完整藏文原文 · 德格版页 当前仅加载第 13 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
བསྡིགས་པའི་ལས་སུ་རིགས་པ་ལ་སྤངས་ལ་འདུས་པར་ཡང་གྱུར་པ་སྟེ། དེ་ལྟར་ན་ཆོས་བཞིན་མ་ཡིན་པ་ལ་འདུས་པའོ། །ཆོས་བཞིན་མ་ཡིན་པ་དང་འདྲ་བ་ལ་མ་འདུས་པ་གང་ཞེ་ན། སྤང་བར་རིགས་པ་ལ་ཐོག་མར་རྗེས་སུ་བསྒྲགས་ཏེ། དེའི་འོག་ཏུ་གསོལ་བ་བྱས་ནས་སྤངས་
D7a.013.0230b01.01ན་དེ་ནི་ཆོས་བཞིན་མ་ཡིན་པ་དང་འདྲ་བ་ལ་མ་འདུས་པའོ། །ཆོས་བཞིན་མ་ཡིན་པ་དང་འདྲ་བ་ལ་འདུས་པ་གང་ཞེ་ན། སྤངས་པར་རིགས་པ་ལ་སྔར་རྗེས་སུ་བསྒྲགས་ཏེ། དེའི་འོག་ཏུ་གསོལ་བ་བྱས་ཏེ་སྤངས་ལ་འདུས་པར་ཡང་གྱུར་པ་སྟེ། དེ་ནི་ཆོས་བཞིན་མ་ཡིན་པ་དང་འདྲ་བ་
D7a.013.0230b02.01ལ་འདུས་པའོ། །ཆོས་བཞིན་དུ་མ་འདུས་པ་གང་ཞེ་ན། སྤངས་པར་རིགས་པ་སྤངས་ལ་མ་འདུས་པར་ཀྱང་གྱུར་པ་སྟེ། དེ་ནི་ཆོས་བཞིན་དུ་མ་འདུས་པའོ། །གཅིག་གིས་གཅིག་སྤངས་ན་ཉེས་བྱས་སུ་འགྱུར་རོ། །གཅིག་གིས་གཉིས་སམ་མང་པོ་སྤངས་ནས་བཞིའི་བར་དུ་
D7a.013.0230b03.01ནི་བསྐོར་ཅིང་བསྡུ་བར་བྱའོ། །བཞིས་བཞི་སྤངས་ན་དབྱེན་གྱི་འཁོར་དུ་གཏོགས་པའི་ཉེས་པ་སྦོམ་པོར་འགྱུར་རོ། །དགེ་འདུན་ཐམས་ཅད་གཉིད་ཀྱིས་ལོག་པ་ལ་དགེ་སློང་སྤངས་ན་སྤངས་པ་ཞེས་བགྱིའམ། དེ་སྟེ་གསོལ་བ་བྱས་ནས་ཉལ་ཏེ་སྤངས་ན་ནི་སྤང་བ་ཞེས་བྱའོ། །
D7a.013.0230b04.01དེ་སྟེ་སྔར་ཉལ་ལ་ཕྱིས་གསོལ་བ་བྱས་ན་སྤངས་པ་ཞེས་མི་བྱའོ། །ལས་གཞན་དུ་བསྒྲགས་ལ་གཞན་དུ་སྤངས་ན་སྤངས་པ་ཞེས་ནི་བྱ་སྟེ། དགེ་འདུན་ཐམས་ཅད་ཀྱིས་མི་ཤེས་ན་དབྱེན་གྱི་འཁོར་དུ་གཏོགས་པས་ལས་བྱེད་པ་ལ་ཉེས་པ་སྦོམ་པོར་འགྱུར་རོ། །དེ་སྟེ་དགེ་
D7a.013.0230b05.01འདུན་ཐམས་ཅད་ཀྱིས་ཤེས་ན་དགེ་འདུན་ཐམས་ཅད་འདས་པ་དང་བཅས་པའོ། །དགེ་སློང་བཞི་པས་ཉུང་བས་སྤངས་ན་སྤངས་པ་ཞེས་བགྱིའམ། ཨུ་པཱ་ལི་མ་ཡིན་ཏེ། ཁྱིམ་པ་ནས་དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བའི་བར་དུ་དེ་དག་གིས་གྲངས་
D7a.013.0230b06.01སུ་བསྐང་སྟེ། དགེ་སློང་སྤངས་ན་སྤངས་པ་ཞེས་མི་བྱའོ། །མདོར་ན། ལས་ལ་ཕྱིན་དང་བཟློག་པ་དང་། །ཉལ་བ་སྙོམས་པར་ཞུགས་པ་དང་། །དགེ་སློང་གཅིག་ལ་བསྒོ་བ་དང་། །ལྔ་པོས་སྤང་བར་མི་བྱའོ། །བཙུན་པ་བཅོམ་ལྡན་འདས་ཀྱིས་དགེ་སློང་ཇི་
D7a.013.0230b07.01