完整藏文原文 · 德格版页 当前仅加载第 13 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་མ་བྱེད་ཅིག་པར་ཚེ་དང་ལྡན་པ་ཁྱོད་ལ་གསོལ་ལོ། །འདྲི་བར་བྱེད་པ་གང་ཞེ་ན། ཚེ་དང་ལྡན་པ་ཁྱོད་ཀྱིས་དགེ་སྦྱོང་དུ་མི་འགྱུར་བ་ཅུང་ཟད་མ་བྱས་སམ་ཞེས་ཚེ་དང་ལྡན་པ་ཁྱོད་ལ་དྲིའོ། །བསྒོ་བ་གང་ཞེ་ན། ཚེ་དང་ལྡན་པ་ཁྱོད་ཀྱིས་དགེ་སྦྱོང་དུ་མི་འགྱུར་
D7a.013.0051a01.01བར་མ་བྱེད་ཅིག་ཅེས་ཁྱོད་ལ་བསྒོ་བར་བྱའོ། །ཁ་ཅིག་ལ་སྨྲ་བ་གང་ཞེ་ན། ཚེ་དང་ལྡན་པ་ཁྱོད་ཀྱིས་ཇི་ལྟར་ཁ་ཅིག་དགེ་སྦྱོང་བྱེད་དུ་མི་འགྱུར་བར་བྱེད་པ་དེ་ལྟར་མ་བྱེད་པར་བག་ཡོད་པར་བསྒྲུབ་པར་གྱིས་ཤིག །བརྗོད་པ་གང་ཞེ་ན། ཚེ་དང་ལྡན་པ་ཁྱོད་དགེ་སྦྱོང་དུ་མི་
D7a.013.0051a02.01འགྱུར་བར་མི་བྱ་བའི་ཕྱིར་ཡང་དང་ཡང་བརྗོད་དོ། །ཆོས་བཞིན་མ་ཡིན་པར་ཁས་ལེན་པ་ཡང་ལྔ་སྟེ། རྒྱལ་པོས་འཇིགས་ཏེ་ཁས་ལེན་པ་དང་། རྐུན་པོས་འཇིགས་ཏེ་ཁས་ལེན་པ་དང་། རིགས་པའི་གྲོང་གིས་འཇིགས་ཏེ་ཁས་ལེན་པ་དང་། ཆད་པས་འཇིགས་ཏེ་
D7a.013.0051a03.01ཁས་ལེན་པ་དང་། དགེ་སྦྱོང་ཉིད་ལ་ལྟོས་པ་མེད་པར་ཁས་ལེན་པའོ། །ཆོས་བཞིན་ཁས་ལེན་པ་ཡང་ལྔ་སྟེ། དཀར་པོའི་ཕྱོགས་སུ་རྣམ་པ་ལྔར་བཟློག་པར་བྱའོ། །ཆོས་བཞིན་མ་ཡིན་པར་ལྟ་བ་སྨྲ་བ་ལྔ་སྟེ། ལྷག་མ་མ་ལུས་པའི་དངོས་པོ་ལ་ལྟ་བ་སྨྲ་བ་དང་།
D7a.013.0051a04.01བཤགས་པའི་དངོས་པོ་ལ་ལྟ་བ་སྨྲ་བ་དང་། ཉེས་པ་གཞན་བྱུང་བར་གྱུར་པ་ལ་ཉེས་པའི་དངོས་པོ་ལ་ལྟ་བ་སྨྲ་བ་དང་། བཤགས་པར་མི་འོས་པའི་དངོས་པོ་ལ་ལྟ་བ་སྨྲ་བ་དང་། མི་ལྡང་བར་འདོད་པ་ལྟ་བ་སྨྲ་བའོ། །ཆོས་བཞིན་དུ་ལྟ་བར་སྨྲ་བ་ལྔ་ཡང་དཀར་པོའི་
D7a.013.0051a05.01དགེ་བ་དང་ཚུལ་ནས་བྱུང་བའོ། །སློབ་དཔོན་ལྔ་སྟེ། དགེ་ཚུལ་གྱི་སློབ་དཔོན་དང་། གསང་སྟེ་སྟོན་པ་དང་། ལས་བྱེད་པ་དང་། གནས་བཅའ་བ་དང་། ཀློག་པར་བྱེད་པའོ། །དགེ་ཚུལ་གྱི་སློབ་དཔོན་གང་ཞེ་ན། གང་གིས་དགེ་ཚུལ་གྱི་བསླབ་པའི་
D7a.013.0051a06.01གནས་བྱིན་པའོ། །གསང་སྟེ་སྟོན་པའི་སློབ་དཔོན་གང་ཞེ་ན། གང་གིས་བསྙེན་པར་རྫོགས་པའི་ཚེ་གསང་སྟེ་སྟོན་པའོ། །ལས་བྱེད་པའི་སློབ་དཔོན་གང་ཞེ་ན། གང་གིས་བསྙེན་པར་རྫོགས་པའི་ལས་བྱས་པའོ། །གནས་བཅའ་བའི་སློབ་དཔོན་གང་
D7a.013.0051a07.01