完整藏文原文 · 德格版页 当前仅加载第 13 函德格 165a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །གཞན་ཡང་དད་པར་གྱུར་པ་དག་གིས་དེ་ལ་འཕགས་པ་དག་ཅི་བདེ་བར་ཁྱེར་ཅིག་ཅེས་སྨྲས་པ་དང་། དགེ་སློང་དག་ཐེ་ཚོམ་དུ་གྱུར་ཏེ་མ་བླངས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་བདེ་བར་ལོང་ཤིག་ཅེས་ཟེར་ན་བླང་བར་
D7a.013.0165a01.01བྱ་སྟེ་དེ་ལ་ཐེ་ཚོམ་དུ་མ་བྱེད་ཅིག །རྐྱང་པའི་སྒོ་གཉིས་པའི་མདོའི་ཚིགས་སུ་བཅད་པ་དང་པོའོ།། །།འདུལ་བ་གཞུང་དམ་པ། བམ་པོ་བཞི་བཅུ་པ། མདོར་ན། གོས་ལ་སོགས་པ་ཤིང་བལ་དང་། །ལྷ་ཁང་ནས་འཕྲོག་དེ་བཞིན་ཏེ། །དགེ་འདུན་གྱི་ནི་ཆོས་
D7a.013.0165a02.01གོས་གསུམ། །གང་ཟག་དག་ལས་བསླང་མི་བྱ། །སངས་རྒྱས་བཅོམ་ལྡན་འདས་མཉན་དུ་ཡོད་པའི་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དྲུག་སྡེ་དག་བཞོན་པ་མང་པོའི་ཤིང་རྟ་དང་ལྷན་ཅིག་ལམ་དུ་ཞུགས་ནས་ལམ་གྱི་ཕྱེད་དུ་ཕྱིན་པ་དང་།
D7a.013.0165a03.01ཤིང་རྟ་གཅིག་གི་སྲོག་ཤིང་ཆག་ནས་ཚོང་པ་དེས་སྲོག་ཤིང་ཡང་བརྗེས་ནས་སྲོག་ཤིང་ཆག་པ་བོར་ཏེ་སོང་ངོ་། །ཉེ་དགའ་བོས་ཤིང་རྟའི་སྲོག་ཤིང་དེ་བླངས་ཏེ་ལམ་པོ་ཆེའི་བཞི་མདོར་བོར་ནས་སྨྲས་པ། དགའ་བོ་ཉེ་དགའ་བོ་འདི་ནི་བདག་ཅག་གིས་སྲོག་ཤིང་དབང་ཕྱུག་ཅེས་བྱ་བའི་
D7a.013.0165a04.01ལྷ་རྟེན་དུ་བཅའ་བའི་ཕྱིར་བཅུགས་སོ་ཞེས་བྱས་ཏེ་དོང་བ་ལས་ཁྱིམ་བདག་གཞན་དག་གིས་ཀྱང་དེར་སྟེགས་བུ་བརྩིགས་སོ། །གཞན་ཞིག་གིས་ཀྱང་དེ་ལ་གསོལ་བ་བཏབ་སྟེ། གལ་ཏེ་བདག་གིས་དོན་འདི་དང་འདི་ལྟ་བུ་ཞིག་གྲུབ་ན་བདག་གིས་འདིར་ཁང་པ་བརྩིགས་ལ་
D7a.013.0165a05.01བྲམ་ཟེ་བརྒྱ་རྩ་བརྒྱད་ལ་སྟོན་མོ་བྱའོ་ཞེས་སྨྲས་པ་ལས་དེ་ཡང་རྟེན་ཅིང་འབྲེལ་བར་འབྱུང་བ་དང་ལྡན་པས་དེའི་དེ་ཡང་གྲུབ་ནས་དེས་དེ་ཇི་ལྟར་དམ་བཅས་པ་ཐམས་ཅད་བསྒྲུབས་ནས་དེ་ལོག་པའི་ལྷ་ཁང་དུ་གྱུར་ཏེ་ལྷ་ཁང་པས་ཀྱང་བྱིན་གྱིས་བརླབས་སོ། །དེ་ནས་ཚོང་པ་འགྲོན་པ་
D7a.013.0165a06.01མང་པོ་དག་ཅིག་ལམ་དེར་ཞུགས་པ་དང་དེར་གོས་དང་། བལ་དང་། ཤིང་བལ་དག་མང་དུ་ཕུལ་ལོ། །དྲུག་སྡེ་དག་སླར་ལོག་པའི་ཚེ་ལྷ་ཁང་དེ་རབ་ཏུ་རྒྱས་པར་མཐོང་ནས་དེ་དག་གིས་སྨྲས་པ། དགའ་བོ་ཉེ་དགའ་བོ་ཤིང་རྟའི་སྲོག་ཤིང་དབང་ཕྱུག་གོས་དང་། བལ་དང་། ཤིང་
D7a.013.0165a07.01