完整藏文原文 · 德格版页 当前仅加载第 13 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་བཀའ་སྩལ་པ། ལྷུང་བཟེད་དང་ཆོས་གོས་ཞོག་ལ་རྐང་པའི་རྡུལ་ཕྱིས་ཆུ་སྣོད་ལོང་ལ་གདོད་གནས་ཆོས་ཤིག །དགེ་སློང་དེ་དག་སུ་ལས་ཀྱང་རུང་གནས་བབ་བབ་ཏུ་བཅའ་བ་དང་། དགེ་བའི་ཆོས་ཡལ་བར་གྱུར་ནས་དེ་ལྟར་གྱུར་པ་དགེ་སློང་དག་གིས་བཅོམ་ལྡན་
D7a.013.0267b01.01འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གནས་འཆའ་བའི་དགེ་སློང་གིས་གནས་འཆའ་བར་འདོད་ན་རིང་ཐབས་བབ་བབ་ཏུ་གནས་མ་འཆའ་བར་ཞག་གསུམ་གྱི་བར་དུ་བསམ་པ་ཤིན་ཏུ་སོམས། བརྟག་པ་ཤིན་ཏུ་རྟོགས། དཔྱད་པ་ཤིན་ཏུ་དཔྱད་ནས་
D7a.013.0267b02.01གདོད་གནས་བཅའ་བར་བྱའོ། །གང་ལས་གནས་འཆའ་བར་འདོད་པ་དགེ་སློང་དེའི་སྤྱོད་པ་ཅི་འདྲ་བ་དང་། འཁོར་ཅི་འདྲ་བ་དང་། དེའི་གཉིས་པོ་ཕྱི་བཞིན་འབྲང་བའི་གྲོགས་རྣམས་ཅི་འདྲ་བ་དང་། ལུང་བསྒོའམ་མི་བསྒོ་བ་དང་། རྗེས་སུ་སྟོན་ནམ་མི་སྟོན་པ་དྲིས་ཤིག །
D7a.013.0267b03.01བདག་དགེ་སློང་དེ་ལ་འཇིགས་པ་དང་རིམ་གྲོ་བཀུར་སྟི་བྱེད་པར་འགྱུར་རམ་མི་འགྱུར། དགེ་བའི་ཆོས་རྣམས་སྐྱེའམ། དེ་སྟེ་འགྲིབ་པར་འགྱུར་ཞེས་བསམ་པ་ཤིན་ཏུ་སོམས། བརྟག་པ་ཤིན་ཏུ་རྟོགས། དཔྱད་པ་ཤིན་ཏུ་དཔྱོད་ལ། གདོད་གནས་ཆོས་ཤིག །གནས་སྦྱིན་
D7a.013.0267b04.01པའི་དགེ་སློང་གིས་ཀྱང་གནས་སྦྱིན་པར་འདོད་ན། གང་ལའང་རུང་རིངས་པར་བབ་བབ་ཏུ་མ་སྦྱིན་པར་ཞག་གསུམ་གྱི་བར་དུ་ཤིན་ཏུ་སོམས། བརྟག་པ་ཤིན་ཏུ་རྟོགས། དཔྱད་པ་ཤིན་ཏུ་དཔྱོད་ལ་གདོད་གནས་བྱིན་ཅིག །གང་ལ་གནས་སྦྱིན་པར་འདོད་པའི་དགེ་སློང་དེའི་སྤྱོད་པ་ཅི་
D7a.013.0267b05.01འདྲ་བ་དང་། དེའི་སྤྱོད་ལམ་ཅི་འདྲ་བ་དང་། ཀུན་ཏུ་སྤྱོད་པ་ཅི་འདྲ་བ་དྲིས་ཤིག །དགེ་སློང་དེ་བདག་ལ་འཇིགས་པ་དང་། རིམ་གྲོ་བཀུར་སྟི་བྱེད་པ་དང་། དགེ་བའི་ཆོས་སྐྱེ་བར་འགྱུར་རམ། དེ་སྟེ་འགྲིབ་པར་འགྱུར། དགེ་སློང་དེ་བདག་ལ་འཇིགས་པར་འགྱུར་རམ་
D7a.013.0267b06.01མི་འགྱུར། མོས་ཤིང་བཀུར་སྟི་དང་དགེ་བའི་ཆོས་འཕེལ་ལམ་མི་འཕེལ་ཤིན་ཏུ་བསམས་པ་བསམས། བརྟག་པ་ཤིན་ཏུ་བརྟགས། དཔྱད་པ་ཤིན་ཏུ་དཔྱོད་ལ་དེ་སྟེ་སེམས་མགུ་བར་བྱེད་ན་གདོད་དེ་ལ་གནས་བྱིན་ཅིག །དེ་ནི་གནས་འཆའ་བའི་རབ་ཏུ་ལྡན་པ་ཞེས་བྱའོ། །
D7a.013.0267b07.01