完整藏文原文 · 德格版页 当前仅加载第 13 函德格 69b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་པ་དང་། བྱུང་བ་མ་རུང་བར་མ་གྱུར་པ་དང་། བཅས་པ་མ་རུང་བར་མ་གྱུར་པ་དང་། རྗེས་སུ་བཅས་པ་མ་རུང་བར་མ་གྱུར་པ་དང་། མི་གནང་བ་མ་རུང་བར་མ་གྱུར་པ་དང་། རྗེས་སུ་གནང་བ་མ་རུང་བར་མ་གྱུར་པ་དང་། རྒོལ་
D7a.013.0069b01.01བའི་དགེ་སློང་ལ་ཤིན་ཏུ་ཡི་དམ་འཆར་བཅུག་པ་དང་། ལན་གློན་པའི་དགེ་སློང་ལ་ཤིན་ཏུ་ཡི་དམ་འཆར་བཅུག་པ་དང་། མདོ་སྡེའི་ཚིག་རུང་བར་གྱུར་པ་དང་། འདུལ་བ་དང་མཐུན་པར་གྱུར་པ་དང་། ཆོས་ཀྱི་མིག་རྒྱས་པར་གྱུར་པ་དང་། ཇི་ལྟར་ཆོས་བཞིན།
D7a.013.0069b02.01ཇི་ལྟར་འདུལ་བ་བཞིན། ཇི་ལྟར་སྟོན་པས་བསྟན་པ་དེ་ལྟ་བུར་རྩོད་པ་དེ་ཞི་བ་ཡིན་ཏེ། ཨུ་པཱ་ལི་ཆོས་རྣམ་པ་འདི་བཅུ་དྲུག་དང་ལྡན་ན་རྩོད་པ་ཞི་བ་ལེགས་པར་ཞི་བ་ཡིན་ནོ། །ཨུ་པཱ་ལི་ཆོས་རྣམ་པ་འདི་ལྔ་དང་ལྡན་པས་རྩོད་པ་ཞི་ན་ལེགས་པར་ཞི་བ་ཡིན་ཏེ། ལྔ་གང་
D7a.013.0069b03.01ཞེ་ན། བསྒོས་ཏེ་ཞི་བར་བྱེད་པ་དང་། ཉེས་པ་བརྗོད་པ་དང་། ཆད་པའི་ལས་ཀྱིས་སྨ་མི་འབེབས་པ་དང་། རྣམ་པར་དག་པ་སྟོན་པ་དང་། དེས་དགེ་འདུན་ལ་གསོལ་བ་བྱས་པར་གྱུར་པ་སྟེ། ཨུ་པཱ་ལི་ཆོས་རྣམ་པ་འདི་ལྔ་དང་ལྡན་པས་རྩོད་པ་ཞི་བ་ལེགས་པར་ཞི་བ་
D7a.013.0069b04.01ཡིན་ནོ། །དེ་ལ་ཨུ་པཱ་ལི་གཟུ་བོ་འདུལ་བ་འཛིན་པས་རྣམ་པ་བཅུ་དྲུག་གིས་རྩོད་པ་ཞི་བར་བྱས་ན་བསོད་ནམས་མང་དུ་འཕེལ་བར་འགྱུར་ཏེ། བཅུ་དྲུག་གང་ཞེ་ན། དེས་བདག་ཉིད་ལ་བསོད་ནམས་ཀྱི་ཕུང་པོ་མང་པོས་བསྒོས་པར་གྱུར་པ་དང་། དེས་གཞན་ལ་
D7a.013.0069b05.01ཡང་བསོད་ནམས་ཀྱི་ཕུང་པོ་ཆེན་པོས་བསྒོས་པར་གྱུར་པ་དང་། རྒོལ་བ་དང་ཕྱིར་རྒོལ་བའི་དགེ་སློང་དག་གིས་ཉེས་པ་སྦྱངས་པར་གྱུར་པ་དང་། རྒོལ་བ་དང་ཕྱིར་རྒོལ་བ་དག་གི་ཉེས་པ་ཆོམས་པར་གྱུར་པ་དང་། ཕྱོགས་རྣམ་པ་བཞི་པའི་ཉོན་མོངས་པའི་རྒྱུད་རྣམས་ཞི་
D7a.013.0069b06.01བར་གྱུར་པ་དང་། དགེ་འདུན་བསྡུ་བའི་ཕྱིར་ཞུགས་པར་གྱུར་པ་དང་། དམ་པའི་ཆོས་གནས་པར་བྱ་བའི་ཕྱིར་ཆོས་ཀྱི་མིག་རྒྱས་པར་གྱུར་པ་དང་། ངོ་ཚ་བ་མེད་པའི་ཕྱོགས་རྣམས་ལ་ནན་ཐུར་བྱས་པར་གྱུར་པ་དང་། ངོ་ཚ་བའི་ཕྱོགས་རྣམས་ཡང་དག་པར་བསྡུས་པར་
D7a.013.0069b07.01