完整藏文原文 · 德格版页 当前仅加载第 13 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
གཏོང་བ་ནི་ལྟུང་བར་འགྱུར་རོ། །གཞན་གྱིས་སྨྲས་ན་སྨྲས་པ་དེའི་རྐྱེན་གྱིས་གཞན་ལ་སླར་བཤགས་པར་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། དེ་འདི་ལྟར་དགེ་སློང་གང་གིས་གྲོང་དུ་མགྲོན་དུ་བོས་ཏེ་ཟས་ཟ་བའི་ཚེ་དེ་ན་
D7a.013.0219a01.01ཡང་དགེ་སློང་མ་ཞིག་བསྒོ་ཞིང་འདུག་སྟེ། འདི་ལ་འབྲས་བྱིན། འདི་ལ་སྲན་ཚོད་བྱིན། འདི་ལ་ཡང་བྱིན་ཞེས་ཟེར་བ་དེ་ལ་མ་བསྒོ་བར་ཟོས་ན་སླར་བཤགས་པར་འགྱུར་རོ། །གཞན་གྱིས་སྨྲས་ལ་དེའི་རྐྱེན་གྱིས་གཞན་ལ་ནོངས་པ་བགྱིས་སུ་འགྱུར་བ་མཆིས་སམ། བཅོམ་ལྡན་
D7a.013.0219a02.01འདས་ཀྱིས་བཀའ་སྩལ་པ། ཡོད་དེ། དེ་འདི་ལྟར་དགེ་སློང་གང་གིས་སོ་སོར་ཐར་པའི་མདོ་ཀློག་པའི་ཚེ་དགེ་འདུན་གྱི་ནང་དུ་ལན་གསུམ་གྱི་བར་དུ་བསྒྲགས་ཀྱང་ཉེས་པ་དྲན་བཞིན་དུ་སླར་མི་འཆགས་པ་ནི་ཉེས་བྱས་སུ་འགྱུར་རོ། །བཙུན་པ་བཅོམ་ལྡན་འདས་ཀྱིས་དགེ་སློང་མས་
D7a.013.0219a03.01བསླབ་པ་ཕུལ་ནས་སླར་དགེ་སློང་མའི་དངོས་པོར་བསྙེན་པར་རྫོགས་སུ་མི་རུང་སྟེ། དགེ་སློང་མ་གང་དག་གིས་སླར་རབ་ཏུ་ཕྱུང་ངམ་བསྙེན་པར་རྫོགས་པར་བྱས་ན་དེ་དག་ཉེས་པ་དང་བཅས་སོ་ཞེས་གསུངས་ན། དགེ་སློང་མས་བསླབ་པ་ཕུལ་ཏེ་བབས་པ་ལས་དེ་དེ་དག་གིས་རབ་ཏུ་
D7a.013.0219a04.01བྱུང་ཞིང་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཡང་ལགས་ལ། དེ་དག་ལ་ཡང་ནོངས་པར་མི་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། དེ་འདི་ལྟར་དགེ་སློང་མ་དེ་བསླབ་པ་ཕུལ་ཏེ་བབས་པ་ལས་དེའི་མཚན་འཕོས་ཏེ་མཚན་འཕོས་
D7a.013.0219a05.01པར་གྱུར་པ་དེ་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་ན་ཉེས་པར་མི་འགྱུར་རོ། །བཙུན་པ་བཅོམ་ལྡན་འདས་ཀྱིས་སྔར་འཁྲུགས་པ་དེ་རབ་ཏུ་མ་དབྱུང་ཤིག །བསྙེན་པར་རྫོགས་པར་མ་བྱེད་ཅིག་ཅེས་གསུངས་ན། སྔར་འཁྲུགས་པ་དེ་རབ་ཏུ་ཕྱུང་ལ་བསྙེན་པར་རྫོགས་པར་བགྱིས་ཀྱང་
D7a.013.0219a06.01བསྙེན་པར་རྫོགས་པར་ཡང་འགྱུར་ལ། ནོངས་པར་ཡང་མི་འགྱུར་བ་མཆིས་སམ། ཡོད་དེ། དེ་འདི་ལྟར་དགེ་སློང་མ་ཐུན་མོང་མ་ཡིན་པའི་ཕས་ཕམ་པའི་ཉེས་པ་བྱུང་ལ་དེས་བསླབ་པ་ཕུལ་ནས་བབས་པ་དང་དེའི་མཚན་འཕོས་ཏེ་མཚན་འཕོས་ནས་སྐྱེས་པར་གྱུར་པ་དེ་རབ་ཏུ་ཕྱུང་ཞིང་བསྙེན་པར་
D7a.013.0219a07.01