完整藏文原文 · 德格版页 当前仅加载第 13 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
ཚུལ་དུ་འདུག་གོ། །བསོད་སྙོམས་པས་ཀྱང་དེ་ལ་ནོར་ལས་བསོད་ནམས་བྱ་བའི་དངོས་པོ་བདུན་གྱི་ཡོན་ཏན་རྒྱས་པར་བརྗོད་པ་དང་། ཁྱིམ་བདག་གིས་འཕགས་པ་བདག་གིས་དེ་ཐམས་ཅད་བགྱིས་སོ་ཞེས་སྨྲས་པ་དང་། བསོད་སྙོམས་པས་ཁྱིམ་བདག་ཁྱོད་ཀྱི་གཙུག་ལག་
D7a.013.0163b01.01ཁང་ན་མལ་སྟན་དག་ཡོད་མེད་དེ། མདང་ང་ཡང་གདིང་བ་མེད་པར་སའི་སྟེང་ན་དེ་བཞིན་དུ་ཉལ་ཉལ་ཏེ་འདིར་འོངས་སོ། །ཁྱེད་ན་རེ་དེ་ཐམས་ཅད་བདག་གིས་དེ་བཞིན་དུ་བགྱིས་སོ་ཞེས་ཟེར་ན། འདི་ཅི་ཉེས་ཞེས་སྨྲས་པ་དང་། ཁྱིམ་བདག་གིས་འཕགས་པ་ཁོ་བོས་ནི་དེར་མལ་
D7a.013.0163b02.01སྟན་དང་སྣོད་སྤྱད་དང་། ཡོ་བྱད་རྣམས་མང་དུ་སྦྱར་ན་འཕགས་པ་དེ་དག་གིས་གཙུག་ལག་ཁང་གཞན་དུ་གདོན་མ་ཟོས་པར་བཏང་ངོ་ཞེས་སྨྲས་པ་དང་། དེས་ཁྱིམ་བདག་ཉིད་ཀྱིས་གཙུག་ལག་ཁང་གི་ལྡེ་མིག་ཀྱོག་པོ་དང་། ལྡེ་མིག་ངོ་ཤེས་སམ་ཞེས་སྨྲས་པ་དང་།
D7a.013.0163b03.01འཕགས་པ་ཤིན་ཏུ་འཚལ་ཏོ། །དེས་དེ་བསྟན་པ་དང་། དེས་འཕགས་པ་བཞུད་ཅིག་བདག་ཀྱང་མཆིའོ་ཞེས་སྨྲས་སོ། །དེས་བསོད་སྙོམས་བསོད་པ་དང་། ཁྱིམ་བདག་ཀྱང་རྗེས་བཞིན་དུ་འོངས་ནས། དེས་དགེ་སློང་རྣམས་བསྡུས་ནས་འཕགས་པ་བདག་གིས་འདིར་
D7a.013.0163b04.01མལ་སྟན་དང་། སྣོད་སྤྱད་དང་། ཡོ་བྱད་མང་དུ་ཕུལ་ན་དེ་དག་གར་མཆིས་ཞེས་སྨྲས་པ་དང་། དེས་ཇི་ལྟར་གྱུར་པ་དེ་དག་ཐམས་ཅད་ཁྱིམ་བདག་ལ་སྨྲས་པ་དང་། དེས་ཉེས་པ་ངོར་བརྗོད་དེ་སྨྲས་པ། ཁྱོད་ཀྱིས་མ་ལེགས་པར་བྱས་ཏེ། དེ་ཡང་དེར་བས་ན་ད་ཅི་སླར་བླང་
D7a.013.0163b05.01དུ་རུང་ངམ་འོན་ཏེ་མི་རུང་དེ་དག་གིས་སྨྲས་པ། མི་རུང་ངོ་། །འཕགས་པ་ཁོ་བོས་ནི་དེར་མ་ཕུལ་གྱིས་སོང་ལ་སླར་ལོང་ཤིག །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གཙུག་ལག་ཁང་གཞན་དུ་མ་
D7a.013.0163b06.01དབུལ་ཅིག །ཇི་ལྟར་དམིགས་པ་དེ་བཞིན་སྤྱད་པར་བྱའོ། །གཞན་དུ་ན་གང་གིས་བྱིན་པ་ལ་རིན་ཐང་བཞིན་དུ་ཕོབ་ཤིག །གླེང་གཞི་ནི་མཉན་དུ་ཡོད་པ་ན་སྟེ། དྲུག་སྡེ་རྣམས་འགྲོན་པ་མང་པོ་དང་ལྷན་ཅིག་ཏུ་གཞོངས་སྤྱད་པ་སྤྱོད་ཅིང་དོང་བ་དང་། དེ་དག་ཆོས་ཀྱིས་རྡུལ་
D7a.013.0163b07.01