完整藏文原文 · 德格版页 当前仅加载第 13 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། དེས་དེའི་སྟན་རྐང་པ་དང་། བརླ་དང་། བྱིན་པ་དང་། རྐེད་པ་དང་། རྩིབ་ལོགས་དང་། རྒྱབ་དང་། ལག་པ་དང་། ཕྲག་པ་དང་། མགོ་རྣམས་ཀྱིས་ཕུལ་ན་ཐམས་ཅད་ཉེས་བྱས་སུ་འགྱུར་རོ། །མདོར་ན། འཆར་ཀ་བདེ་དང་འདུ་ཤེས་དང་། །
D7a.013.0017b01.01བུང་བུ་གནས་ངན་ལེན་པ་དང་། །སྲིང་མོ་སྤྱོད་པ་ངན་པར་བཅས། །ཁོ་བོས་མཐོང་དང་ཁྱོད་ཀྱི་མདུན། །དེ་དང་དེ་སྟེ་དེ་ཡིད་མགུ། །བསླབ་པའི་གནས་མ་བཅས་པ་ལས་དང་པོ་ལ་ཉེས་པ་མེད་པ་ན། ཚེ་དང་ལྡན་པ་འཆར་ཀས་འདི་ལྟར་བདག་གིས་བུད་མེད་
D7a.013.0017b02.01མང་ཞིག་ལ་གནས་ངན་ལེན་གྱི་ཚིག་སྨྲས་ན། བདག་གི་ལས་དང་པོ་གང་ཡིན་སྙམ་ནས་ཐེ་ཚོམ་དུ་གྱུར་པ་ནི་རྒྱས་པར་རོ། །དེས་དེ་ལྟར་གྱུར་པ་དགེ་སློང་རྣམས་ལ་སྨྲས་པ་དང་། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་
D7a.013.0017b03.01ཀྱིས་བཀའ་སྩལ་པ། བསླབ་པའི་གནས་མ་བཅས་པ་ན་འཆར་ཀ་འདས་པ་དང་བཅས་པ་ནི་ཐམས་ཅད་ལས་དང་པོ་པ་སྟེ། ལས་དང་པོ་པ་ལ་ནི་ཉེས་པ་མེད་དོ། །དགེ་སློང་ཞིག་གིས་མིའི་བུད་མེད་ལ་མི་མ་ཡིན་པར་འདུ་ཤེས་ཏེ་གནས་ངན་ལེན་གྱི་ཚིག་སྨྲས་སོ། །དགེ་
D7a.013.0017b04.01སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། མི་ལ་མིར་འདུ་ཤེས་ན་ནི་དགེ་འདུན་གྱི་ལྷག་མར་འགྱུར་རོ། །རྒྱས་པར་ནི་དྲི་བར་བྱའོ། །རྫུ་འཕྲུལ་དང་ཆོ་འཕྲུལ་གྱི་ཆོས་སུ་སྨྲ་ན་ནི་ཉེས་པ་སྦོམ་པོར་འགྱུར་རོ། །ཆོ་འཕྲུལ་མེད་པའི་ཆོས་སུ་སྨྲ་ན་ནི་དགེ་
D7a.013.0017b05.01འདུན་གྱི་ལྷག་མར་འགྱུར་རོ། །དགེ་སློང་ཞིག་བུད་མེད་ཅིག་གི་དྲུང་དུ་སོང་ནས་འདི་སྐད་དུ་སྲིང་མོ་རྒྱ་རྣ་རུ་ཞིག་བྱིན་ཅིག་ཅེས་སྨྲས་པ་དང་། འཕགས་པ་(ཁྱད་,ཁྱོད་)ལ་རྒྱ་རྣ་རུ་ཅི་ཞིག་བགྱི། མོས་གོ་ནས་འཕགས་པ་རྒྱ་རྣ་རུ་སྟ་གོན་བགྱིས་ལགས་སོ། །ཞེས་སྨྲས་པ་དང་། དགེ་སློང་
D7a.013.0017b06.01དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་སྦོམ་པོར་འགྱུར་རོ། །དགེ་སློང་ཞིག་གྲོང་དུ་བསོད་སྙོམས་ལ་སྤྱོད་པ་ན་བུད་མེད་ཅིག་འགྲོང་གདངས་ཏེ་འདུག་ནས་འཕགས་པ་འདི་བཞིན་མཛོད་ཅེས་སྨྲས་པ་དང་། ཁྱོད་ཀྱི་ལུས་སྐལ་བ་འདི་ལྟ་བུ་
D7a.013.0017b07.01