完整藏文原文 · 德格版页 当前仅加载第 13 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྲམ་ཟེ་དང་ཁྱིམ་བདག་རྣམས་འཕྱ་བ་ནི་ཡུས་ཏེ། དགེ་སློང་དག་དེ་བས་ན་ཝའི་ཤ་མ་ཟ་ཤིག །དགེ་སློང་དག་གིས་ཝའི་ཤ་ཟོས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་
D7a.013.0158b01.01ན་སྟེ། ཛེ་ཏའི་ཚལ་ན་སྤྲེའུ་ཞིག་ཤིང་ཀ་ནས་ཤིང་ཀར་རྒྱུ་བ་ལས་ལྷུང་ནས་དུས་འདས་ཏེ། དྲུག་སྡེ་དག་གིས་རྫེའུ་ཞིག་གི་ནང་དུ་བཅུག་སྟེ་འཚེད་པ་དང་། བུད་མེད་གཞན་ཞིག་བུ་ཆུང་ངུ་ཞིག་སྟོར་ནས་དེ་ཚོལ་ཞིང་ཛེ་ཏའི་ཚལ་དུ་འོངས་ན། དྲུག་སྡེ་རྣམས་རྫེའུའི་ནང་དུ་
D7a.013.0158b02.01སྤྲེའུ་བཙོས་པ་མཐོང་ངོ་། །མཐོང་ནས་དེས་དྲུག་སྡེ་དག་གིས་བདག་གི་བུ་འདིར་མ་བཙོས་སམ་སྙམ་བསམས་ཏེ་རྟོག་པ་ལ་ཞུགས་པ་དང་། ཇི་ཙམ་ཞིག་ན་ལྷུང་ལྷུང་ཁོལ་བ་དང་སྤྲེའུའི་ལག་པ་གྱེན་དུ་བྱུང་བ་དང་། དེས་བྲང་བརྡུངས་ཏེ་ཀྱི་ཧུད་བུ་ཀྱི་ཧུད་བུ་ཞེས་སྨྲས་པ་དང་། དེའི་
D7a.013.0158b03.01རྐང་པ་ཡང་བྱུང་སྟེ། ཀྱི་ཧུད་བུ་ཀྱི་ཧུད་བུ་ཞེས་ཡང་སྨྲས་པ་དང་། དྲུག་སྡེ་དག་གིས་ཅིའི་ཕྱིར་དེ་ལྟར་བྱེད་ཅེས་སྨྲས་པ་དང་། དེས་རྐང་ལག་བྱུང་བ་འདི་ནི་བདག་གི་བུའོ་ཞེས་སྨྲས་པ་དང་། ཇི་ཙམ་ནས་མཇུག་མ་ཡང་བྱུང་ངོ་། །དྲུག་སྡེ་དག་གིས་ཅི་ཁྱོད་ཀྱི་བུ་འཇུག་མ་ཡོད་
D7a.013.0158b04.01དམ་ཞེས་སྨྲས་པ་དང་། དེ་སྐྱེངས་ཏེ་སྨྲས་པ། འཕགས་པ་འདི་ནི་སྤྲེའུ་འམ། དེ་དག་གིས་སྨྲས་པ་སྤྲེའུའོ། །འཕགས་པ་དག་སྤྲེའུ་ཤ་ཡང་བསྣམས་སམ། དེས་ཟའོ་ཞེས་སྨྲས་པ་དང་། དེ་དག་འཕྱ་བར་གྱུར་ནས་དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་
D7a.013.0158b05.01ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྤྲེའུ་ནི་མི་ཤ་དང་འདྲས། དེ་བས་ན་དགེ་སློང་དག་སྤྲེའུའི་ཤ་མ་ཟ་ཤིག །དགེ་སློང་དག་གིས་སྤྲེའུའི་ཤ་ཟོས་ན་འདས་པ་དང་བཅས་པར་འགྱུར་རོ། །རྐྱང་པའི་སྒོ་དང་པོའི་མདོའི་ཚིགས་སུ་
D7a.013.0158b06.01བཅད་པ་ལྔ་པའོ།། །།མདོར་ན། ཕོར་བུ་གོས་དང་པགས་པ་དང་། །འདབ་མའི་ཕོར་བུས་མི་སྦྱིན་ནོ། །ལྕགས་ཀྱི་སྦུ་བུ་མ་གཏོགས་པར། །ནོར་བུ་ཁར་བས་བཏང་བའོ། །སངས་རྒྱས་བཅོམ་ལྡན་འདས་མཉན་དུ་ཡོད་པའི་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་
D7a.013.0158b07.01