完整藏文原文 · 德格版页 当前仅加载第 13 函德格 134b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་བཀའ་སྩལ་པ། དགེ་སློང་རྣམས་ཁྱིམ་བདག་དེ་གཉིས་འཕྱ་བ་ནི་ཡུས་ཀྱིས། དེ་བས་ན་དགེ་སློང་རྣམས་ཀྱིས་དངོས་པོ་གང་ལ་ཡང་རིན་ཐང་མ་གཅོད་ཅིག །ཁྱིམ་པ་རྩོད་པའི་དྲུང་ན་མ་འདུག་ཤིག །དགེ་སློང་གང་གིས་དངོས་པོ་ལ་གང་ཡང་རིན་བཅད་དམ།
D7a.013.0134b01.01ཁྱིམ་པ་རྩོད་པའི་དྲུང་ན་འདུག་ན་འདས་པ་དང་བཅས་པར་འགྱུར་རོ། །བཅོམ་ལྡན་འདས་ཀྱིས་དངོས་པོ་གང་ལ་ཡང་དགེ་སློང་གིས་རིན་ཐང་མ་གཅོད་ཅིག་ཅེས་གསུངས་ན། དགེ་སློང་གིས་ཆོས་གོས་དང་། གོས་ཉོ་བར་འདོད་པའི་ཕྱིར་ཚོང་དུས་སུ་སོང་སྟེ། དེར་ཁྱིམ་པ་དང་ལྷན་
D7a.013.0134b02.01ཅིག་ཏུ་ཀཱར་ཥཱ་པ་ཎའམ། པ་ཎ་གཅིག་གམ། པ་ཎ་བཞིའམ། བཞི་ཆའི་ཕྱེད་དམ། བཞི་ཆའི་ཕྱེད་ཀྱི་ཕྱེད་བསྐྱོད་པ་དང་། དེས་ཁྲོས་ཏེ་འཕགས་པ་བདག་ཅག་ནི་སྤོགས་པ་ཡིན་ན། ཁྱེད་ཅག་ཀྱང་ལྷག་པར་སྤོགས་བྱེད་པ་ཆེན་པོའོ་ཞེས་སྨྲས་པ་དང་། དེ་ལྟར་གྱུར་པ་དགེ་སློང་
D7a.013.0134b03.01དག་གིས་བཅོམ་ལྡན་འདས་ལ་གསོལ་ཏེ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་དེ་དག་དེ་སྐད་ཟེར་བ་ནི་ཡུས་ཀྱིས། དེ་ལྟ་བས་ན་དགེ་སློང་རང་གིས་ཉོ་བར་མ་བྱེད་ཅིག་བཅོམ་ལྡན་འདས་ཀྱིས་དགེ་སློང་རང་གིས་ཉོ་བར་མ་བྱེད་ཅིག་ཅེས་གསུངས་པ་དང་། དགེ་སློང་
D7a.013.0134b04.01རྣམས་ཀྱིས་ཇི་ལྟར་ཉོ་བར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། གཙུག་ལག་ཁང་ན་གནས་པའི་དགེ་བསྙེན་ཕ་ལ་ཚོལ་ཅིག །གཙུག་ལག་ཁང་ན་གནས་པའམ། དགེ་བསྙེན་དད་པ་མེད་ལ་ངེས་པར་ཉོ་བར་འདོད་པར་གྱུར་ན། གཏན་ལ་བབ་པའི་ཚིག་ལན་
D7a.013.0134b05.01གཉིས་ལན་གསུམ་དུ་སྨྲ་བར་བྱ་སྟེ། ཀཱར་ཥཱ་པ་ཎ་ལ་སོགས་པའི་ཚུལ་གྱིས་བསྐྱེད་པར་མི་བྱའོ། །དགེ་སློང་གིས་ཉོ་བར་འདོད་ཀྱང་རུང་ཉོ་བར་མི་འདོད་ཀྱང་རུང་སྟེ། ཀཱར་ཥཱ་པ་ཎ་ལ་སོགས་པའི་ཚུལ་གྱིས་ཚིག་ལན་གཉིས་ལན་གསུམ་དུ་འདས་པར་བསྐྱེད་ཅིང་སྨྲ་ན་འདས་པ་དང་བཅས་
D7a.013.0134b06.01པར་འགྱུར་རོ། །སངས་རྒྱས་དང་། ཆོས་དང་། དགེ་འདུན་གྱི་ཕྱིར་རིན་ཐང་བསྐྱེད་ཀྱང་ཉེས་པ་མེད་དོ། །གླེང་གཞིའི་སྒོ་བཞི་པའི་མདོའི་ཚིགས་སུ་བཅད་པ་བརྒྱད་པའོ།། །།མདོར་ན། རྩ་བས་འཚོ་བ་ལས་པར་མི་བྱ་སྟེ། །རྣམ་པ་བཞི་ནི་མི་བགོ་སྟེ། །བསྲུང་བ་དང་ཡང་
D7a.013.0134b07.01