'dul ba gzhung dam pa/
当前为德格木刻版 136b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 136b
- 可引用原文
- 7 行
- 全文规模
- 全经 7305 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 3 函第 13 函 · 德格 136b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文གང་དགེ་སློང་གིས་བྲིམས་པ་དེ་ནི་བྱིན་ལེན་བྱ་མི་དགོས་སོ། །ཨ་མྲ་གཞན་ཞིམ་པོར་གྲགས་པ་ཞིག་ཡོད་ན། དེ་དག་བསྲེས་ལ་རིམ་ལ་བྲིམས་པ་དང་། ཐམས་ཅད་ཐོབ་པར་གྱུར་ནས། བཅོམ་ལྡན་འདས་ཀྱིས་དེ་དག་སོ་སོར་བྲིམས་ཤིག་ཅེས་གསུངས་སོ། །བཅོམ་ལྡན་འདས་ཀྱིས་ཨ་མྲ་གང་ཞིམ་པོར་གྲགས་པ་སོ་སོར་བྲིམས་ཤིག་ཅེས་གསུངས་པ་དང་། དྲུག་སྡེ་རྣམས་ཀུན་དགའི་ར་བར་དོང་ནས་དེ་དག་གིས་ཨ་མྲ་ཞིམ་པོར་གྲགས་པ་དེ་རང་གིས་བླངས་ནས། གཙུག་ལག་ཁང་དུ་འོངས་ཏེ་བྱིན་ལེན་བྱས་ཤིང་ཟོས་པ་དང་། དགེ་སློང་རྣམས་ཀྱིས་སྨྲས་པ།
ཚེ་དང་ལྡན་པ་དག་ཨ་མྲ་ཞིམ་པོ་དེ་དག་མ་བྲིམས་ན་ཅིའི་ཕྱིར་ཟད་དམ་ཞེས་དྲིས་པ་དང་། སྲུང་མ་རྣམས་ཀྱིས་དེ་དག་བྲིམ་དུ་ག་ལ་མཆིས། དྲུག་སྡེ་རྣམས་ཀྱིས་བླངས་ཏེ་གཙུག་ལག་ཁང་དུ་དོང་ནས་བྱིན་ལེན་བྱས་ཏེ་ཟོས་སོ་ཞེས་སྨྲས་པ་དང་། དགེ་སློང་རྣམས་འཕྱའོ། །དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དགོངས་པ། དགེ་སློང་རྣམས་གང་སུ་ཞིག་སྔར་བླངས་ལ་ཕྱིས་བྱིན་ལེན་བྱེད་ན་ཉེས་པའི་དམིགས་སུ་འགྱུར་ཏེ། དེ་བས་ན་དགེ་སློང་གིས་སྔར་བླངས་པ་ལས་ཕྱིས་བྱིན་ལེན་མི་བྱའོ་སྙམ་དུ་
མཁྱེན་ནས། དགེ་སློང་དག་དྲུག་སྡེ་རྣམས་ཀྱིས་ནི་མི་རིགས་པར་བྱས་ཀྱིས་དེ་བས་ན་དགེ་སློང་རྣམས་སྔར་བླངས་པ་ལས་ཕྱིས་བྱིན་ལེན་མ་བྱེད་ཅིག །སྔར་བླངས་པ་ཕྱིས་བྱིན་ལེན་བྱས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་རྣམས་མེ་ཏོག་དང་། འབྲས་བུ་དང་། བཅའ་བ་དང་། གཞན་ཡང་བཟའ་བ་དང་། བཏུང་བ་འབྲིམ་པ་ལ་མཛུབ་མོས་བསྟན་ཅིང་འདི་བྱིན་ཅིག །འདི་དག་བྱིན་ཅིག་ཅེས་སྨྲ། དེ་ཡོངས་སུ་ཟོས་པ་དང་། བྲིམ་པ་མ་སྙོམས་པར་གྱུར་ནས། འདོད་ཆགས་དང་མ་བྲལ་
བའི་དགེ་སློང་ཁ་ཅིག་གིས་དཔྱས་པ་དང་། དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འཕྱ་བ་ནི་ཡུས་ཏེ། དེ་བས་ན་དགེ་སློང་གིས་མཛུབ་མོས་འདི་བྱིན་ཅིག །འདི་དག་བྱིན་ཅིག་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D7a
- 德格版页
- 136b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0739 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。