་བྱད་རྣམས་ཞེས་བྱ་བ་ནས། ཐེ་ཚོམ་མ་བྱེད་ཅིག་ཅེས་བྱ་བའི་བར་དུ་སྔ་མ་བཞིན་ནོ། །དེ་བཞིན་དུ་དགེ་སློང་
D7a.013.0094a01.01མས་རིགས་སུན་པ་དང་། དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་དག་ལ་ཡང་བསྐྲད་པའི་ལས་བགྱིའམ། དེ་ལ་ཐེ་ཚོམ་དུ་མ་བྱེད་ཅིག་ཅེས་བྱ་བའི་བར་དུ་སྔ་མ་བཞིན་ནོ། །གླེང་གཞིའི་སྒོ་གཉིས་པའི་མདོའི་ཚིགས་སུ་བཅད་པ་དྲུག་པའོ།། །།
D7a.013.0094a02.01འདུལ་བ་གཞུང་དམ་པ། བམ་པོ་སུམ་བཅུ་རྩ་གསུམ་པ། བཙུན་པ་བཅོམ་ལྡན་འདས་ཀྱིས་ཚུལ་ཁྲིམས་ཉམས་པའི་དགེ་སློང་སྐྲོད་ཅིག་ཅེས་གསུངས་ན། སུས་བསྐྲད་པར་བགྱི། དེ་ནི་དགེ་འདུན་གྱིས་བསྐྲད་པར་བྱའོ། །དེའི་ཡོ་བྱད་ལ་ཁ་ཅིག་གིས་ལྷུང་
D7a.013.0094a03.01བཟེད་དང་ཆོས་གོས་ཁྱེར། ཁ་ཅིག་གིས་ནི་བར་བུར་གྱི་སྣོད་དག་ཁྱེར་ཏེ་ཕྱི་རོལ་ཏུ་ཕྱུང་ལ་བོར་ཅིག །དེ་སྟེ་ཀ་བ་ལ་འཇུས་ན་ཀ་བ་ཆོད་ཅིག །སྒོ་སྐྱེས་ལ་འཇུས་ན་སྒོ་སྐྱེས་ཀྱང་ཕྱུང་ལ་དེ་ལ་ངོ་ཟློག་མི་ཕོད་པར་མ་བྱེད་ཅིག །སླར་སུས་བཅོས་པར་བགྱི། དགེ་འདུན་
D7a.013.0094a04.01གྱིས་སོ། །འཆོས་པའི་ཡོ་བྱད་སུ་ལ་དགུག །ཡོན་བདག་ལ་བསྐུལ་ལོ། །དེས་ཀྱང་མ་འབྱོར་ན་དགེ་འདུན་ཐམས་ཅད་ཀྱི་ནོར་གྱིས་སླར་བཅོས་པར་བྱ་སྟེ། དེ་ལ་ཐེ་ཚོམ་དུ་མ་བྱེད་ཅིག །ཚུལ་ཁྲིམས་ཉམས་པའི་དགེ་སློང་ལ་ཇི་ལྟ་བར་དགེ་སློང་མ་དང་།
D7a.013.0094a05.01དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་དག་ཀྱང་དེ་བཞིན་ནོ། །བཙུན་པ་བཅོམ་ལྡན་འདས་ཀྱིས་ཁྱིམ་པ་ལ་སྨོད་པར་བྱེད་པའི་དགེ་སློང་དེ་ལ་སླར་བསྡུམ་པའི་ལས་བྱོས་ཤིག་ཅེས་གསུངས་ན། བཙུན་པ་དེ་སྙེ་དགེ་སློང་མས་ཀྱང་ཁྱིམ་པ་ལ་སྨད་
D7a.013.0094a06.01པར་གྱུར་ན་དེ་ལ་ཡང་སླར་བསྡུམ་པའི་ལས་བགྱིའམ། ཨུ་པཱ་ལི་དེ་ཡང་སླར་བསྡུམ་པའི་ལས་བྱེད་དུ་ཆུག་ཤིག །དགེ་སློབ་མ་དང་། དགེ་ཚུལ་ཕ་དང་། དགེ་ཚུལ་མ་ལ་ཡང་དེ་བཞིན་ནོ། །བཙུན་པ་བཅོམ་ལྡན་འདས་ཀྱིས་དགེ་སློང་ཁྱིམ་པ་ལ་སྨོད་ན་
D7a.013.0094a07.01