完整藏文原文 · 德格版页 当前仅加载第 13 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
དག་ལ་ཕྱག་འཚལ་བ་ལས་ཕྱོགས་དེར་འོངས་པ་དང་། འཆག་པའི་གྲོགས་ཀྱི་དགེ་སློང་དེས་དེ་ལ་སྨྲས་པ། ཚེ་དང་ལྡན་པ་འདི་ལྟ་བུའི་དགེ་སློང་ཚུལ་ཁྲིམས་དང་ལྡན་པ་འདི་ལ་ཅིའི་ཕྱིར་བཟོད་པར་མ་བྱས། རྒན་པ་དེས་འདི་ནི་འདི་ལྟར་སྡིག་པའི་སེམས་
D7a.013.0142a01.01ཁྲོ་བ་ཅན་ཏེ། ལྟོས་ཤིག་དང་ད་ཡང་ཁྱོད་ལ་ཕྱག་བྱེད་ཀྱི་ང་ལ་མི་བྱེད་དོ་ཞེས་སྨྲས་པ་དང་། དེ་བཞིན་དེས་ཕྱག་བྱས་པ་དང་། དེས་སྨྲས་པ། ཚེ་དང་ལྡན་པ་ཁྱོད་ཀྱིས་སྡིག་པའི་སེམས་ཅན་དེ་མཐོང་ངམ། ཚེ་དང་ལྡན་པ་མཐོང་ངོ་། །དེ་ནས་དེས་དེ་ལ་ཚེ་དང་ལྡན་པ་བདག་
D7a.013.0142a02.01གིས་གཞན་དུ་ཐོས་ན་གཞན་དུ་མཐོང་སྟེ། ཁྱོད་ནི་ངོ་ཚ་ཞེས་འགྱོད་པ་ཅན་བསླབ་པ་ལ་མོས་པའོ་ཞེས་ཐོས་ན། ཁྱོད་ཅིའི་ཕྱིར་དེ་ལྟར་མ་ཡིན་ཞེས་སྨྲས་པ་དང་། དེས་བཙུན་པ་བདག་གིས་ཇི་ལྟར་བགྱི། ཚེ་དང་ལྡན་པ་དགེ་སློང་ཚུལ་ཁྲིམས་དང་ལྡན་པ་འདི་ལྟ་བུ་ལ་ཁྱོད་ཀྱིས་
D7a.013.0142a03.01ཅིའི་ཕྱིར་བཟོད་པ་མི་བྱ་ཞེས་སྨྲས་པ་དང་། དེས་ཇི་ལྟར་གྱུར་པ་རྒྱས་པར་སྨྲས་པ་དང་། དེ་འཕྱ་བར་གྱུར་ནས། དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏེ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་དགེ་སློང་དེ་འཕྱ་བ་ནི་ཡུས་ཀྱིས།
D7a.013.0142a04.01གང་རྣམ་པར་འཁོན་པ་དེ་བཟོད་པར་བྱའོ། །བཅོམ་ལྡན་འདས་ཀྱིས་གང་འཁོན་པ་དེ་བཟོད་པར་བྱའོ་ཞེས་གསུངས་པ་དང་། གཞན་ཞིག་གིས་བཟོད་པར་བྱས་ཀྱང་མ་བཟོད་ནས། བཅོམ་ལྡན་འདས་ཀྱིས་བཀའ་སྩལ་པ། གང་མི་སྤྱོད་པ་དེ་ཉེ་སྤྱོད་དུ་ཕྱིན་པ་དང་ཕྱག་བྱོས་ཤིག །དེས་
D7a.013.0142a05.01ཀྱང་ནད་མེད་ཅིག་ཅེས་སྨྲའམ་ཡང་ན་ཕྱག་བྱོས་ཤིག །དེ་ལྟར་མི་བྱེད་ན་གཉིས་ཀ་ལ་འདས་པ་དང་བཅས་པར་འགྱུར་རོ། །བཅོམ་ལྡན་འདས་ཀྱིས་འཁོན་པའི་དགེ་སློང་ལ་བཟོད་པར་བྱའོ་ཞེས་གསུངས་པ་དང་། དགེ་སློང་གཉིས་ཤིག་རྣམ་པར་གདོན་མི་ཟ་བའི་གཏམ་སྨྲ་
D7a.013.0142a06.01བ་ལས་འཁྲུགས་པ་དང་། མཚང་འདྲུ་བ་དང་། འཐབ་པ་དང་། རྩོད་པར་གྱུར་ཏེ། དེ་གཉིས་ལས་དགེ་སློང་གཞོན་པས་དགེ་སློང་རྒན་པ་ལ་ཚིག་དྲག་པོ་མི་སྙན་པས་བློང་ཞིང་ཁྲོས་ཏེ་སྨྲས་པ་དང་། རབ་ཏུ་ཁྲོས་ནས་གནས་ཁང་དུ་ཞུགས་ཏེ་སྒོ་བཅད་ནས་དེས་ངན་
D7a.013.0142a07.01