完整藏文原文 · 德格版页 当前仅加载第 13 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་བསྟན་ཅིང་བཟའ་བར་མི་བྱའོ། །དགེ་སློང་གིས་མཛུབ་མོས་འདི་བྱིན་ཅིག་འདི་དག་བྱིན་ཅིག་ཅེས་བསྟན་ཅིང་ཟོས་ན་འདས་པ་དང་བཅས་པར་འགྱུར་རོ། །བཏུང་བ་མེད་པ་ནི་དྲོད་ཆུང་བས་སྨིན་པ་འདོད་པ་དང་། དྲོད་ཆེ་བས་མ་སྨིན་པ་འདོད་པའོ། །
D7a.013.0137a01.01གླེང་གཞི་ནི་མཉན་དུ་ཡོད་པ་ན་སྟེ། དྲུག་སྡེ་རྣམས་ལྗོངས་སྤྱད་པ་སྤྱོད་པ་ན་རི་བྲགས་ཀྱི་གྲོང་གཞན་ཞིག་གི་གཙུག་ལག་ཁང་ཞིག་ཏུ་ཕྱིན་ན་དེའི་དགེ་སློང་དག་ཉིན་པར་སྤྱོད་པའི་ཕྱིར་དོང་སྟེ། གཙུག་ལག་ཁང་དེ་སྟོང་པར་ལུས་པ་དང་། དྲུག་སྡེ་པོ་རྣམས་དགའ་བོ་དང་ཉེ་
D7a.013.0137a02.01དགའ་བོ་གཙུག་ལག་ཁང་སྟོང་པ་མཚམས་མ་བཅད་པ་འདིར་བདག་ཅག་རྣམས་ཀྱིས་འདིར་གནས་ན་ཇི་ལྟར་གནས་པར་བྱ། མཚམས་བཅད་ཀྱིས་ཚུར་ཤོག་ཅེས་སྨྲས་ནས། དེ་དག་གིས་ལེགས་ཀྱིས་དེ་བཞིན་དུ་བྱའོ་ཞེས་སྨྲས་ནས། དེ་དག་གིས་མཚམས་བཅད་མ་
D7a.013.0137a03.01ཐག་ཏུ་སྔ་ན་གནས་པའི་དགེ་སློང་དག་ལྷགས་པ་དང་། དྲུག་སྡེ་པོ་རྣམས་ཀྱིས་དེ་ལ་ངལ་སོ་ཤིག་ཅེས་བྱས་ན། དེ་དག་གིས་སྨྲས་པ། ཚེ་དང་ལྡན་པ་རྣམས་འདི་ལྟར་ཁྱེད་ཅག་ནི་གློ་བུར་དུ་ལྷགས་པའོ། །ངེད་ནི་སྔ་ནས་གནས་པས་ན་ཁྱེད་ཅག་ལ་བདག་ཅག་གིས་ངལ་སོ་
D7a.013.0137a04.01ཤིག་ཅེས་བྱ་བའི་རིགས་སོ་ཞེས་པ་དང་། དྲུག་སྡེ་པོ་རྣམས་ཀྱིས་སྨྲས་པ། ཚེ་དང་ལྡན་པ་དག་བདག་ཅག་གིས་ཀྱང་མཚམས་བཅད་དོ། །དེ་དག་གིས་སྨྲས་པ། བདག་ཅག་གིས་ཀྱང་སྔར་མཚམས་བཅད་དོ་ཞེས་སྨྲས་ནས། དགེ་སློང་དེ་དག་ཅི་མཚམས་སྔ་མ་བརྩན་
D7a.013.0137a05.01ནམ། འོན་ཏེ་ཕྱི་མ་བརྩན་ཞེས་ཏེ་ཐེ་ཚོམ་སྐྱེས་པ་དང་། དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གློ་བུར་བ་རྣམས་གཙུག་ལག་ཁང་དུ་ཞུགས་མ་ཐག་ཏུ་སྟོང་པར་མཐོང་ན་ཡང་མཚམས་
D7a.013.0137a06.01གཅད་པར་མི་བྱའོ། །ལམ་གྱིས་ངལ་བསོ་སྟེ་ཤིན་ཏུ་བརྟགས་ནས་སྔ་ན་གནས་པ་མེད་ན་གདོད་མཚམས་གཅད་པར་བྱའོ། །གཞན་དུ་ན་གཅད་པར་མི་བྱའོ། །གླེང་གཞི་ནི་མཉན་དུ་ཡོད་པ་ན་སྟེ། ཛེ་ཏའི་ཚལ་གྱི་སྒོར་ཁྱིམ་པ་གཉིས་ཤིག་ཐབ་མོ་བྱུང་སྟེ། དེ་ན་དགེ་སློང་
D7a.013.0137a07.01