完整藏文原文 · 德格版页 当前仅加载第 13 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི་མིག་སྨན་གྱི་སྣོད་དང་རབ་ཏུ་ལྡན་པ་ཞེས་བྱའོ། །གཏུན་དང་རབ་ཏུ་ལྡན་པ་གང་ཞེ་ན། བཅོམ་ལྡན་འདས་ཀྱིས་དགེ་སློང་རྣམས་ལ་སྨན་འཐག་པའི་ཕྱིར་གཏུན་དང་གཏུན་བུ་གནང་བ་དེ་ནི་གཏུན་གྱི་རབ་ཏུ་ལྡན་པ་ཞེས་བྱའོ། །ཉལ་བ་དང་རབ་ཏུ་ལྡན་པ་གང་ཞེ་ན། དགེ་
D7a.013.0275a01.01སློང་རྣམས་ཉིན་པར་མི་ཉལ། མེ་མར་འབར་བ་ལ་ཡང་མ་ཡིན། དེ་སྟེ་སྟུར་བ་ཅན་ཞིག་ཡིན་ན་ནི་ལངས་ཏེ་བཅག་པར་བྱ། དེ་སྟེ་མི་ནུས་ན་གཞན་དུ་འགྲོ་བར་བྱའོ། །དེའི་རྐྱེན་གྱིས་གཞན་ལ་ཡང་མི་གནོད་པར་བྱ་བ་དེ་ནི་ཉལ་བ་དང་རབ་ཏུ་ལྡན་པ་ཞེས་བྱའོ། །འདུག་པའི་
D7a.013.0275a02.01རབ་ཏུ་ལྡན་པ་གང་ཞེ་ན། ཉིན་པར་འཆག་གམ། འདུག་པའི་ཚེ་སྒྲིབ་པའི་ཆོས་རྣམས་སེམས་ལ་ཡོངས་སུ་སྦྱང་བར་བྱའོ། །ཉིན་པར་འཆག་ཅིང་འདུག་པའི་ཚེ་སྒྲིབ་པའི་ཆོས་རྣམས་སེམས་ལ་ཡོངས་སུ་སྦྱངས་ནས་མཚན་མོ་མེལ་ཚེ་དང་པོ་ལ་འཆག་ཅིང་འགྲོ་བའི་ཚེ་ཡང་
D7a.013.0275a03.01སྒྲིབ་པའི་ཆོས་རྣམས་སེམས་ལ་ཡོངས་སུ་སྦྱང་བར་བྱ། མེལ་ཚེ་དང་པོའི་ཚེ་འཆག་ཅིང་འགྲོ་བ་ན་སྒྲིབ་པའི་ཆོས་རྣམས་སེམས་ལ་ཡོངས་སུ་སྦྱངས་ནས་མཚན་མོ་མེལ་ཚེ་བར་མའི་ཚེ་གཙུག་ལག་ཁང་གི་ཕྱི་རོལ་དུ་བྱུང་སྟེ་རྐང་པ་བཀྲུས་ནས་གནས་ཁང་དུ་ཞུགས་ཏེ་བླ་གོས་བཞི་
D7a.013.0275a04.01ལྟབ་ཏུ་བལྟབ་སྟེ་བཏིང་། སྦྱར་མ་སྟུག་པོར་བལྟབ་སྟེ་སྔས་སུ་བཅུག་ལ་གཡས་ཕྱོགས་ཀྱིས་ཉལ་བར་བྱ་སྟེ། རྐང་པ་ལ་རྐང་པས་མནན་ཏེ་ཡན་ལག་མི་དབྲལ་བ་དང་། སེམས་མི་གཡེང་བ་དང་། གོས་མ་གྱེས་པ་དང་། གནང་བར་འདུ་ཤེས་པ་དང་དྲན་ཞིང་ཤེས་པ་དང་ལྡང་
D7a.013.0275a05.01བའི་འདུ་ཤེས་ཡིད་ལ་བྱ་སྟེ། ཐོ་རངས་མྱུར་ཞིང་རིངས་པར་ལངས་ཏེ་འཆག་གམ་འདུག་པའི་ཚེ་སྒྲིབ་པའི་ཆོས་རྣམས་སེམས་ལ་ཡོངས་སུ་སྦྱོང་བའི་དེ་ནི་འདུག་པའི་རབ་ཏུ་ལྡན་པ་ཞེས་བྱའོ། །པུས་འཁྱུད་ཀྱི་རབ་ཏུ་ལྡན་པ་གང་ཞེ་ན། བཅོམ་ལྡན་འདས་ཀྱིས་དགེ་སློང་རྣམས་ལ་ན་བ་
D7a.013.0275a06.01དང་རྒྱབ་ན་བའི་ཕྱིར་ཇི་ལྟར་ཚེ་དང་ལྡན་པ་ཤཱ་རིའི་བུ་ལ་པུས་འཁྱུད་གནང་བ་བཞིན་ཏེ། དགེ་སློང་གིས་པུས་འཁྱུད་རི་མོ་ཅན་བརྒྱན་པའི་ཕྱིར་མི་བཅང་བར་བྱ་སྟེ། དེ་ནི་པུས་འཁྱུད་ཀྱི་རབ་ཏུ་ལྡན་པ་ཞེས་བྱའོ། །བརྡུང་ཤིང་གི་རབ་ཏུ་ལྡན་པ་གང་ཞེ་ན། བཅོམ་ལྡན་འདས་ཀྱིས་དགེ་སློང་ལ་
D7a.013.0275a07.01