完整藏文原文 · 德格版页 当前仅加载第 13 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་བཞིན་དུ་སླར་བྱེད་པ་དེ་ནི་ཉེས་པ་སླར་ལས་བྱ་བའོ། །ཉེས་པ་སླར་ལས་མི་བྱ་བ་གང་ཞེ་ན། དགེ་སློང་གང་ཆོས་བཞི་པ་ཡང་མེད། ཆོས་ལྔ་པ་ཡང་མེད་ལ་ནང་དུ་དྲན་པ་ཉེ་བར་བཞག་ཅིང་དད་པས་ཉེས་པ་ཇི་ལྟར་ཆོས་བཞིན་དུ་སླར་མི་བྱེད་པ་དེ་ནི་ཉེས་པ་སླར་ལས་མི་བྱ་བ་ཞེས་བྱའོ། །
D7a.013.0243b01.01ཉེས་པ་བསླང་བ་གང་ཞེ་ན། རྣམ་པ་གཅིག་གིས་ན་ཉེས་པ་ཐམས་ཅད་བསྡུས་པར་འགྱུར་ཏེ་དེ་ནི་སྡོམ་པའོ། །རྣམ་པ་གཅིག་གིས་ན་ཉེས་པ་ཐམས་ཅད་མ་བསྡུས་པར་གྱུར་ཏེ། དེ་ནི་སྡོམ་པ་མེད་པའོ། །དེ་ནི་ཉེས་པ་བསླང་བ་ཞེས་བྱའོ། །གླེང་བ་གང་ཞེ་ན། དེ་འདི་ལྟར་དགེ་སློང་དེ་འདི་
D7a.013.0243b02.01སྐད་དུ་ཚེ་དང་ལྡན་པ་ཁྱོད་ལ་འདི་དང་འདི་ལྟ་བུའི་ཉེས་པ་བྱུང་བ་དེ་སླར་མཐོལ་ཅིག །ཤོགས་ཤིག །ཇི་ལྟར་ཆོས་བཞིན་དུ་སླར་བྱོས་ཤིག་ཅེས་སྨྲ་བ་དེ་ནི་གླེང་བའོ། །དྲན་པར་བྱེད་པ་གང་ཞེ་ན། འདི་ལྟ་སྟེ་དགེ་སློང་དེས་དགེ་སློང་ལ་འདི་སྐད་དུ་ཚེ་དང་ལྡན་པ་འདི་དང་འདི་ལྟ་བུའི་ཉེས་པ་
D7a.013.0243b03.01བྱུང་བ་མི་དྲན་ནམ་ཞེས་སྨྲས་པ་དེ་ནི་དྲན་པར་བྱེད་པའོ། །ཚིག་དང་བཅས་པའི་ལས་གང་ཞེ་ན། གང་ཚིག་དང་བཅས་པའི་ལས་སོ། །དེ་ཡང་གང་ཞེ་ན། དེ་འདི་ལྟར་དགེ་སློང་གིས་དགེ་སློང་ལ་ཚིག་དང་བཅས་པས་ཚེ་དང་ལྡན་པ་ལ་རྨ་བ་ཞིག་ཡོད་ཀྱིས་ཁྱོད་གནས་འདི་ནས་ང་ལ་མ་སྦྲན་
D7a.013.0243b04.01གྱི་བར་དུ་མ་འགྲོ་ཤིག །ཚེ་དང་ལྡན་པ་ཁྱོད་ང་དང་ལྷན་ཅིག་ཏུ་བརྩད་པ་ཞིག་ཡོད་དོ་ཞེས་སྨྲས་པ་ནི་ཚིག་དང་བཅས་པའི་ལས་ཞེས་བྱའོ། །ཚིག་འཇེབས་པའི་ལས་གང་ཞེ་ན། ཚིག་འཇེབས་པའི་ལས་རྣམ་པ་ལྔ་སྟེ། གང་ཟག་གི་སྐབས་ཕྱེ་བ་ལ་འདི་སྐད་ཅེས་ཟེར་ཏེ། ཁྱོད་ཀྱི་
D7a.013.0243b05.01དངོས་པོ་དེ་འདི་ལྟ་བུ་ཞིག་སྨྲས་པའོ་ཞེས་ཚིག་འཇེབས་པར་བྱེད་པ་དང་། ཁྱོད་ཀྱི་དངོས་པོ་དེ་འདི་ལྟ་བུའི་གནས་དེར་སྨྲའོ་ཞེས་ཚིག་འཇེབས་པར་བྱེད་པ་དང་། ཁྱོད་ཀྱི་དངོས་པོ་དེ་གནས་འདིར་སྨྲའོ་ཞེས་ཚིག་འཇེབས་པར་བྱེད་པ་དང་། ཁྱོད་ཀྱི་དངོས་པོ་དང་གང་དུ་དགའ་བ་དེར་སྨྲའོ། །
D7a.013.0243b06.01ཞེས་ཚིག་འཇེབས་པར་བྱེད་པ་དང་། མི་སྨོས་པར་བྱེད། དེ་ལ་ཉེས་པ་སྐྱེད། ཉེས་པ་སྟོན། ཚིག་འཇེབས་པ་དང་། ཚིག་གསོབ་ཏུ་བྱས་ནས་གཏོང་བའོ། །འདི་ལྟ་སྟེ་དཔེར་ན། ཁ་ལོ་སྒྱུར་བས་གང་དེའི་རྟ་མ་རུངས་པ་འདུལ་བའི་གནས་སུ་འགྲོ་བར་མི་བཏུབ་པ་དེ་ལ་ཁ་ལོ་སྒྱུར་བ་དེ་ཉིད་ཀྱིས་
D7a.013.0243b07.01