完整藏文原文 · 德格版页 当前仅加载第 13 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
ནོངས་པར་འགྱུར་བ་མཆིས་སམ། གསུངས་པ་ལས་བྱས་ན་ཉེས་པར་འགྱུར་བའི་ལས་དེ་ཉིད་བྱས་པ་ལས་ཉེས་པར་མི་འགྱུར་བ་ཡང་ཡོད་དོ། །ལས་གང་བྱས་པ་ལས་ཉེས་པར་འགྱུར་བའི་ལས་དེ་ཉིད་བྱས་ཀྱང་ཉེས་པར་མི་འགྱུར་བ་གང་ཞེ་ན། དགེ་སློང་རྣམས་ཀྱིས་
D7a.013.0204a01.01དགེ་སློང་མ་མཐོང་ངོ་ཞེས་ནས་སྤངས་པ་དང་། སླར་ལས་མི་བྱེད་པ་དང་། སྡིག་པ་ལ་ལྟ་བ་མི་གཏོང་སྟེ་སྤངས་པ་ལས་དེ་དག་དགེ་སློང་རྣམས་ལ་འབྱུང་བར་གསོལ། སྤུ་སྙོལ་བར་བྱེད་པ་ལས་མཚམས་ཀྱི་ཕྱི་རོལ་དུ་འབྱིན་ན་ཉེས་པར་འགྱུར་རོ། །ལས་དེ་ཉིད་བྱས་པ་ཉེས་པར་
D7a.013.0204a02.01མི་འགྱུར་བ་གང་ཞེ་ན། འདི་ལྟ་སྟེ། དགེ་སློང་རྣམས་ཀྱིས་དགེ་སློང་མ་མཐོང་ངོ་ཞེས་ནས་སྤངས་པ་དང་། སླར་ལས་མི་བྱེད་པ་དང་། སྡིག་པ་ལ་ལྟ་བ་མི་གཏོང་བ་སྤངས་པ་ལས་དེ་ཉིད་ཀྱིས་དགེ་སློང་རྣམས་ལ་འབྱུང་བར་གསོལ། སྤུ་སྙོལ་བར་བྱེད་ཐལ་མོ་སྦྱར་ཏེ་ཕྱག་
D7a.013.0204a03.01འཚལ་བར་སྟོན་པ་དེ་མཚམས་ཀྱི་ནང་ན་ཕྱུང་ན་ཉེས་པ་མེད་དོ། །དེ་ལྟར་ན་གང་ལས་བྱས་པ་ལས་ཉེས་པར་འགྱུར་བའི་ལས་དེ་ཉིད་བྱས་ཀྱང་ཉེས་པ་མེད་དོ། །ལས་དེ་འཚལ་ཀྱང་ནོངས་པར་ཡང་འགྱུར། ལས་དེ་ཉིད་འཚལ་ན་ནོངས་པར་མི་འགྱུར་བ་མཆིས་སམ། གསུངས་པ།
D7a.013.0204a04.01ལས་དེ་ཤེས་ལས་ཉེས་པར་འགྱུར་བ་དང་། ལས་དེ་ཉིད་ཤེས་ལ་ཉེས་པར་མི་འགྱུར་བ་ཡོད་དོ། །ཇི་ལྟར་ན་ལས་གང་འཚལ་ལ་ནོངས་པར་འགྱུར་ལ། ལས་དེ་ཉིད་འཚལ་ལ་ནོངས་པར་མི་འགྱུར་བ་ལགས། དེ་འདི་ལྟར་དགེ་སློང་རྣམས་ཀྱིས་དགེ་སློང་མ་མཐོང་ངོ་ཞེས་ནས་
D7a.013.0204a05.01སྤངས་པ་དང་། སླར་ལས་མི་བྱེད་པ་དང་། སྡིག་པ་ལས་ལྟ་བ་མི་གཏོང་བས་སྤངས་པ་དེ་དགེ་སློང་རྣམས་ལ་འབྱུང་བར་གསོལ། སྤུ་སྙོལ་བར་བྱེད། ཐལ་མོ་སྦྱར་ཏེ་ཕྱག་འཚལ་བར་སྟོན་པ་མཚམས་ཀྱི་ཕྱི་རོལ་དུ་ཕྱུང་ནས། དགེ་སློང་རྣམས་དེ་ལ་འདུས་པར་བྱེད།
D7a.013.0204a06.01ལྷན་ཅིག་གནས། གནས་ཁང་གཅིག་ན་ལྷན་ཅིག་ཏུ་ཉལ་བར་བྱེད་པ་དང་། དགེ་སློང་གཞན་དག་གིས་སྨྲས་པ། ཀྱེ་ཚེ་དང་ལྡན་པ་དག་དགེ་སློང་འདི་ནི་དགེ་འདུན་འདུས་པས་ཆོས་བཞིན་མ་མཐོང་ངོ་ཞེས་སྤངས་ན། དགེ་སློང་དེ་ལ་དགེ་སློང་རྣམས་རྗེས་སུ་འཇུག་གམ་ཞེས་སྨྲས་པ་དང་།
D7a.013.0204a07.01