完整藏文原文 · 德格版页 当前仅加载第 13 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ནི་སྒོའི་ཐེམ་པ་བརྒྱ་རྒལ་ཞིང་དཀའ་བཞིན་དུ་ལྟོ་འགེངས་ཤིང་བསོད་སྙོམས་སྒྲུབ་ན་ཅིའི་ཕྱིར་ལྷུང་བཟེད་དང་ཆོས་གོས་འདོར་ཞེས་སྨྲ་བ་ན་དགེ་སློང་དག་ཀྱང་དེའི་མདུན་ནས་ཚུར་འོངས་པ་དང་། དེ་དག་གིས་དེ་དག་ལ་སྨྲས་པ། འཕགས་པ་བདག་ཅག་ཁྱིམ་པ་
D7a.013.0085b01.01ཁྱིམ་ན་གནས་ཏེ། ཐབས་རྣམ་པ་དུ་མས་ནོར་རྫས་བསྒྲུབས་ཀྱང་སྣོད་སྤྱད་དང་གོས་མི་འདོར་ན་ཁྱེད་ཅག་སྒོའི་ཐེམ་པ་བརྒྱ་རྒལ་ཞིང་དཀའ་བཞིན་དུ་ལྟོ་འགེངས་པའི་བསོད་སྙོམས་བསྒྲུབས་ཏེ། ལྷུང་བཟེད་དང་ཆོས་གོས་འདི་ག་ལས་འོང་ན་དེ་ཅིའི་ཕྱིར་ཁྱེད་
D7a.013.0085b02.01ཀྱིས་དགེ་སློང་འདིའི་ལྷུང་བཟེད་དང་ཆོས་གོས་སུ་བཅས་ཏེ་དུར་ཁྲོད་དུ་བོར་ཞེས་སྨྲས་པ་དང་། དེ་དག་གིས་བཅོམ་ལྡན་འདས་ཀྱིས་མ་གནང་ངོ་ཞེས་སྨྲས་པ་དང་། དེ་དག་ཅང་མི་ཟེར་བར་དོང་ངོ་། །དེ་ལྟར་གྱུར་པ་དགེ་སློང་དག་ལ་སྨྲས་པ་དང་། དགེ་སློང་དག་གིས་
D7a.013.0085b03.01བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། ལྷུང་བཟེད་དང་ཆོས་གོས་སུ་བཅས་ཏེ་མ་དོར་ཅིག །བཅོམ་ལྡན་འདས་ཀྱིས་ལྷུང་བཟེད་དང་ཆོས་གོས་སུ་བཅས་ཏེ་མ་དོར་ཅིག་ཅེས་གསུངས་པ་དང་། དགེ་སློང་དག་གིས་གཅེར་བུར་
D7a.013.0085b04.01བོར་ནས། བཅོམ་ལྡན་འདས་ཀྱིས་བཀའ་སྩལ་པ། གཅེར་བུར་མ་དོར་བར་སྨད་གཡོགས་དང་རྔུལ་གཟན་གྱིས་དཀྲིས་ཏེ་བོར་ཅིག །དེ་ནས་དགེ་སློང་དག་གིས་གོས་བཟང་པོ་དང་བོར་ནས་བཅོམ་ལྡན་འདས་ཀྱིས་བཟང་པོ་དང་མ་དོར་ཅིག་ཅེས་བཀའ་སྩལ་པ་དང་
D7a.013.0085b05.01དེ་དག་གིས་ངན་པ་དང་བོར་རོ། །བཅོམ་ལྡན་འདས་ཀྱིས་ངན་པ་ཡང་མ་དོར་བར་འབྲིང་པོ་དང་བོར་ཅིག་ཅེས་བཀའ་སྩལ་ཏོ། །བཅོམ་ལྡན་འདས་ཀྱིས་ལྷུང་བཟེད་དང་ཆོས་གོས་སུ་བཅས་ཏེ་མ་དོར་ཅིག་ཅེས་བཀའ་སྩལ་པ་དང་། དགེ་སློང་དག་གིས་ཇི་ལྟར་བྱ་
D7a.013.0085b06.01བ་མི་ཤེས་ནས། བཅོམ་ལྡན་འདས་ཀྱིས་དགེ་སློང་གང་ཕོངས་པ་དེ་ལ་བྱིན་ཅིག་ཅེས་བཀའ་སྩལ་ཏོ། །དྲུག་སྡེ་དག་རྟག་ཏུ་ཕོངས་པ་ལྟར་བྱེད་ནས། བཅོམ་ལྡན་འདས་ཀྱིས་དྲུག་སྡེ་དག་ལ་མ་སྦྱིན་པར་ཇི་ལྟར་རྒན་རིམས་བཞིན་དུ་བྱིན་ཅིག་ཅེས་བཀའ་སྩལ་པ་
D7a.013.0085b07.01